Reading script
44 text units · Original verse markers remain within the text.
॥ ९. निशुम्भवधो नाम नवमोऽध्यायः ॥ । ध्यानम् । ॐ बन्धूककाञ्चननिभं रुचिराक्षमालां पाशाङ्कुशौ च वरदां निजबाहुदण्डैः । बिभ्राणमिन्दुशकलाभरणं त्रिनेत्र- मर्धांबिकेशमनिशं वपुराश्रयामि ॥|| 9. niśumbhavadho nāma navamo'dhyāyaḥ||| dhyānam| oṃ bandhūkakāñcananibhaṃ rucirākṣamālāṃ pāśāṅkuśau ca varadāṃ nijabāhudaṇḍaiḥ| bibhrāṇaminduśakalābharaṇaṃ trinetra- mardhāṃbikeśamaniśaṃ vapurāśrayāmi||
Sanskrit
ॐ राजोवाच ॥ ९.१॥
বাংলা
ॐ রাজোবাচ ॥ ৯.১॥
IAST
oṃ rājovāca|| 9.1||
Sanskrit
विचित्रमिदमाख्यातं भगवन् भवता मम । देव्याश्चरितमाहात्म्यं रक्तबीजवधाश्रितम् ॥ ९.२॥
বাংলা
বিচিত্রমিদমাখ্যাতং ভগবন্ ভবতা মম । দেব্যাশ্চরিতমাহাত্ম্যং রক্তবীজবধাশ্রিতম্ ॥ ৯.২॥
IAST
vicitramidamākhyātaṃ bhagavan bhavatā mama| devyāścaritamāhātmyaṃ raktabījavadhāśritam|| 9.2||
Sanskrit
भूयश्चेच्छाम्यहं श्रोतुं रक्तबीजे निपातिते । चकार शुम्भो यत्कर्म निशुम्भश्चातिकोपनः ॥ ९.३॥
বাংলা
ভূযশ্চেচ্ছাম্যহং শ্রোতুং রক্তবীজে নিপাতিতে । চকার শুম্ভো যত্কর্ম নিশুম্ভশ্চাতিকোপনঃ ॥ ৯.৩॥
IAST
bhūyaścecchāmyahaṃ śrotuṃ raktabīje nipātite| cakāra śumbho yatkarma niśumbhaścātikopanaḥ|| 9.3||
Sanskrit
ऋषिरुवाच ॥ ९.४॥
বাংলা
ঋষিরুবাচ ॥ ৯.৪॥
IAST
ṛṣiruvāca|| 9.4||
Sanskrit
चकार कोपमतुलं रक्तबीजे निपातिते । शुम्भासुरो निशुम्भश्च हतेष्वन्येषु चाहवे ॥ ९.५॥
বাংলা
চকার কোপমতুলং রক্তবীজে নিপাতিতে । শুম্ভাসুরো নিশুম্ভশ্চ হতেষ্বন্যেষু চাহবে ॥ ৯.৫॥
IAST
cakāra kopamatulaṃ raktabīje nipātite| śumbhāsuro niśumbhaśca hateṣvanyeṣu cāhave|| 9.5||
Sanskrit
हन्यमानं महासैन्यं विलोक्यामर्षमुद्वहन् । अभ्यधावन्निशुम्भोऽथ मुख्ययासुरसेनया ॥ ९.६॥
বাংলা
হন্যমানং মহাসৈন্যং বিলোক্যামর্ষমুদ্বহন্ । অভ্যধাবন্নিশুম্ভোঽথ মুখ্যযাসুরসেনযা ॥ ৯.৬॥
IAST
hanyamānaṃ mahāsainyaṃ vilokyāmarṣamudvahan| abhyadhāvanniśumbho'tha mukhyayāsurasenayā|| 9.6||
Sanskrit
तस्याग्रतस्तथा पृष्ठे पार्श्वयोश्च महासुराः । सन्दष्टौष्ठपुटाः क्रुद्धा हन्तुं देवीमुपाययुः ॥ ९.७॥
বাংলা
তস্যাগ্রতস্তথা পৃষ্ঠে পার্শ্বযোশ্চ মহাসুরাঃ । সন্দষ্টৌষ্ঠপুটাঃ ক্রুদ্ধা হন্তুং দেবীমুপাযযুঃ ॥ ৯.৭॥
IAST
tasyāgratastathā pṛṣṭhe pārśvayośca mahāsurāḥ| sandaṣṭauṣṭhapuṭāḥ kruddhā hantuṃ devīmupāyayuḥ|| 9.7||
Sanskrit
आजगाम महावीर्यः शुम्भोऽपि स्वबलैर्वृतः । निहन्तुं चण्डिकां कोपात्कृत्वा युद्धं तु मातृभिः ॥ ९.८॥
বাংলা
আজগাম মহাবীর্যঃ শুম্ভোঽপি স্ববলৈর্বৃতঃ । নিহন্তুং চণ্ডিকাং কোপাত্কৃত্বা যুদ্ধং তু মাতৃভিঃ ॥ ৯.৮॥
IAST
ājagāma mahāvīryaḥ śumbho'pi svabalairvṛtaḥ| nihantuṃ caṇḍikāṃ kopātkṛtvā yuddhaṃ tu mātṛbhiḥ|| 9.8||
Sanskrit
ततो युद्धमतीवासीद्देव्या शुम्भनिशुम्भयोः । शरवर्षमतीवोग्रं मेघयोरिव वर्षतोः ॥ ९.९॥
বাংলা
ততো যুদ্ধমতীবাসীদ্দেব্যা শুম্ভনিশুম্ভযোঃ । শরবর্ষমতীবোগ্রং মেঘযোরিব বর্ষতোঃ ॥ ৯.৯॥
IAST
tato yuddhamatīvāsīddevyā śumbhaniśumbhayoḥ| śaravarṣamatīvograṃ meghayoriva varṣatoḥ|| 9.9||
Sanskrit
चिच्छेदास्ताञ्छरांस्ताभ्यां चण्डिका स्वशरोत्करैः । ताडयामास चाङ्गेषु शस्त्रौघैरसुरेश्वरौ ॥ ९.१०॥
বাংলা
চিচ্ছেদাস্তাঞ্ছরাংস্তাভ্যাং চণ্ডিকা স্বশরোত্করৈঃ । তাডযামাস চাঙ্গেষু শস্ত্রৌঘৈরসুরেশ্বরৌ ॥ ৯.১০॥
IAST
cicchedāstāñcharāṃstābhyāṃ caṇḍikā svaśarotkaraiḥ| tāḍayāmāsa cāṅgeṣu śastraughairasureśvarau|| 9.10||
Sanskrit
निशुम्भो निशितं खड्गं चर्म चादाय सुप्रभम् । अताडयन्मूर्ध्नि सिंहं देव्या वाहनमुत्तमम् ॥ ९.११॥
বাংলা
নিশুম্ভো নিশিতং খড্গং চর্ম চাদায সুপ্রভম্ । অতাডযন্মূর্ধ্নি সিংহং দেব্যা বাহনমুত্তমম্ ॥ ৯.১১॥
IAST
niśumbho niśitaṃ khaḍgaṃ carma cādāya suprabham| atāḍayanmūrdhni siṃhaṃ devyā vāhanamuttamam|| 9.11||
Sanskrit
ताडिते वाहने देवी क्षुरप्रेणासिमुत्तमम् । निशुम्भस्याशु चिच्छेद चर्म चाप्यष्टचन्द्रकम् ॥ ९.१२॥
বাংলা
তাডিতে বাহনে দেবী ক্ষুরপ্রেণাসিমুত্তমম্ । নিশুম্ভস্যাশু চিচ্ছেদ চর্ম চাপ্যষ্টচন্দ্রকম্ ॥ ৯.১২॥
IAST
tāḍite vāhane devī kṣurapreṇāsimuttamam| niśumbhasyāśu ciccheda carma cāpyaṣṭacandrakam|| 9.12||
Sanskrit
छिन्ने चर्मणि खड्गे च शक्तिं चिक्षेप सोऽसुरः । तामप्यस्य द्विधा चक्रे चक्रेणाभिमुखागताम् ॥ ९.१३॥
বাংলা
ছিন্নে চর্মণি খড্গে চ শক্তিং চিক্ষেপ সোঽসুরঃ । তামপ্যস্য দ্বিধা চক্রে চক্রেণাভিমুখাগতাম্ ॥ ৯.১৩॥
IAST
chinne carmaṇi khaḍge ca śaktiṃ cikṣepa so'suraḥ| tāmapyasya dvidhā cakre cakreṇābhimukhāgatām|| 9.13||
Sanskrit
कोपाध्मातो निशुम्भोऽथ शूलं जग्राह दानवः । आयातं मुष्टिपातेन देवी तच्चाप्यचूर्णयत् ॥ ९.१४॥
বাংলা
কোপাধ্মাতো নিশুম্ভোঽথ শূলং জগ্রাহ দানবঃ । আযাতং মুষ্টিপাতেন দেবী তচ্চাপ্যচূর্ণযত্ ॥ ৯.১৪॥
IAST
kopādhmāto niśumbho'tha śūlaṃ jagrāha dānavaḥ| āyātaṃ muṣṭipātena devī taccāpyacūrṇayat|| 9.14||
Sanskrit
आविद्याथ गदां सोऽपि चिक्षेप चण्डिकां प्रति । सापि देव्यास् त्रिशूलेन भिन्ना भस्मत्वमागता ॥ ९.१५॥
বাংলা
আবিদ্যাথ গদাং সোঽপি চিক্ষেপ চণ্ডিকাং প্রতি । সাপি দেব্যাস্ ত্রিশূলেন ভিন্না ভস্মত্বমাগতা ॥ ৯.১৫॥
IAST
āvidyātha gadāṃ so'pi cikṣepa caṇḍikāṃ prati| sāpi devyās triśūlena bhinnā bhasmatvamāgatā|| 9.15||
Sanskrit
ततः परशुहस्तं तमायान्तं दैत्यपुङ्गवम् । आहत्य देवी बाणौघैरपातयत भूतले ॥ ९.१६॥
বাংলা
ততঃ পরশুহস্তং তমাযান্তং দৈত্যপুঙ্গবম্ । আহত্য দেবী বাণৌঘৈরপাতযত ভূতলে ॥ ৯.১৬॥
IAST
tataḥ paraśuhastaṃ tamāyāntaṃ daityapuṅgavam| āhatya devī bāṇaughairapātayata bhūtale|| 9.16||
Sanskrit
तस्मिन्निपतिते भूमौ निशुम्भे भीमविक्रमे । भ्रातर्यतीव सङ्क्रुद्धः प्रययौ हन्तुमम्बिकाम् ॥ ९.१७॥
বাংলা
তস্মিন্নিপতিতে ভূমৌ নিশুম্ভে ভীমবিক্রমে । ভ্রাতর্যতীব সঙ্ক্রুদ্ধঃ প্রযযৌ হন্তুমম্বিকাম্ ॥ ৯.১৭॥
IAST
tasminnipatite bhūmau niśumbhe bhīmavikrame| bhrātaryatīva saṅkruddhaḥ prayayau hantumambikām|| 9.17||
Sanskrit
स रथस्थस्तथात्युच्चैर्गृहीतपरमायुधैः । भुजैरष्टाभिरतुलैर्व्याप्याशेषं बभौ नभः ॥ ९.१८॥
বাংলা
স রথস্থস্তথাত্যুচ্চৈর্গৃহীতপরমাযুধৈঃ । ভুজৈরষ্টাভিরতুলৈর্ব্যাপ্যাশেষং বভৌ নভঃ ॥ ৯.১৮॥
IAST
sa rathasthastathātyuccairgṛhītaparamāyudhaiḥ| bhujairaṣṭābhiratulairvyāpyāśeṣaṃ babhau nabhaḥ|| 9.18||
Sanskrit
तमायान्तं समालोक्य देवी शङ्खमवादयत् । ज्याशब्दं चापि धनुषश्चकारातीव दुःसहम् ॥ ९.१९॥
বাংলা
তমাযান্তং সমালোক্য দেবী শঙ্খমবাদযত্ । জ্যাশব্দং চাপি ধনুষশ্চকারাতীব দুঃসহম্ ॥ ৯.১৯॥
IAST
tamāyāntaṃ samālokya devī śaṅkhamavādayat| jyāśabdaṃ cāpi dhanuṣaścakārātīva duḥsaham|| 9.19||
Sanskrit
पूरयामास ककुभो निजघण्टास्वनेन च । समस्तदैत्यसैन्यानां तेजोवधविधायिना ॥ ९.२०॥
বাংলা
পূরযামাস ককুভো নিজঘণ্টাস্বনেন চ । সমস্তদৈত্যসৈন্যানাং তেজোবধবিধাযিনা ॥ ৯.২০॥
IAST
pūrayāmāsa kakubho nijaghaṇṭāsvanena ca| samastadaityasainyānāṃ tejovadhavidhāyinā|| 9.20||
Sanskrit
ततः सिंहो महानादैस्त्याजितेभमहामदैः । पूरयामास गगनं गां तथैव दिशो दश ॥ ९.२१॥
বাংলা
ততঃ সিংহো মহানাদৈস্ত্যাজিতেভমহামদৈঃ । পূরযামাস গগনং গাং তথৈব দিশো দশ ॥ ৯.২১॥
IAST
tataḥ siṃho mahānādaistyājitebhamahāmadaiḥ| pūrayāmāsa gaganaṃ gāṃ tathaiva diśo daśa|| 9.21||
Sanskrit
ततः काली समुत्पत्य गगनं क्ष्मामताडयत् । कराभ्यां तन्निनादेन प्राक्स्वनास्ते तिरोहिताः ॥ ९.२२॥
বাংলা
ততঃ কালী সমুত্পত্য গগনং ক্ষ্মামতাডযত্ । করাভ্যাং তন্নিনাদেন প্রাক্স্বনাস্তে তিরোহিতাঃ ॥ ৯.২২॥
IAST
tataḥ kālī samutpatya gaganaṃ kṣmāmatāḍayat| karābhyāṃ tanninādena prāksvanāste tirohitāḥ|| 9.22||
Sanskrit
अट्टाट्टहासमशिवं शिवदूती चकार ह । वैः शब्दैरसुरास्त्रेसुः शुम्भः कोपं परं ययौ ॥ ९.२३॥
বাংলা
অট্টাট্টহাসমশিবং শিবদূতী চকার হ । বৈঃ শব্দৈরসুরাস্ত্রেসুঃ শুম্ভঃ কোপং পরং যযৌ ॥ ৯.২৩॥
IAST
aṭṭāṭṭahāsamaśivaṃ śivadūtī cakāra ha| vaiḥ śabdairasurāstresuḥ śumbhaḥ kopaṃ paraṃ yayau|| 9.23||
Sanskrit
दुरात्मंस्तिष्ठ तिष्ठेति व्याजहाराम्बिका यदा । तदा जयेत्यभिहितं देवैराकाशसंस्थितैः ॥ ९.२४॥
বাংলা
দুরাত্মংস্তিষ্ঠ তিষ্ঠেতি ব্যাজহারাম্বিকা যদা । তদা জযেত্যভিহিতং দেবৈরাকাশসংস্থিতৈঃ ॥ ৯.২৪॥
IAST
durātmaṃstiṣṭha tiṣṭheti vyājahārāmbikā yadā| tadā jayetyabhihitaṃ devairākāśasaṃsthitaiḥ|| 9.24||
Sanskrit
शुम्भेनागत्य या शक्तिर्मुक्ता ज्वालातिभीषणा । आयान्ती वह्निकूटाभा सा निरस्ता महोल्कया ॥ ९.२५॥
বাংলা
শুম্ভেনাগত্য যা শক্তির্মুক্তা জ্বালাতিভীষণা । আযান্তী বহ্নিকূটাভা সা নিরস্তা মহোল্কযা ॥ ৯.২৫॥
IAST
śumbhenāgatya yā śaktirmuktā jvālātibhīṣaṇā| āyāntī vahnikūṭābhā sā nirastā maholkayā|| 9.25||
Sanskrit
सिंहनादेन शुम्भस्य व्याप्तं लोकत्रयान्तरम् । निर्घातनिःस्वनो घोरो जितवानवनीपते ॥ ९.२६॥
বাংলা
সিংহনাদেন শুম্ভস্য ব্যাপ্তং লোকত্রযান্তরম্ । নির্ঘাতনিঃস্বনো ঘোরো জিতবানবনীপতে ॥ ৯.২৬॥
IAST
siṃhanādena śumbhasya vyāptaṃ lokatrayāntaram| nirghātaniḥsvano ghoro jitavānavanīpate|| 9.26||
Sanskrit
शुम्भमुक्ताञ्छरान्देवी शुम्भस्तत्प्रहिताञ्छरान् । चिच्छेद स्वशरैरुग्रैः शतशोऽथ सहस्रशः ॥ ९.२७॥
বাংলা
শুম্ভমুক্তাঞ্ছরান্দেবী শুম্ভস্তত্প্রহিতাঞ্ছরান্ । চিচ্ছেদ স্বশরৈরুগ্রৈঃ শতশোঽথ সহস্রশঃ ॥ ৯.২৭॥
IAST
śumbhamuktāñcharāndevī śumbhastatprahitāñcharān| ciccheda svaśarairugraiḥ śataśo'tha sahasraśaḥ|| 9.27||
Sanskrit
ततः सा चण्डिका क्रुद्धा शूलेनाभिजघान तम् । स तदाभिहतो भूमौ मूर्च्छितो निपपात ह ॥ ९.२८॥
বাংলা
ততঃ সা চণ্ডিকা ক্রুদ্ধা শূলেনাভিজঘান তম্ । স তদাভিহতো ভূমৌ মূর্চ্ছিতো নিপপাত হ ॥ ৯.২৮॥
IAST
tataḥ sā caṇḍikā kruddhā śūlenābhijaghāna tam| sa tadābhihato bhūmau mūrcchito nipapāta ha|| 9.28||
Sanskrit
ततो निशुम्भः सम्प्राप्य चेतनामात्तकार्मुकः । आजघान शरैर्देवीं कालीं केसरिणं तथा ॥ ९.२९॥
বাংলা
ততো নিশুম্ভঃ সম্প্রাপ্য চেতনামাত্তকার্মুকঃ । আজঘান শরৈর্দেবীং কালীং কেসরিণং তথা ॥ ৯.২৯॥
IAST
tato niśumbhaḥ samprāpya cetanāmāttakārmukaḥ| ājaghāna śarairdevīṃ kālīṃ kesariṇaṃ tathā|| 9.29||
Sanskrit
पुनश्च कृत्वा बाहूनामयुतं दनुजेश्वरः । चक्रायुधेन दितिजश्छादयामास चण्डिकाम् ॥ ९.३०॥
বাংলা
পুনশ্চ কৃত্বা বাহূনামযুতং দনুজেশ্বরঃ । চক্রাযুধেন দিতিজশ্ছাদযামাস চণ্ডিকাম্ ॥ ৯.৩০॥
IAST
punaśca kṛtvā bāhūnāmayutaṃ danujeśvaraḥ| cakrāyudhena ditijaśchādayāmāsa caṇḍikām|| 9.30||
Sanskrit
ततो भगवती क्रुद्धा दुर्गा दुर्गार्तिनाशिनी । चिच्छेद देवी चक्राणि स्वशरैः सायकांश्च तान् ॥ ९.३१॥
বাংলা
ততো ভগবতী ক্রুদ্ধা দুর্গা দুর্গার্তিনাশিনী । চিচ্ছেদ দেবী চক্রাণি স্বশরৈঃ সাযকাংশ্চ তান্ ॥ ৯.৩১॥
IAST
tato bhagavatī kruddhā durgā durgārtināśinī| ciccheda devī cakrāṇi svaśaraiḥ sāyakāṃśca tān|| 9.31||
Sanskrit
ततो निशुम्भो वेगेन गदामादाय चण्डिकाम् । अभ्यधावत वै हन्तुं दैत्यसैन्यसमावृतः ॥ ९.३२॥
বাংলা
ততো নিশুম্ভো বেগেন গদামাদায চণ্ডিকাম্ । অভ্যধাবত বৈ হন্তুং দৈত্যসৈন্যসমাবৃতঃ ॥ ৯.৩২॥
IAST
tato niśumbho vegena gadāmādāya caṇḍikām| abhyadhāvata vai hantuṃ daityasainyasamāvṛtaḥ|| 9.32||
Sanskrit
तस्यापतत एवाशु गदां चिच्छेद चण्डिका । खड्गेन शितधारेण स च शूलं समाददे ॥ ९.३३॥
বাংলা
তস্যাপতত এবাশু গদাং চিচ্ছেদ চণ্ডিকা । খড্গেন শিতধারেণ স চ শূলং সমাদদে ॥ ৯.৩৩॥
IAST
tasyāpatata evāśu gadāṃ ciccheda caṇḍikā| khaḍgena śitadhāreṇa sa ca śūlaṃ samādade|| 9.33||
Sanskrit
शूलहस्तं समायान्तं निशुम्भममरार्दनम् । हृदि विव्याध शूलेन वेगाविद्धेन चण्डिका ॥ ९.३४॥
বাংলা
শূলহস্তং সমাযান্তং নিশুম্ভমমরার্দনম্ । হৃদি বিব্যাধ শূলেন বেগাবিদ্ধেন চণ্ডিকা ॥ ৯.৩৪॥
IAST
śūlahastaṃ samāyāntaṃ niśumbhamamarārdanam| hṛdi vivyādha śūlena vegāviddhena caṇḍikā|| 9.34||
Sanskrit
भिन्नस्य तस्य शूलेन हृदयान्निःसृतोऽपरः । महाबलो महावीर्यस्तिष्ठेति पुरुषो वदन् ॥ ९.३५॥
বাংলা
ভিন্নস্য তস্য শূলেন হৃদযান্নিঃসৃতোঽপরঃ । মহাবলো মহাবীর্যস্তিষ্ঠেতি পুরুষো বদন্ ॥ ৯.৩৫॥
IAST
bhinnasya tasya śūlena hṛdayānniḥsṛto'paraḥ| mahābalo mahāvīryastiṣṭheti puruṣo vadan|| 9.35||
Sanskrit
तस्य निष्क्रामतो देवी प्रहस्य स्वनवत्ततः । शिरश्चिच्छेद खड्गेन ततोऽसावपतद्भुवि ॥ ९.३६॥
বাংলা
তস্য নিষ্ক্রামতো দেবী প্রহস্য স্বনবত্ততঃ । শিরশ্চিচ্ছেদ খড্গেন ততোঽসাবপতদ্ভুবি ॥ ৯.৩৬॥
IAST
tasya niṣkrāmato devī prahasya svanavattataḥ| śiraściccheda khaḍgena tato'sāvapatadbhuvi|| 9.36||
Sanskrit
ततः सिंहश्चखादोग्रदंष्ट्राक्षुण्णशिरोधरान् । असुरांस्तांस्तथा काली शिवदूती तथापरान् ॥ ९.३७॥
বাংলা
ততঃ সিংহশ্চখাদোগ্রদংষ্ট্রাক্ষুণ্ণশিরোধরান্ । অসুরাংস্তাংস্তথা কালী শিবদূতী তথাপরান্ ॥ ৯.৩৭॥
IAST
tataḥ siṃhaścakhādogradaṃṣṭrākṣuṇṇaśirodharān| asurāṃstāṃstathā kālī śivadūtī tathāparān|| 9.37||
Sanskrit
कौमारीशक्तिनिर्भिन्नाः केचिन्नेशुर्महासुराः । ब्रह्माणीमन्त्रपूतेन तोयेनान्ये निराकृताः ॥ ९.३८॥
বাংলা
কৌমারীশক্তিনির্ভিন্নাঃ কেচিন্নেশুর্মহাসুরাঃ । ব্রহ্মাণীমন্ত্রপূতেন তোযেনান্যে নিরাকৃতাঃ ॥ ৯.৩৮॥
IAST
kaumārīśaktinirbhinnāḥ kecinneśurmahāsurāḥ| brahmāṇīmantrapūtena toyenānye nirākṛtāḥ|| 9.38||
Sanskrit
माहेश्वरीत्रिशूलेन भिन्नाः पेतुस्तथापरे । वाराहीतुण्डघातेन केचिच्चूर्णीकृता भुवि ॥ ९.३९॥
বাংলা
মাহেশ্বরীত্রিশূলেন ভিন্নাঃ পেতুস্তথাপরে । বারাহীতুণ্ডঘাতেন কেচিচ্চূর্ণীকৃতা ভুবি ॥ ৯.৩৯॥
IAST
māheśvarītriśūlena bhinnāḥ petustathāpare| vārāhītuṇḍaghātena keciccūrṇīkṛtā bhuvi|| 9.39||
Sanskrit
खण्डं खण्डं च चक्रेण वैष्णव्या दानवाः कृताः । वज्रेण चैन्द्रीहस्ताग्रविमुक्तेन तथापरे ॥ ९.४०॥
বাংলা
খণ্ডং খণ্ডং চ চক্রেণ বৈষ্ণব্যা দানবাঃ কৃতাঃ । বজ্রেণ চৈন্দ্রীহস্তাগ্রবিমুক্তেন তথাপরে ॥ ৯.৪০॥
IAST
khaṇḍaṃ khaṇḍaṃ ca cakreṇa vaiṣṇavyā dānavāḥ kṛtāḥ| vajreṇa caindrīhastāgravimuktena tathāpare|| 9.40||
Sanskrit
केचिद्विनेशुरसुराः केचिन्नष्टा महाहवात् । भक्षिताश्चापरे कालीशिवदूतीमृगाधिपैः ॥ ९.४१॥
বাংলা
কেচিদ্বিনেশুরসুরাঃ কেচিন্নষ্টা মহাহবাত্ । ভক্ষিতাশ্চাপরে কালীশিবদূতীমৃগাধিপৈঃ ॥ ৯.৪১॥
IAST
kecidvineśurasurāḥ kecinnaṣṭā mahāhavāt| bhakṣitāścāpare kālīśivadūtīmṛgādhipaiḥ|| 9.41||
Sanskrit
॥ स्वस्ति श्रीमार्कण्डेयपुराणे सावर्णिके मन्वन्तरे देवीमाहात्म्ये निशुम्भवधो नाम नवमोऽध्यायः ॥ ९॥
বাংলা
॥ স্বস্তি শ্রীমার্কণ্ডেযপুরাণে সাবর্ণিকে মন্বন্তরে দেবীমাহাত্ম্যে নিশুম্ভবধো নাম নবমোঽধ্যাযঃ ॥ ৯॥
IAST
|| svasti śrīmārkaṇḍeyapurāṇe sāvarṇike manvantare devīmāhātmye niśumbhavadho nāma navamo'dhyāyaḥ|| 9||
Sanskrit
उवाच २, अर्धश्लोकाः ३९, श्लोकाः ४१, एवमादितः ॥ ५४३॥
বাংলা
উবাচ ২, অর্ধশ্লোকাঃ ৩৯, শ্লোকাঃ ৪১, এবমাদিতঃ ॥ ৫৪৩॥
IAST
uvāca 2, ardhaślokāḥ 39, ślokāḥ 41, evamāditaḥ|| 543||
The 22-step reading sequence
