Reading script
30 text units · Original verse markers remain within the text.
॥ ७. चण्डमुण्डवधो नाम सप्तमोऽध्यायः ॥ । ध्यानम् । ॐ ध्यायेयं रत्नपीठे शुककलपठितं शृण्वतीं श्यामलाङ्गीं न्यस्तैकांघ्रिं सरोजे शशिशकलधरां वल्लकीं वादयन्तीम् । कल्हाराबद्धमालां नियमितविलसच्चोलिकां रत्नवस्त्रां मातङ्गी शङ्कपात्रां मधुरमधुमदां चित्रकोद्भासिभालाम् ॥|| 7. caṇḍamuṇḍavadho nāma saptamo'dhyāyaḥ||| dhyānam| oṃ dhyāyeyaṃ ratnapīṭhe śukakalapaṭhitaṃ śṛṇvatīṃ śyāmalāṅgīṃ nyastaikāṃghriṃ saroje śaśiśakaladharāṃ vallakīṃ vādayantīm| kalhārābaddhamālāṃ niyamitavilasaccolikāṃ ratnavastrāṃ mātaṅgī śaṅkapātrāṃ madhuramadhumadāṃ citrakodbhāsibhālām||
Sanskrit
ॐ ऋषिरुवाच ॥ ७.१॥
বাংলা
ॐ ঋষিরুবাচ ॥ ৭.১॥
IAST
oṃ ṛṣiruvāca|| 7.1||
Sanskrit
आज्ञप्तास्ते ततो दैत्याश्चण्डमुण्डपुरोगमाः । चतुरङ्गबलोपेता ययुरभ्युद्यतायुधाः ॥ ७.२॥
বাংলা
আজ্ঞপ্তাস্তে ততো দৈত্যাশ্চণ্ডমুণ্ডপুরোগমাঃ । চতুরঙ্গবলোপেতা যযুরভ্যুদ্যতাযুধাঃ ॥ ৭.২॥
IAST
ājñaptāste tato daityāścaṇḍamuṇḍapurogamāḥ| caturaṅgabalopetā yayurabhyudyatāyudhāḥ|| 7.2||
Sanskrit
ददृशुस्ते ततो देवीमीषद्धासां व्यवस्थिताम् । सिंहस्योपरि शैलेन्द्रशृङ्गे महति काञ्चने ॥ ७.३॥
বাংলা
দদৃশুস্তে ততো দেবীমীষদ্ধাসাং ব্যবস্থিতাম্ । সিংহস্যোপরি শৈলেন্দ্রশৃঙ্গে মহতি কাঞ্চনে ॥ ৭.৩॥
IAST
dadṛśuste tato devīmīṣaddhāsāṃ vyavasthitām| siṃhasyopari śailendraśṛṅge mahati kāñcane|| 7.3||
Sanskrit
ते दृष्ट्वा तां समादातुमुद्यमं चक्रुरुद्यताः । आकृष्टचापासिधरास्तथान्ये तत्समीपगाः ॥ ७.४॥
বাংলা
তে দৃষ্ট্বা তাং সমাদাতুমুদ্যমং চক্রুরুদ্যতাঃ । আকৃষ্টচাপাসিধরাস্তথান্যে তত্সমীপগাঃ ॥ ৭.৪॥
IAST
te dṛṣṭvā tāṃ samādātumudyamaṃ cakrurudyatāḥ| ākṛṣṭacāpāsidharāstathānye tatsamīpagāḥ|| 7.4||
Sanskrit
ततः कोपं चकारोच्चैरम्बिका तानरीन्प्रति । कोपेन चास्या वदनं मषीवर्णमभूत्तदा ॥ ७.५॥
বাংলা
ততঃ কোপং চকারোচ্চৈরম্বিকা তানরীন্প্রতি । কোপেন চাস্যা বদনং মষীবর্ণমভূত্তদা ॥ ৭.৫॥
IAST
tataḥ kopaṃ cakāroccairambikā tānarīnprati| kopena cāsyā vadanaṃ maṣīvarṇamabhūttadā|| 7.5||
Sanskrit
भ्रुकुटीकुटिलात्तस्या ललाटफलकाद्द्रुतम् । काली करालवदना विनिष्क्रान्तासिपाशिनी ॥ ७.६॥
বাংলা
ভ্রুকুটীকুটিলাত্তস্যা ললাটফলকাদ্দ্রুতম্ । কালী করালবদনা বিনিষ্ক্রান্তাসিপাশিনী ॥ ৭.৬॥
IAST
bhrukuṭīkuṭilāttasyā lalāṭaphalakāddrutam| kālī karālavadanā viniṣkrāntāsipāśinī|| 7.6||
Sanskrit
विचित्रखट्वाङ्गधरा नरमालाविभूषणा । द्वीपिचर्मपरीधाना शुष्कमांसातिभैरवा ॥ ७.७॥
বাংলা
বিচিত্রখট্বাঙ্গধরা নরমালাবিভূষণা । দ্বীপিচর্মপরীধানা শুষ্কমাংসাতিভৈরবা ॥ ৭.৭॥
IAST
vicitrakhaṭvāṅgadharā naramālāvibhūṣaṇā| dvīpicarmaparīdhānā śuṣkamāṃsātibhairavā|| 7.7||
Sanskrit
अतिविस्तारवदना जिह्वाललनभीषणा । निमग्नारक्तनयना नादापूरितदिङ्मुखा ॥ ७.८॥
বাংলা
অতিবিস্তারবদনা জিহ্বাললনভীষণা । নিমগ্নারক্তনযনা নাদাপূরিতদিঙ্মুখা ॥ ৭.৮॥
IAST
ativistāravadanā jihvālalanabhīṣaṇā| nimagnāraktanayanā nādāpūritadiṅmukhā|| 7.8||
Sanskrit
सा वेगेनाभिपतिता घातयन्ती महासुरान् । सैन्ये तत्र सुरारीणामभक्षयत तद्बलम् ॥ ७.९॥
বাংলা
সা বেগেনাভিপতিতা ঘাতযন্তী মহাসুরান্ । সৈন্যে তত্র সুরারীণামভক্ষযত তদ্বলম্ ॥ ৭.৯॥
IAST
sā vegenābhipatitā ghātayantī mahāsurān| sainye tatra surārīṇāmabhakṣayata tadbalam|| 7.9||
Sanskrit
पार्ष्णिग्राहाङ्कुशग्राहयोधघण्टासमन्वितान् । समादायैकहस्तेन मुखे चिक्षेप वारणान् ॥ ७.१०॥
বাংলা
পার্ষ্ণিগ্রাহাঙ্কুশগ্রাহযোধঘণ্টাসমন্বিতান্ । সমাদাযৈকহস্তেন মুখে চিক্ষেপ বারণান্ ॥ ৭.১০॥
IAST
pārṣṇigrāhāṅkuśagrāhayodhaghaṇṭāsamanvitān| samādāyaikahastena mukhe cikṣepa vāraṇān|| 7.10||
Sanskrit
तथैव योधं तुरगै रथं सारथिना सह । निक्षिप्य वक्त्रे दशनैश्चर्वयन्त्यतिभैरवम् ॥ ७.११॥
বাংলা
তথৈব যোধং তুরগৈ রথং সারথিনা সহ । নিক্ষিপ্য বক্ত্রে দশনৈশ্চর্বযন্ত্যতিভৈরবম্ ॥ ৭.১১॥
IAST
tathaiva yodhaṃ turagai rathaṃ sārathinā saha| nikṣipya vaktre daśanaiścarvayantyatibhairavam|| 7.11||
Sanskrit
एकं जग्राह केशेषु ग्रीवायामथ चापरम् । पादेनाक्रम्य चैवान्यमुरसान्यमपोथयत् ॥ ७.१२॥
বাংলা
একং জগ্রাহ কেশেষু গ্রীবাযামথ চাপরম্ । পাদেনাক্রম্য চৈবান্যমুরসান্যমপোথযত্ ॥ ৭.১২॥
IAST
ekaṃ jagrāha keśeṣu grīvāyāmatha cāparam| pādenākramya caivānyamurasānyamapothayat|| 7.12||
Sanskrit
तैर्मुक्तानि च शस्त्राणि महास्त्राणि तथासुरैः । मुखेन जग्राह रुषा दशनैर्मथितान्यपि ॥ ७.१३॥
বাংলা
তৈর্মুক্তানি চ শস্ত্রাণি মহাস্ত্রাণি তথাসুরৈঃ । মুখেন জগ্রাহ রুষা দশনৈর্মথিতান্যপি ॥ ৭.১৩॥
IAST
tairmuktāni ca śastrāṇi mahāstrāṇi tathāsuraiḥ| mukhena jagrāha ruṣā daśanairmathitānyapi|| 7.13||
Sanskrit
बलिनां तद्बलं सर्वमसुराणां दुरात्मनाम् । ममर्दाभक्षयच्चान्यानन्यांश्चाताडयत्तदा ॥ ७.१४॥
বাংলা
বলিনাং তদ্বলং সর্বমসুরাণাং দুরাত্মনাম্ । মমর্দাভক্ষযচ্চান্যানন্যাংশ্চাতাডযত্তদা ॥ ৭.১৪॥
IAST
balināṃ tadbalaṃ sarvamasurāṇāṃ durātmanām| mamardābhakṣayaccānyānanyāṃścātāḍayattadā|| 7.14||
Sanskrit
असिना निहताः केचित्केचित्खट्वाङ्गताडिताः । जग्मुर्विनाशमसुरा दन्ताग्राभिहतास्तथा ॥ ७.१५॥
বাংলা
অসিনা নিহতাঃ কেচিত্কেচিত্খট্বাঙ্গতাডিতাঃ । জগ্মুর্বিনাশমসুরা দন্তাগ্রাভিহতাস্তথা ॥ ৭.১৫॥
IAST
asinā nihatāḥ kecitkecitkhaṭvāṅgatāḍitāḥ| jagmurvināśamasurā dantāgrābhihatāstathā|| 7.15||
Sanskrit
क्षणेन तद्बलं सर्वमसुराणां निपातितम् । दृष्ट्वा चण्डोऽभिदुद्राव तां कालीमतिभीषणाम् ॥ ७.१६॥
বাংলা
ক্ষণেন তদ্বলং সর্বমসুরাণাং নিপাতিতম্ । দৃষ্ট্বা চণ্ডোঽভিদুদ্রাব তাং কালীমতিভীষণাম্ ॥ ৭.১৬॥
IAST
kṣaṇena tadbalaṃ sarvamasurāṇāṃ nipātitam| dṛṣṭvā caṇḍo'bhidudrāva tāṃ kālīmatibhīṣaṇām|| 7.16||
Sanskrit
शरवर्षैर्महाभीमैर्भीमाक्षीं तां महासुरः । छादयामास चक्रैश्च मुण्डः क्षिप्तैः सहस्रशः ॥ ७.१७॥
বাংলা
শরবর্ষৈর্মহাভীমৈর্ভীমাক্ষীং তাং মহাসুরঃ । ছাদযামাস চক্রৈশ্চ মুণ্ডঃ ক্ষিপ্তৈঃ সহস্রশঃ ॥ ৭.১৭॥
IAST
śaravarṣairmahābhīmairbhīmākṣīṃ tāṃ mahāsuraḥ| chādayāmāsa cakraiśca muṇḍaḥ kṣiptaiḥ sahasraśaḥ|| 7.17||
Sanskrit
तानि चक्राण्यनेकानि विशमानानि तन्मुखम् । बभुर्यथार्कबिम्बानि सुबहूनि घनोदरम् ॥ ७.१८॥
বাংলা
তানি চক্রাণ্যনেকানি বিশমানানি তন্মুখম্ । বভুর্যথার্কবিম্বানি সুবহূনি ঘনোদরম্ ॥ ৭.১৮॥
IAST
tāni cakrāṇyanekāni viśamānāni tanmukham| babhuryathārkabimbāni subahūni ghanodaram|| 7.18||
Sanskrit
ततो जहासातिरुषा भीमं भैरवनादिनी । काली करालवदना दुर्दर्शदशनोज्ज्वला ॥ ७.१९॥
বাংলা
ততো জহাসাতিরুষা ভীমং ভৈরবনাদিনী । কালী করালবদনা দুর্দর্শদশনোজ্জ্বলা ॥ ৭.১৯॥
IAST
tato jahāsātiruṣā bhīmaṃ bhairavanādinī| kālī karālavadanā durdarśadaśanojjvalā|| 7.19||
Sanskrit
उत्थाय च महासिंहं देवी चण्डमधावत । गृहीत्वा चास्य केशेषु शिरस्तेनासिनाच्छिनत् ॥ ७.२०॥
বাংলা
উত্থায চ মহাসিংহং দেবী চণ্ডমধাবত । গৃহীত্বা চাস্য কেশেষু শিরস্তেনাসিনাচ্ছিনত্ ॥ ৭.২০॥
IAST
utthāya ca mahāsiṃhaṃ devī caṇḍamadhāvata| gṛhītvā cāsya keśeṣu śirastenāsinācchinat|| 7.20||
Sanskrit
अथ मुण्डोऽभ्यधावत्तां दृष्ट्वा चण्डं निपातितम् । तमप्यपातयद्भूमौ सा खड्गाभिहतं रुषा ॥ ७.२१॥
বাংলা
অথ মুণ্ডোঽভ্যধাবত্তাং দৃষ্ট্বা চণ্ডং নিপাতিতম্ । তমপ্যপাতযদ্ভূমৌ সা খড্গাভিহতং রুষা ॥ ৭.২১॥
IAST
atha muṇḍo'bhyadhāvattāṃ dṛṣṭvā caṇḍaṃ nipātitam| tamapyapātayadbhūmau sā khaḍgābhihataṃ ruṣā|| 7.21||
Sanskrit
हतशेषं ततः सैन्यं दृष्ट्वा चण्डं निपातितम् । मुण्डं च सुमहावीर्यं दिशो भेजे भयातुरम् ॥ ७.२२॥
বাংলা
হতশেষং ততঃ সৈন্যং দৃষ্ট্বা চণ্ডং নিপাতিতম্ । মুণ্ডং চ সুমহাবীর্যং দিশো ভেজে ভযাতুরম্ ॥ ৭.২২॥
IAST
hataśeṣaṃ tataḥ sainyaṃ dṛṣṭvā caṇḍaṃ nipātitam| muṇḍaṃ ca sumahāvīryaṃ diśo bheje bhayāturam|| 7.22||
Sanskrit
शिरश्चण्डस्य काली च गृहीत्वा मुण्डमेव च । प्राह प्रचण्डाट्टहासमिश्रमभ्येत्य चण्डिकाम् ॥ ७.२३॥
বাংলা
শিরশ্চণ্ডস্য কালী চ গৃহীত্বা মুণ্ডমেব চ । প্রাহ প্রচণ্ডাট্টহাসমিশ্রমভ্যেত্য চণ্ডিকাম্ ॥ ৭.২৩॥
IAST
śiraścaṇḍasya kālī ca gṛhītvā muṇḍameva ca| prāha pracaṇḍāṭṭahāsamiśramabhyetya caṇḍikām|| 7.23||
Sanskrit
मया तवात्रोपहृतौ चण्डमुण्डौ महापशू । युद्धयज्ञे स्वयं शुम्भं निशुम्भं च हनिष्यसि ॥ ७.२४॥
বাংলা
মযা তবাত্রোপহৃতৌ চণ্ডমুণ্ডৌ মহাপশূ । যুদ্ধযজ্ঞে স্বযং শুম্ভং নিশুম্ভং চ হনিষ্যসি ॥ ৭.২৪॥
IAST
mayā tavātropahṛtau caṇḍamuṇḍau mahāpaśū| yuddhayajñe svayaṃ śumbhaṃ niśumbhaṃ ca haniṣyasi|| 7.24||
Sanskrit
ऋषिरुवाच ॥ ७.२५॥
বাংলা
ঋষিরুবাচ ॥ ৭.২৫॥
IAST
ṛṣiruvāca|| 7.25||
Sanskrit
तावानीतौ ततो दृष्ट्वा चण्डमुण्डौ महासुरौ । उवाच कालीं कल्याणी ललितं चण्डिका वचः ॥ ७.२६॥
বাংলা
তাবানীতৌ ততো দৃষ্ট্বা চণ্ডমুণ্ডৌ মহাসুরৌ । উবাচ কালীং কল্যাণী ললিতং চণ্ডিকা বচঃ ॥ ৭.২৬॥
IAST
tāvānītau tato dṛṣṭvā caṇḍamuṇḍau mahāsurau| uvāca kālīṃ kalyāṇī lalitaṃ caṇḍikā vacaḥ|| 7.26||
Sanskrit
यस्माच्चण्डं च मुण्डं च गृहीत्वा त्वमुपागता । चामुण्डेति ततो लोके ख्याता देवी भविष्यसि ॥ ७.२७॥
বাংলা
যস্মাচ্চণ্ডং চ মুণ্ডং চ গৃহীত্বা ত্বমুপাগতা । চামুণ্ডেতি ততো লোকে খ্যাতা দেবী ভবিষ্যসি ॥ ৭.২৭॥
IAST
yasmāccaṇḍaṃ ca muṇḍaṃ ca gṛhītvā tvamupāgatā| cāmuṇḍeti tato loke khyātā devī bhaviṣyasi|| 7.27||
Sanskrit
॥ स्वस्ति श्रीमार्कण्डेयपुराणे सावर्णिके मन्वन्तरे देवीमाहात्म्ये चण्डमुण्डवधो नाम सप्तमोऽध्यायः ॥ ७॥
বাংলা
॥ স্বস্তি শ্রীমার্কণ্ডেযপুরাণে সাবর্ণিকে মন্বন্তরে দেবীমাহাত্ম্যে চণ্ডমুণ্ডবধো নাম সপ্তমোঽধ্যাযঃ ॥ ৭॥
IAST
|| svasti śrīmārkaṇḍeyapurāṇe sāvarṇike manvantare devīmāhātmye caṇḍamuṇḍavadho nāma saptamo'dhyāyaḥ|| 7||
Sanskrit
उवाच २, श्लोकाः २५, एवमादितः ॥ ४३९॥
বাংলা
উবাচ ২, শ্লোকাঃ ২৫, এবমাদিতঃ ॥ ৪৩৯॥
IAST
uvāca 2, ślokāḥ 25, evamāditaḥ|| 439||
The 22-step reading sequence
