Reading script
46 text units · Original verse markers remain within the text.
॥ ४. शक्रादिस्तुतिर्नाम चतुर्थोऽध्यायः ॥ । ध्यानम् । ॐ कालाभ्राभां कटाक्षैररिकुलभयदां मौलिबद्धेन्दुरेखां शङ्खं चक्रं कृपाणं त्रिशिखमपि करैरुद्वहन्तीं त्रिनेत्राम् । सिंहस्कन्धाधिरूढां त्रिभुवनमखिलं तेजसा पूरयन्तीं ध्यायेद्दुर्गां जयाख्यां त्रिदशपरिवृतां सेवितां सिद्धिकामैः ॥|| 4. śakrādistutirnāma caturtho'dhyāyaḥ||| dhyānam| oṃ kālābhrābhāṃ kaṭākṣairarikulabhayadāṃ maulibaddhendurekhāṃ śaṅkhaṃ cakraṃ kṛpāṇaṃ triśikhamapi karairudvahantīṃ trinetrām| siṃhaskandhādhirūḍhāṃ tribhuvanamakhilaṃ tejasā pūrayantīṃ dhyāyeddurgāṃ jayākhyāṃ tridaśaparivṛtāṃ sevitāṃ siddhikāmaiḥ||
Sanskrit
ॐ ऋषिरुवाच ॥ ४.१॥
বাংলা
ॐ ঋষিরুবাচ ॥ ৪.১॥
IAST
oṃ ṛṣiruvāca|| 4.1||
Sanskrit
शक्रादयः सुरगणा निहतेऽतिवीर्ये तस्मिन्दुरात्मनि सुरारिबले च देव्या । तां तुष्टुवुः प्रणतिनम्रशिरोधरांसा वाग्भिः प्रहर्षपुलकोद्गमचारुदेहाः ॥ ४.२॥
বাংলা
শক্রাদযঃ সুরগণা নিহতেঽতিবীর্যে তস্মিন্দুরাত্মনি সুরারিবলে চ দেব্যা । তাং তুষ্টুবুঃ প্রণতিনম্রশিরোধরাংসা বাগ্ভিঃ প্রহর্ষপুলকোদ্গমচারুদেহাঃ ॥ ৪.২॥
IAST
śakrādayaḥ suragaṇā nihate'tivīrye tasmindurātmani surāribale ca devyā| tāṃ tuṣṭuvuḥ praṇatinamraśirodharāṃsā vāgbhiḥ praharṣapulakodgamacārudehāḥ|| 4.2||
Sanskrit
देव्या यया ततमिदं जगदात्मशक्त्या निःशेषदेवगणशक्तिसमूहमूर्त्या । तामम्बिकामखिलदेवमहर्षिपूज्यां भक्त्या नताः स्म विदधातु शुभानि सा नः ॥ ४.३॥
বাংলা
দেব্যা যযা ততমিদং জগদাত্মশক্ত্যা নিঃশেষদেবগণশক্তিসমূহমূর্ত্যা । তামম্বিকামখিলদেবমহর্ষিপূজ্যাং ভক্ত্যা নতাঃ স্ম বিদধাতু শুভানি সা নঃ ॥ ৪.৩॥
IAST
devyā yayā tatamidaṃ jagadātmaśaktyā niḥśeṣadevagaṇaśaktisamūhamūrtyā| tāmambikāmakhiladevamaharṣipūjyāṃ bhaktyā natāḥ sma vidadhātu śubhāni sā naḥ|| 4.3||
Sanskrit
यस्याः प्रभावमतुलं भगवाननन्तो ब्रह्मा हरश्च न हि वक्तुमलं बलं च । सा चण्डिकाखिलजगत्परिपालनाय नाशाय चाशुभभयस्य मतिं करोतु ॥ ४.४॥
বাংলা
যস্যাঃ প্রভাবমতুলং ভগবাননন্তো ব্রহ্মা হরশ্চ ন হি বক্তুমলং বলং চ । সা চণ্ডিকাখিলজগত্পরিপালনায নাশায চাশুভভযস্য মতিং করোতু ॥ ৪.৪॥
IAST
yasyāḥ prabhāvamatulaṃ bhagavānananto brahmā haraśca na hi vaktumalaṃ balaṃ ca| sā caṇḍikākhilajagatparipālanāya nāśāya cāśubhabhayasya matiṃ karotu|| 4.4||
Sanskrit
या श्रीः स्वयं सुकृतिनां भवनेष्वलक्ष्मीः पापात्मनां कृतधियां हृदयेषु बुद्धिः । श्रद्धा सतां कुलजनप्रभवस्य लज्जा तां त्वां नताः स्म परिपालय देवि विश्वम् ॥ ४.५॥
বাংলা
যা শ্রীঃ স্বযং সুকৃতিনাং ভবনেষ্বলক্ষ্মীঃ পাপাত্মনাং কৃতধিযাং হৃদযেষু বুদ্ধিঃ । শ্রদ্ধা সতাং কুলজনপ্রভবস্য লজ্জা তাং ত্বাং নতাঃ স্ম পরিপালয দেবি বিশ্বম্ ॥ ৪.৫॥
IAST
yā śrīḥ svayaṃ sukṛtināṃ bhavaneṣvalakṣmīḥ pāpātmanāṃ kṛtadhiyāṃ hṛdayeṣu buddhiḥ| śraddhā satāṃ kulajanaprabhavasya lajjā tāṃ tvāṃ natāḥ sma paripālaya devi viśvam|| 4.5||
Sanskrit
किं वर्णयाम तव रूपमचिन्त्यमेतत् किञ्चातिवीर्यमसुरक्षयकारि भूरि । किं चाहवेषु चरितानि तवाति यानि सर्वेषु देव्यसुरदेवगणादिकेषु ॥ ४.६॥
বাংলা
কিং বর্ণযাম তব রূপমচিন্ত্যমেতত্ কিঞ্চাতিবীর্যমসুরক্ষযকারি ভূরি । কিং চাহবেষু চরিতানি তবাতি যানি সর্বেষু দেব্যসুরদেবগণাদিকেষু ॥ ৪.৬॥
IAST
kiṃ varṇayāma tava rūpamacintyametat kiñcātivīryamasurakṣayakāri bhūri| kiṃ cāhaveṣu caritāni tavāti yāni sarveṣu devyasuradevagaṇādikeṣu|| 4.6||
Sanskrit
हेतुः समस्तजगतां त्रिगुणापि दोषै- र्न ज्ञायसे हरिहरादिभिरप्यपारा । सर्वाश्रयाखिलमिदं जगदंशभूत- मव्याकृता हि परमा प्रकृतिस्त्वमाद्या ॥ ४.७॥
বাংলা
হেতুঃ সমস্তজগতাং ত্রিগুণাপি দোষৈ- র্ন জ্ঞাযসে হরিহরাদিভিরপ্যপারা । সর্বাশ্রযাখিলমিদং জগদংশভূত- মব্যাকৃতা হি পরমা প্রকৃতিস্ত্বমাদ্যা ॥ ৪.৭॥
IAST
hetuḥ samastajagatāṃ triguṇāpi doṣai- rna jñāyase hariharādibhirapyapārā| sarvāśrayākhilamidaṃ jagadaṃśabhūta- mavyākṛtā hi paramā prakṛtistvamādyā|| 4.7||
Sanskrit
यस्याः समस्तसुरता समुदीरणेन तृप्तिं प्रयाति सकलेषु मखेषु देवि । स्वाहासि वै पितृगणस्य च तृप्तिहेतु- रुच्चार्यसे त्वमत एव जनैः स्वधा च ॥ ४.८॥
বাংলা
যস্যাঃ সমস্তসুরতা সমুদীরণেন তৃপ্তিং প্রযাতি সকলেষু মখেষু দেবি । স্বাহাসি বৈ পিতৃগণস্য চ তৃপ্তিহেতু- রুচ্চার্যসে ত্বমত এব জনৈঃ স্বধা চ ॥ ৪.৮॥
IAST
yasyāḥ samastasuratā samudīraṇena tṛptiṃ prayāti sakaleṣu makheṣu devi| svāhāsi vai pitṛgaṇasya ca tṛptihetu- ruccāryase tvamata eva janaiḥ svadhā ca|| 4.8||
Sanskrit
या मुक्तिहेतुरविचिन्त्यमहाव्रता त्वं अभ्यस्यसे सुनियतेन्द्रियतत्त्वसारैः । मोक्षार्थिभिर्मुनिभिरस्तसमस्तदोषै- र्विद्यासि सा भगवती परमा हि देवि ॥ ४.९॥
বাংলা
যা মুক্তিহেতুরবিচিন্ত্যমহাব্রতা ত্বং অভ্যস্যসে সুনিযতেন্দ্রিযতত্ত্বসারৈঃ । মোক্ষার্থিভির্মুনিভিরস্তসমস্তদোষৈ- র্বিদ্যাসি সা ভগবতী পরমা হি দেবি ॥ ৪.৯॥
IAST
yā muktiheturavicintyamahāvratā tvaṃ abhyasyase suniyatendriyatattvasāraiḥ| mokṣārthibhirmunibhirastasamastadoṣai- rvidyāsi sā bhagavatī paramā hi devi|| 4.9||
Sanskrit
शब्दात्मिका सुविमलर्ग्यजुषां निधान- मुद्गीथरम्यपदपाठवतां च साम्नाम् । देवि त्रयी भगवती भवभावनाय वार्तासि सर्वजगतां परमार्तिहन्त्री ॥ ४.१०॥
বাংলা
শব্দাত্মিকা সুবিমলর্গ্যজুষাং নিধান- মুদ্গীথরম্যপদপাঠবতাং চ সাম্নাম্ । দেবি ত্রযী ভগবতী ভবভাবনায বার্তাসি সর্বজগতাং পরমার্তিহন্ত্রী ॥ ৪.১০॥
IAST
śabdātmikā suvimalargyajuṣāṃ nidhāna- mudgītharamyapadapāṭhavatāṃ ca sāmnām| devi trayī bhagavatī bhavabhāvanāya vārtāsi sarvajagatāṃ paramārtihantrī|| 4.10||
Sanskrit
मेधासि देवि विदिताखिलशास्त्रसारा दुर्गासि दुर्गभवसागरनौरसङ्गा । श्रीः कैटभारिहृदयैककृताधिवासा गौरी त्वमेव शशिमौलिकृतप्रतिष्ठा ॥ ४.११॥
বাংলা
মেধাসি দেবি বিদিতাখিলশাস্ত্রসারা দুর্গাসি দুর্গভবসাগরনৌরসঙ্গা । শ্রীঃ কৈটভারিহৃদযৈককৃতাধিবাসা গৌরী ত্বমেব শশিমৌলিকৃতপ্রতিষ্ঠা ॥ ৪.১১॥
IAST
medhāsi devi viditākhilaśāstrasārā durgāsi durgabhavasāgaranaurasaṅgā| śrīḥ kaiṭabhārihṛdayaikakṛtādhivāsā gaurī tvameva śaśimaulikṛtapratiṣṭhā|| 4.11||
Sanskrit
ईषत्सहासममलं परिपूर्णचन्द्र- बिम्बानुकारि कनकोत्तमकान्तिकान्तम् । अत्यद्भुतं प्रहृतमात्तरुषा तथापि वक्त्रं विलोक्य सहसा महिषासुरेण ॥ ४.१२॥
বাংলা
ঈষত্সহাসমমলং পরিপূর্ণচন্দ্র- বিম্বানুকারি কনকোত্তমকান্তিকান্তম্ । অত্যদ্ভুতং প্রহৃতমাত্তরুষা তথাপি বক্ত্রং বিলোক্য সহসা মহিষাসুরেণ ॥ ৪.১২॥
IAST
īṣatsahāsamamalaṃ paripūrṇacandra- bimbānukāri kanakottamakāntikāntam| atyadbhutaṃ prahṛtamāttaruṣā tathāpi vaktraṃ vilokya sahasā mahiṣāsureṇa|| 4.12||
Sanskrit
दृष्ट्वा तु देवि कुपितं भ्रुकुटीकराल- मुद्यच्छशाङ्कसदृशच्छवि यन्न सद्यः । प्राणान् मुमोच महिषस्तदतीव चित्रं कैर्जीव्यते हि कुपितान्तकदर्शनेन ॥ ४.१३॥
বাংলা
দৃষ্ট্বা তু দেবি কুপিতং ভ্রুকুটীকরাল- মুদ্যচ্ছশাঙ্কসদৃশচ্ছবি যন্ন সদ্যঃ । প্রাণান্ মুমোচ মহিষস্তদতীব চিত্রং কৈর্জীব্যতে হি কুপিতান্তকদর্শনেন ॥ ৪.১৩॥
IAST
dṛṣṭvā tu devi kupitaṃ bhrukuṭīkarāla- mudyacchaśāṅkasadṛśacchavi yanna sadyaḥ| prāṇān mumoca mahiṣastadatīva citraṃ kairjīvyate hi kupitāntakadarśanena|| 4.13||
Sanskrit
देवि प्रसीद परमा भवती भवाय सद्यो विनाशयसि कोपवती कुलानि । विज्ञातमेतदधुनैव यदस्तमेत- न्नीतं बलं सुविपुलं महिषासुरस्य ॥ ४.१४॥
বাংলা
দেবি প্রসীদ পরমা ভবতী ভবায সদ্যো বিনাশযসি কোপবতী কুলানি । বিজ্ঞাতমেতদধুনৈব যদস্তমেত- ন্নীতং বলং সুবিপুলং মহিষাসুরস্য ॥ ৪.১৪॥
IAST
devi prasīda paramā bhavatī bhavāya sadyo vināśayasi kopavatī kulāni| vijñātametadadhunaiva yadastameta- nnītaṃ balaṃ suvipulaṃ mahiṣāsurasya|| 4.14||
Sanskrit
ते सम्मता जनपदेषु धनानि तेषां तेषां यशांसि न च सीदति बन्धुवर्गः । धन्यास्त एव निभृतात्मजभृत्यदारा येषां सदाभ्युदयदा भवती प्रसन्ना ॥ ४.१५॥
বাংলা
তে সম্মতা জনপদেষু ধনানি তেষাং তেষাং যশাংসি ন চ সীদতি বন্ধুবর্গঃ । ধন্যাস্ত এব নিভৃতাত্মজভৃত্যদারা যেষাং সদাভ্যুদযদা ভবতী প্রসন্না ॥ ৪.১৫॥
IAST
te sammatā janapadeṣu dhanāni teṣāṃ teṣāṃ yaśāṃsi na ca sīdati bandhuvargaḥ| dhanyāsta eva nibhṛtātmajabhṛtyadārā yeṣāṃ sadābhyudayadā bhavatī prasannā|| 4.15||
Sanskrit
धर्म्याणि देवि सकलानि सदैव कर्मा- ण्यत्यादृतः प्रतिदिनं सुकृती करोति । स्वर्गं प्रयाति च ततो भवती प्रसादा- ल्लोकत्रयेऽपि फलदा ननु देवि तेन ॥ ४.१६॥
বাংলা
ধর্ম্যাণি দেবি সকলানি সদৈব কর্মা- ণ্যত্যাদৃতঃ প্রতিদিনং সুকৃতী করোতি । স্বর্গং প্রযাতি চ ততো ভবতী প্রসাদা- ল্লোকত্রযেঽপি ফলদা ননু দেবি তেন ॥ ৪.১৬॥
IAST
dharmyāṇi devi sakalāni sadaiva karmā- ṇyatyādṛtaḥ pratidinaṃ sukṛtī karoti| svargaṃ prayāti ca tato bhavatī prasādā- llokatraye'pi phaladā nanu devi tena|| 4.16||
Sanskrit
दुर्गे स्मृता हरसि भीतिमशेषजन्तोः स्वस्थैः स्मृता मतिमतीव शुभां ददासि । दारिद्र्यदुःखभयहारिणि का त्वदन्या सर्वोपकारकरणाय सदार्द्रचित्ता ॥ ४.१७॥
বাংলা
দুর্গে স্মৃতা হরসি ভীতিমশেষজন্তোঃ স্বস্থৈঃ স্মৃতা মতিমতীব শুভাং দদাসি । দারিদ্র্যদুঃখভযহারিণি কা ত্বদন্যা সর্বোপকারকরণায সদার্দ্রচিত্তা ॥ ৪.১৭॥
IAST
durge smṛtā harasi bhītimaśeṣajantoḥ svasthaiḥ smṛtā matimatīva śubhāṃ dadāsi| dāridryaduḥkhabhayahāriṇi kā tvadanyā sarvopakārakaraṇāya sadārdracittā|| 4.17||
Sanskrit
एभिर्हतैर्जगदुपैति सुखं तथैते कुर्वन्तु नाम नरकाय चिराय पापम् । सङ्ग्राममृत्युमधिगम्य दिवं प्रयान्तु मत्वेति नूनमहितान्विनिहंसि देवि ॥ ४.१८॥
বাংলা
এভির্হতৈর্জগদুপৈতি সুখং তথৈতে কুর্বন্তু নাম নরকায চিরায পাপম্ । সঙ্গ্রামমৃত্যুমধিগম্য দিবং প্রযান্তু মত্বেতি নূনমহিতান্বিনিহংসি দেবি ॥ ৪.১৮॥
IAST
ebhirhatairjagadupaiti sukhaṃ tathaite kurvantu nāma narakāya cirāya pāpam| saṅgrāmamṛtyumadhigamya divaṃ prayāntu matveti nūnamahitānvinihaṃsi devi|| 4.18||
Sanskrit
दृष्ट्वैव किं न भवती प्रकरोति भस्म सर्वासुरानरिषु यत्प्रहिणोषि शस्त्रम् । लोकान्प्रयान्तु रिपवोऽपि हि शस्त्रपूता इत्थं मतिर्भवति तेष्वहितेषुसाध्वी ॥ ४.१९॥
বাংলা
দৃষ্ট্বৈব কিং ন ভবতী প্রকরোতি ভস্ম সর্বাসুরানরিষু যত্প্রহিণোষি শস্ত্রম্ । লোকান্প্রযান্তু রিপবোঽপি হি শস্ত্রপূতা ইত্থং মতির্ভবতি তেষ্বহিতেষুসাধ্বী ॥ ৪.১৯॥
IAST
dṛṣṭvaiva kiṃ na bhavatī prakaroti bhasma sarvāsurānariṣu yatprahiṇoṣi śastram| lokānprayāntu ripavo'pi hi śastrapūtā itthaṃ matirbhavati teṣvahiteṣusādhvī|| 4.19||
Sanskrit
खड्गप्रभानिकरविस्फुरणैस्तथोग्रैः शूलाग्रकान्तिनिवहेन दृशोऽसुराणाम् । यन्नागता विलयमंशुमदिन्दुखण्ड- योग्याननं तव विलोकयतां तदेतत् ॥ ४.२०॥
বাংলা
খড্গপ্রভানিকরবিস্ফুরণৈস্তথোগ্রৈঃ শূলাগ্রকান্তিনিবহেন দৃশোঽসুরাণাম্ । যন্নাগতা বিলযমংশুমদিন্দুখণ্ড- যোগ্যাননং তব বিলোকযতাং তদেতত্ ॥ ৪.২০॥
IAST
khaḍgaprabhānikaravisphuraṇaistathograiḥ śūlāgrakāntinivahena dṛśo'surāṇām| yannāgatā vilayamaṃśumadindukhaṇḍa- yogyānanaṃ tava vilokayatāṃ tadetat|| 4.20||
Sanskrit
दुर्वृत्तवृत्तशमनं तव देवि शीलं रूपं तथैतदविचिन्त्यमतुल्यमन्यैः । वीर्यं च हन्तृ हृतदेवपराक्रमाणां वैरिष्वपि प्रकटितैव दया त्वयेत्थम् ॥ ४.२१॥
বাংলা
দুর্বৃত্তবৃত্তশমনং তব দেবি শীলং রূপং তথৈতদবিচিন্ত্যমতুল্যমন্যৈঃ । বীর্যং চ হন্তৃ হৃতদেবপরাক্রমাণাং বৈরিষ্বপি প্রকটিতৈব দযা ত্বযেত্থম্ ॥ ৪.২১॥
IAST
durvṛttavṛttaśamanaṃ tava devi śīlaṃ rūpaṃ tathaitadavicintyamatulyamanyaiḥ| vīryaṃ ca hantṛ hṛtadevaparākramāṇāṃ vairiṣvapi prakaṭitaiva dayā tvayettham|| 4.21||
Sanskrit
केनोपमा भवतु तेऽस्य पराक्रमस्य रूपं च शत्रुभयकार्यतिहारि कुत्र । चित्ते कृपा समरनिष्ठुरता च दृष्टा त्वय्येव देवि वरदे भुवनत्रयेऽपि ॥ ४.२२॥
বাংলা
কেনোপমা ভবতু তেঽস্য পরাক্রমস্য রূপং চ শত্রুভযকার্যতিহারি কুত্র । চিত্তে কৃপা সমরনিষ্ঠুরতা চ দৃষ্টা ত্বয্যেব দেবি বরদে ভুবনত্রযেঽপি ॥ ৪.২২॥
IAST
kenopamā bhavatu te'sya parākramasya rūpaṃ ca śatrubhayakāryatihāri kutra| citte kṛpā samaraniṣṭhuratā ca dṛṣṭā tvayyeva devi varade bhuvanatraye'pi|| 4.22||
Sanskrit
त्रैलोक्यमेतदखिलं रिपुनाशनेन त्रातं त्वया समरमूर्धनि तेऽपि हत्वा । नीता दिवं रिपुगणा भयमप्यपास्तम् अस्माकमुन्मदसुरारिभवं नमस्ते ॥ ४.२३॥
বাংলা
ত্রৈলোক্যমেতদখিলং রিপুনাশনেন ত্রাতং ত্বযা সমরমূর্ধনি তেঽপি হত্বা । নীতা দিবং রিপুগণা ভযমপ্যপাস্তম্ অস্মাকমুন্মদসুরারিভবং নমস্তে ॥ ৪.২৩॥
IAST
trailokyametadakhilaṃ ripunāśanena trātaṃ tvayā samaramūrdhani te'pi hatvā| nītā divaṃ ripugaṇā bhayamapyapāstam asmākamunmadasurāribhavaṃ namaste|| 4.23||
Sanskrit
शूलेन पाहि नो देवि पाहि खड्गेन चाम्बिके । घण्टास्वनेन नः पाहि चापज्यानिःस्वनेन च ॥ ४.२४॥
বাংলা
শূলেন পাহি নো দেবি পাহি খড্গেন চাম্বিকে । ঘণ্টাস্বনেন নঃ পাহি চাপজ্যানিঃস্বনেন চ ॥ ৪.২৪॥
IAST
śūlena pāhi no devi pāhi khaḍgena cāmbike| ghaṇṭāsvanena naḥ pāhi cāpajyāniḥsvanena ca|| 4.24||
Sanskrit
प्राच्यां रक्ष प्रतीच्यां च चण्डिके रक्ष दक्षिणे । भ्रामणेनात्मशूलस्य उत्तरस्यां तथेश्वरि ॥ ४.२५॥
বাংলা
প্রাচ্যাং রক্ষ প্রতীচ্যাং চ চণ্ডিকে রক্ষ দক্ষিণে । ভ্রামণেনাত্মশূলস্য উত্তরস্যাং তথেশ্বরি ॥ ৪.২৫॥
IAST
prācyāṃ rakṣa pratīcyāṃ ca caṇḍike rakṣa dakṣiṇe| bhrāmaṇenātmaśūlasya uttarasyāṃ tatheśvari|| 4.25||
Sanskrit
सौम्यानि यानि रूपाणि त्रैलोक्ये विचरन्ति ते । यानि चात्यन्तघोराणि तै रक्षास्मांस्तथा भुवम् ॥ ४.२६॥
বাংলা
সৌম্যানি যানি রূপাণি ত্রৈলোক্যে বিচরন্তি তে । যানি চাত্যন্তঘোরাণি তৈ রক্ষাস্মাংস্তথা ভুবম্ ॥ ৪.২৬॥
IAST
saumyāni yāni rūpāṇi trailokye vicaranti te| yāni cātyantaghorāṇi tai rakṣāsmāṃstathā bhuvam|| 4.26||
Sanskrit
खड्गशूलगदादीनि यानि चास्त्रानि तेऽम्बिके । करपल्लवसङ्गीनि तैरस्मान्रक्ष सर्वतः ॥ ४.२७॥
বাংলা
খড্গশূলগদাদীনি যানি চাস্ত্রানি তেঽম্বিকে । করপল্লবসঙ্গীনি তৈরস্মান্রক্ষ সর্বতঃ ॥ ৪.২৭॥
IAST
khaḍgaśūlagadādīni yāni cāstrāni te'mbike| karapallavasaṅgīni tairasmānrakṣa sarvataḥ|| 4.27||
Sanskrit
ऋषिरुवाच ॥ ४.२८॥
বাংলা
ঋষিরুবাচ ॥ ৪.২৮॥
IAST
ṛṣiruvāca|| 4.28||
Sanskrit
एवं स्तुता सुरैर्दिव्यैः कुसुमैर्नन्दनोद्भवैः । अर्चिता जगतां धात्री तथा गन्धानुलेपनैः ॥ ४.२९॥
বাংলা
এবং স্তুতা সুরৈর্দিব্যৈঃ কুসুমৈর্নন্দনোদ্ভবৈঃ । অর্চিতা জগতাং ধাত্রী তথা গন্ধানুলেপনৈঃ ॥ ৪.২৯॥
IAST
evaṃ stutā surairdivyaiḥ kusumairnandanodbhavaiḥ| arcitā jagatāṃ dhātrī tathā gandhānulepanaiḥ|| 4.29||
Sanskrit
भक्त्या समस्तैस्त्रिदशैर्दिव्यैर्धूपैः सुधूपिता । प्राह प्रसादसुमुखी समस्तान् प्रणतान् सुरान् ॥ ४.३०॥
বাংলা
ভক্ত্যা সমস্তৈস্ত্রিদশৈর্দিব্যৈর্ধূপৈঃ সুধূপিতা । প্রাহ প্রসাদসুমুখী সমস্তান্ প্রণতান্ সুরান্ ॥ ৪.৩০॥
IAST
bhaktyā samastaistridaśairdivyairdhūpaiḥ sudhūpitā| prāha prasādasumukhī samastān praṇatān surān|| 4.30||
Sanskrit
देव्युवाच ॥ ४.३१॥
বাংলা
দেব্যুবাচ ॥ ৪.৩১॥
IAST
devyuvāca|| 4.31||
Sanskrit
व्रियतां त्रिदशाः सर्वे यदस्मत्तोऽभिवाञ्छितम् ॥ ४.३२॥
বাংলা
ব্রিযতাং ত্রিদশাঃ সর্বে যদস্মত্তোঽভিবাঞ্ছিতম্ ॥ ৪.৩২॥
IAST
vriyatāṃ tridaśāḥ sarve yadasmatto'bhivāñchitam|| 4.32||
Sanskrit
देवा ऊचुः ॥ ४.३३॥
বাংলা
দেবা ঊচুঃ ॥ ৪.৩৩॥
IAST
devā ūcuḥ|| 4.33||
Sanskrit
भगवत्या कृतं सर्वं न किञ्चिदवशिष्यते ॥ ४.३४॥
বাংলা
ভগবত্যা কৃতং সর্বং ন কিঞ্চিদবশিষ্যতে ॥ ৪.৩৪॥
IAST
bhagavatyā kṛtaṃ sarvaṃ na kiñcidavaśiṣyate|| 4.34||
Sanskrit
यदयं निहतः शत्रुरस्माकं महिषासुरः । यदि चापि वरो देयस्त्वयास्माकं महेश्वरि ॥ ४.३५॥
বাংলা
যদযং নিহতঃ শত্রুরস্মাকং মহিষাসুরঃ । যদি চাপি বরো দেযস্ত্বযাস্মাকং মহেশ্বরি ॥ ৪.৩৫॥
IAST
yadayaṃ nihataḥ śatrurasmākaṃ mahiṣāsuraḥ| yadi cāpi varo deyastvayāsmākaṃ maheśvari|| 4.35||
Sanskrit
संस्मृता संस्मृता त्वं नो हिंसेथाः परमापदः । यश्च मर्त्यः स्तवैरेभिस्त्वां स्तोष्यत्यमलानने ॥ ४.३६॥
বাংলা
সংস্মৃতা সংস্মৃতা ত্বং নো হিংসেথাঃ পরমাপদঃ । যশ্চ মর্ত্যঃ স্তবৈরেভিস্ত্বাং স্তোষ্যত্যমলাননে ॥ ৪.৩৬॥
IAST
saṃsmṛtā saṃsmṛtā tvaṃ no hiṃsethāḥ paramāpadaḥ| yaśca martyaḥ stavairebhistvāṃ stoṣyatyamalānane|| 4.36||
Sanskrit
तस्य वित्तर्द्धिविभवैर्धनदारादिसम्पदाम् । वृद्धयेऽस्मत्प्रसन्ना त्वं भवेथाः सर्वदाम्बिके ॥ ४.३७॥
বাংলা
তস্য বিত্তর্দ্ধিবিভবৈর্ধনদারাদিসম্পদাম্ । বৃদ্ধযেঽস্মত্প্রসন্না ত্বং ভবেথাঃ সর্বদাম্বিকে ॥ ৪.৩৭॥
IAST
tasya vittarddhivibhavairdhanadārādisampadām| vṛddhaye'smatprasannā tvaṃ bhavethāḥ sarvadāmbike|| 4.37||
Sanskrit
ऋषिरुवाच ॥ ४.३८॥
বাংলা
ঋষিরুবাচ ॥ ৪.৩৮॥
IAST
ṛṣiruvāca|| 4.38||
Sanskrit
इति प्रसादिता देवैर्जगतोऽर्थे तथात्मनः । तथेत्युक्त्वा भद्रकाली बभूवान्तर्हिता नृप ॥ ४.३९॥
বাংলা
ইতি প্রসাদিতা দেবৈর্জগতোঽর্থে তথাত্মনঃ । তথেত্যুক্ত্বা ভদ্রকালী বভূবান্তর্হিতা নৃপ ॥ ৪.৩৯॥
IAST
iti prasāditā devairjagato'rthe tathātmanaḥ| tathetyuktvā bhadrakālī babhūvāntarhitā nṛpa|| 4.39||
Sanskrit
इत्येतत्कथितं भूप सम्भूता सा यथा पुरा । देवी देवशरीरेभ्यो जगत्त्रयहितैषिणी ॥ ४.४०॥
বাংলা
ইত্যেতত্কথিতং ভূপ সম্ভূতা সা যথা পুরা । দেবী দেবশরীরেভ্যো জগত্ত্রযহিতৈষিণী ॥ ৪.৪০॥
IAST
ityetatkathitaṃ bhūpa sambhūtā sā yathā purā| devī devaśarīrebhyo jagattrayahitaiṣiṇī|| 4.40||
Sanskrit
पुनश्च गौरीदेहात्सा समुद्भूता यथाभवत् । वधाय दुष्टदैत्यानां तथा शुम्भनिशुम्भयोः ॥ ४.४१॥
বাংলা
পুনশ্চ গৌরীদেহাত্সা সমুদ্ভূতা যথাভবত্ । বধায দুষ্টদৈত্যানাং তথা শুম্ভনিশুম্ভযোঃ ॥ ৪.৪১॥
IAST
punaśca gaurīdehātsā samudbhūtā yathābhavat| vadhāya duṣṭadaityānāṃ tathā śumbhaniśumbhayoḥ|| 4.41||
Sanskrit
रक्षणाय च लोकानां देवानामुपकारिणी । तच्छृणुष्व मयाख्यातं यथावत्कथयामि ते ॥ ४.४२॥
বাংলা
রক্ষণায চ লোকানাং দেবানামুপকারিণী । তচ্ছৃণুষ্ব মযাখ্যাতং যথাবত্কথযামি তে ॥ ৪.৪২॥
IAST
rakṣaṇāya ca lokānāṃ devānāmupakāriṇī| tacchṛṇuṣva mayākhyātaṃ yathāvatkathayāmi te|| 4.42||
Sanskrit
। ह्रीं ॐ ।
বাংলা
। হ্রীং ॐ ।
IAST
| hrīṃ oṃ|
Sanskrit
॥ स्वस्ति श्रीमार्कण्डेयपुराणे सावर्णिके मन्वन्तरे देवीमाहात्म्ये शक्रादिस्तुतिर्नाम चतुर्थोऽध्यायः ॥ ४॥
বাংলা
॥ স্বস্তি শ্রীমার্কণ্ডেযপুরাণে সাবর্ণিকে মন্বন্তরে দেবীমাহাত্ম্যে শক্রাদিস্তুতির্নাম চতুর্থোঽধ্যাযঃ ॥ ৪॥
IAST
|| svasti śrīmārkaṇḍeyapurāṇe sāvarṇike manvantare devīmāhātmye śakrādistutirnāma caturtho'dhyāyaḥ|| 4||
Sanskrit
उवाच ५, अर्धश्लोकौ २, श्लोकाः ३५, एवमादितः ॥ २५९॥
বাংলা
উবাচ ৫, অর্ধশ্লোকৌ ২, শ্লোকাঃ ৩৫, এবমাদিতঃ ॥ ২৫৯॥
IAST
uvāca 5, ardhaślokau 2, ślokāḥ 35, evamāditaḥ|| 259||
The 22-step reading sequence
