Reading script
27 text units · Original verse markers remain within the text.
॥ ६. शुम्भनिशुम्भसेनानीधूम्रलोचनवधो नाम षष्ठोऽध्यायः ॥ । ध्यानम् । ॐ नागाधीश्वरविष्टरां फणिफणोत्तंसोरु रत्नावली- भास्वद्देहलतां दिवाकरनिभां नेत्रत्रयोद्भासिताम् । मालाकुम्भकपालनीरजकरां चन्द्रार्धचूडां परां सर्वज्ञेश्वरभैरवाङ्गनिलयां पद्मावतीं चिन्तये ॥|| 6. śumbhaniśumbhasenānīdhūmralocanavadho nāma ṣaṣṭho'dhyāyaḥ||| dhyānam| oṃ nāgādhīśvaraviṣṭarāṃ phaṇiphaṇottaṃsoru ratnāvalī- bhāsvaddehalatāṃ divākaranibhāṃ netratrayodbhāsitām| mālākumbhakapālanīrajakarāṃ candrārdhacūḍāṃ parāṃ sarvajñeśvarabhairavāṅganilayāṃ padmāvatīṃ cintaye||
Sanskrit
ॐ ऋषिरुवाच ॥ ६.१॥
বাংলা
ॐ ঋষিরুবাচ ॥ ৬.১॥
IAST
oṃ ṛṣiruvāca|| 6.1||
Sanskrit
इत्याकर्ण्य वचो देव्याः स दूतोऽमर्षपूरितः । समाचष्ट समागम्य दैत्यराजाय विस्तरात् ॥ ६.२॥
বাংলা
ইত্যাকর্ণ্য বচো দেব্যাঃ স দূতোঽমর্ষপূরিতঃ । সমাচষ্ট সমাগম্য দৈত্যরাজায বিস্তরাত্ ॥ ৬.২॥
IAST
ityākarṇya vaco devyāḥ sa dūto'marṣapūritaḥ| samācaṣṭa samāgamya daityarājāya vistarāt|| 6.2||
Sanskrit
तस्य दूतस्य तद्वाक्यमाकर्ण्यासुरराट् ततः । सक्रोधः प्राह दैत्यानामधिपं धूम्रलोचनम् ॥ ६.३॥
বাংলা
তস্য দূতস্য তদ্বাক্যমাকর্ণ্যাসুররাট্ ততঃ । সক্রোধঃ প্রাহ দৈত্যানামধিপং ধূম্রলোচনম্ ॥ ৬.৩॥
IAST
tasya dūtasya tadvākyamākarṇyāsurarāṭ tataḥ| sakrodhaḥ prāha daityānāmadhipaṃ dhūmralocanam|| 6.3||
Sanskrit
हे धूम्रलोचनाशु त्वं स्वसैन्यपरिवारितः । तामानय बलाद्दुष्टां केशाकर्षणविह्वलाम् ॥ ६.४॥
বাংলা
হে ধূম্রলোচনাশু ত্বং স্বসৈন্যপরিবারিতঃ । তামানয বলাদ্দুষ্টাং কেশাকর্ষণবিহ্বলাম্ ॥ ৬.৪॥
IAST
he dhūmralocanāśu tvaṃ svasainyaparivāritaḥ| tāmānaya balādduṣṭāṃ keśākarṣaṇavihvalām|| 6.4||
Sanskrit
तत्परित्राणदः कश्चिद्यदि वोत्तिष्ठतेऽपरः । स हन्तव्योऽमरो वापि यक्षो गन्धर्व एव वा ॥ ६.५॥
বাংলা
তত্পরিত্রাণদঃ কশ্চিদ্যদি বোত্তিষ্ঠতেঽপরঃ । স হন্তব্যোঽমরো বাপি যক্ষো গন্ধর্ব এব বা ॥ ৬.৫॥
IAST
tatparitrāṇadaḥ kaścidyadi vottiṣṭhate'paraḥ| sa hantavyo'maro vāpi yakṣo gandharva eva vā|| 6.5||
Sanskrit
ऋषिरुवाच ॥ ६.६॥
বাংলা
ঋষিরুবাচ ॥ ৬.৬॥
IAST
ṛṣiruvāca|| 6.6||
Sanskrit
तेनाज्ञप्तस्ततः शीघ्रं स दैत्यो धूम्रलोचनः । वृतः षष्ट्या सहस्राणामसुराणां द्रुतं ययौ ॥ ६.७॥
বাংলা
তেনাজ্ঞপ্তস্ততঃ শীঘ্রং স দৈত্যো ধূম্রলোচনঃ । বৃতঃ ষষ্ট্যা সহস্রাণামসুরাণাং দ্রুতং যযৌ ॥ ৬.৭॥
IAST
tenājñaptastataḥ śīghraṃ sa daityo dhūmralocanaḥ| vṛtaḥ ṣaṣṭyā sahasrāṇāmasurāṇāṃ drutaṃ yayau|| 6.7||
Sanskrit
स दृष्ट्वा तां ततो देवीं तुहिनाचलसंस्थिताम् । जगादोच्चैः प्रयाहीति मूलं शुम्भनिशुम्भयोः ॥ ६.८॥
বাংলা
স দৃষ্ট্বা তাং ততো দেবীং তুহিনাচলসংস্থিতাম্ । জগাদোচ্চৈঃ প্রযাহীতি মূলং শুম্ভনিশুম্ভযোঃ ॥ ৬.৮॥
IAST
sa dṛṣṭvā tāṃ tato devīṃ tuhinācalasaṃsthitām| jagādoccaiḥ prayāhīti mūlaṃ śumbhaniśumbhayoḥ|| 6.8||
Sanskrit
न चेत्प्रीत्याद्य भवती मद्भर्तारमुपैष्यति । ततो बलान्नयाम्येष केशाकर्षणविह्वलाम् ॥ ६.९॥
বাংলা
ন চেত্প্রীত্যাদ্য ভবতী মদ্ভর্তারমুপৈষ্যতি । ততো বলান্নযাম্যেষ কেশাকর্ষণবিহ্বলাম্ ॥ ৬.৯॥
IAST
na cetprītyādya bhavatī madbhartāramupaiṣyati| tato balānnayāmyeṣa keśākarṣaṇavihvalām|| 6.9||
Sanskrit
देव्युवाच ॥ ६.१०॥
বাংলা
দেব্যুবাচ ॥ ৬.১০॥
IAST
devyuvāca|| 6.10||
Sanskrit
दैत्येश्वरेण प्रहितो बलवान्बलसंवृतः । बलान्नयसि मामेवं ततः किं ते करोम्यहम् ॥ ६.११॥
বাংলা
দৈত্যেশ্বরেণ প্রহিতো বলবান্বলসংবৃতঃ । বলান্নযসি মামেবং ততঃ কিং তে করোম্যহম্ ॥ ৬.১১॥
IAST
daityeśvareṇa prahito balavānbalasaṃvṛtaḥ| balānnayasi māmevaṃ tataḥ kiṃ te karomyaham|| 6.11||
Sanskrit
ऋषिरुवाच ॥ ६.१२॥
বাংলা
ঋষিরুবাচ ॥ ৬.১২॥
IAST
ṛṣiruvāca|| 6.12||
Sanskrit
इत्युक्तः सोऽभ्यधावत्तामसुरो धूम्रलोचनः । हुङ्कारेणैव तं भस्म सा चकाराम्बिका तदा ॥ ६.१३॥
বাংলা
ইত্যুক্তঃ সোঽভ্যধাবত্তামসুরো ধূম্রলোচনঃ । হুঙ্কারেণৈব তং ভস্ম সা চকারাম্বিকা তদা ॥ ৬.১৩॥
IAST
ityuktaḥ so'bhyadhāvattāmasuro dhūmralocanaḥ| huṅkāreṇaiva taṃ bhasma sā cakārāmbikā tadā|| 6.13||
Sanskrit
अथ क्रुद्धं महासैन्यमसुराणां तथाम्बिका । ववर्ष सायकैस्तीक्ष्णैस्तथा शक्तिपरश्वधैः ॥ ६.१४॥
বাংলা
অথ ক্রুদ্ধং মহাসৈন্যমসুরাণাং তথাম্বিকা । ববর্ষ সাযকৈস্তীক্ষ্ণৈস্তথা শক্তিপরশ্বধৈঃ ॥ ৬.১৪॥
IAST
atha kruddhaṃ mahāsainyamasurāṇāṃ tathāmbikā| vavarṣa sāyakaistīkṣṇaistathā śaktiparaśvadhaiḥ|| 6.14||
Sanskrit
ततो धुतसटः कोपात्कृत्वा नादं सुभैरवम् । पपातासुरसेनायां सिंहो देव्याः स्ववाहनः ॥ ६.१५॥
বাংলা
ততো ধুতসটঃ কোপাত্কৃত্বা নাদং সুভৈরবম্ । পপাতাসুরসেনাযাং সিংহো দেব্যাঃ স্ববাহনঃ ॥ ৬.১৫॥
IAST
tato dhutasaṭaḥ kopātkṛtvā nādaṃ subhairavam| papātāsurasenāyāṃ siṃho devyāḥ svavāhanaḥ|| 6.15||
Sanskrit
कांश्चित्करप्रहारेण दैत्यानास्येन चापरान् । आक्रान्त्या चाधरेणान्यान् जघान स महासुरान् ॥ ६.१६॥
বাংলা
কাংশ্চিত্করপ্রহারেণ দৈত্যানাস্যেন চাপরান্ । আক্রান্ত্যা চাধরেণান্যান্ জঘান স মহাসুরান্ ॥ ৬.১৬॥
IAST
kāṃścitkaraprahāreṇa daityānāsyena cāparān| ākrāntyā cādhareṇānyān jaghāna sa mahāsurān|| 6.16||
Sanskrit
केषाञ्चित्पाटयामास नखैः कोष्ठानि केसरी । तथा तलप्रहारेण शिरांसि कृतवान्पृथक् ॥ ६.१७॥
বাংলা
কেষাঞ্চিত্পাটযামাস নখৈঃ কোষ্ঠানি কেসরী । তথা তলপ্রহারেণ শিরাংসি কৃতবান্পৃথক্ ॥ ৬.১৭॥
IAST
keṣāñcitpāṭayāmāsa nakhaiḥ koṣṭhāni kesarī| tathā talaprahāreṇa śirāṃsi kṛtavānpṛthak|| 6.17||
Sanskrit
विच्छिन्नबाहुशिरसः कृतास्तेन तथापरे । पपौ च रुधिरं कोष्ठादन्येषां धुतकेसरः ॥ ६.१८॥
বাংলা
বিচ্ছিন্নবাহুশিরসঃ কৃতাস্তেন তথাপরে । পপৌ চ রুধিরং কোষ্ঠাদন্যেষাং ধুতকেসরঃ ॥ ৬.১৮॥
IAST
vicchinnabāhuśirasaḥ kṛtāstena tathāpare| papau ca rudhiraṃ koṣṭhādanyeṣāṃ dhutakesaraḥ|| 6.18||
Sanskrit
क्षणेन तद्बलं सर्वं क्षयं नीतं महात्मना । तेन केसरिणा देव्या वाहनेनातिकोपिना ॥ ६.१९॥
বাংলা
ক্ষণেন তদ্বলং সর্বং ক্ষযং নীতং মহাত্মনা । তেন কেসরিণা দেব্যা বাহনেনাতিকোপিনা ॥ ৬.১৯॥
IAST
kṣaṇena tadbalaṃ sarvaṃ kṣayaṃ nītaṃ mahātmanā| tena kesariṇā devyā vāhanenātikopinā|| 6.19||
Sanskrit
श्रुत्वा तमसुरं देव्या निहतं धूम्रलोचनम् । बलं च क्षयितं कृत्स्नं देवीकेसरिणा ततः ॥ ६.२०॥
বাংলা
শ্রুত্বা তমসুরং দেব্যা নিহতং ধূম্রলোচনম্ । বলং চ ক্ষযিতং কৃত্স্নং দেবীকেসরিণা ততঃ ॥ ৬.২০॥
IAST
śrutvā tamasuraṃ devyā nihataṃ dhūmralocanam| balaṃ ca kṣayitaṃ kṛtsnaṃ devīkesariṇā tataḥ|| 6.20||
Sanskrit
चुकोप दैत्याधिपतिः शुम्भः प्रस्फुरिताधरः । आज्ञापयामास च तौ चण्डमुण्डौ महासुरौ ॥ ६.२१॥
বাংলা
চুকোপ দৈত্যাধিপতিঃ শুম্ভঃ প্রস্ফুরিতাধরঃ । আজ্ঞাপযামাস চ তৌ চণ্ডমুণ্ডৌ মহাসুরৌ ॥ ৬.২১॥
IAST
cukopa daityādhipatiḥ śumbhaḥ prasphuritādharaḥ| ājñāpayāmāsa ca tau caṇḍamuṇḍau mahāsurau|| 6.21||
Sanskrit
हे चण्ड हे मुण्ड बलैर्बहुभिः परिवारितौ । तत्र गच्छत गत्वा च सा समानीयतां लघु ॥ ६.२२॥
বাংলা
হে চণ্ড হে মুণ্ড বলৈর্বহুভিঃ পরিবারিতৌ । তত্র গচ্ছত গত্বা চ সা সমানীযতাং লঘু ॥ ৬.২২॥
IAST
he caṇḍa he muṇḍa balairbahubhiḥ parivāritau| tatra gacchata gatvā ca sā samānīyatāṃ laghu|| 6.22||
Sanskrit
केशेष्वाकृष्य बद्ध्वा वा यदि वः संशयो युधि । तदाशेषायुधैः सर्वैरसुरैर्विनिहन्यताम् ॥ ६.२३॥
বাংলা
কেশেষ্বাকৃষ্য বদ্ধ্বা বা যদি বঃ সংশযো যুধি । তদাশেষাযুধৈঃ সর্বৈরসুরৈর্বিনিহন্যতাম্ ॥ ৬.২৩॥
IAST
keśeṣvākṛṣya baddhvā vā yadi vaḥ saṃśayo yudhi| tadāśeṣāyudhaiḥ sarvairasurairvinihanyatām|| 6.23||
Sanskrit
तस्यां हतायां दुष्टायां सिंहे च विनिपातिते । शीघ्रमागम्यतां बद्ध्वा गृहीत्वा तामथाम्बिकाम् ॥ ६.२४॥
বাংলা
তস্যাং হতাযাং দুষ্টাযাং সিংহে চ বিনিপাতিতে । শীঘ্রমাগম্যতাং বদ্ধ্বা গৃহীত্বা তামথাম্বিকাম্ ॥ ৬.২৪॥
IAST
tasyāṃ hatāyāṃ duṣṭāyāṃ siṃhe ca vinipātite| śīghramāgamyatāṃ baddhvā gṛhītvā tāmathāmbikām|| 6.24||
Sanskrit
॥ स्वस्ति श्रीमार्कण्डेयपुराणे सावर्णिके मन्वन्तरे देवीमाहात्म्ये शुम्भनिशुम्भसेनानीधूम्रलोचनवधो नाम षष्ठोऽध्यायः ॥ ६॥
বাংলা
॥ স্বস্তি শ্রীমার্কণ্ডেযপুরাণে সাবর্ণিকে মন্বন্তরে দেবীমাহাত্ম্যে শুম্ভনিশুম্ভসেনানীধূম্রলোচনবধো নাম ষষ্ঠোঽধ্যাযঃ ॥ ৬॥
IAST
|| svasti śrīmārkaṇḍeyapurāṇe sāvarṇike manvantare devīmāhātmye śumbhaniśumbhasenānīdhūmralocanavadho nāma ṣaṣṭho'dhyāyaḥ|| 6||
Sanskrit
उवाच ४, श्लोकाः २४, एवमादितः ॥ ४१२॥
বাংলা
উবাচ ৪, শ্লোকাঃ ২৪, এবমাদিতঃ ॥ ৪১২॥
IAST
uvāca 4, ślokāḥ 24, evamāditaḥ|| 412||
The 22-step reading sequence
