Reading script
34 text units · Original verse markers remain within the text.
॥ १०. शुम्भवधो नाम दशमोऽध्यायः ॥ । ध्यानम् । ॐ उत्तप्तहेमरुचिरां रविचन्द्रवह्नि- नेत्रां धनुश्शरयुताङ्कुशपाशशूलम् । रम्यैर्भुजैश्च दधतीं शिवशक्तिरूपां कामेश्वरीं हृदि भजामि धृतेन्दुलेखाम् ॥|| 10. śumbhavadho nāma daśamo'dhyāyaḥ||| dhyānam| oṃ uttaptahemarucirāṃ ravicandravahni- netrāṃ dhanuśśarayutāṅkuśapāśaśūlam| ramyairbhujaiśca dadhatīṃ śivaśaktirūpāṃ kāmeśvarīṃ hṛdi bhajāmi dhṛtendulekhām||
Sanskrit
ॐ ऋषिरुवाच ॥ १०.१॥
বাংলা
ॐ ঋষিরুবাচ ॥ ১০.১॥
IAST
oṃ ṛṣiruvāca|| 10.1||
Sanskrit
निशुम्भं निहतं दृष्ट्वा भ्रातरं प्राणसम्मितम् । हन्यमानं बलं चैव शुम्भः क्रुद्धोऽब्रवीद्वचः ॥ १०.२॥
বাংলা
নিশুম্ভং নিহতং দৃষ্ট্বা ভ্রাতরং প্রাণসম্মিতম্ । হন্যমানং বলং চৈব শুম্ভঃ ক্রুদ্ধোঽব্রবীদ্বচঃ ॥ ১০.২॥
IAST
niśumbhaṃ nihataṃ dṛṣṭvā bhrātaraṃ prāṇasammitam| hanyamānaṃ balaṃ caiva śumbhaḥ kruddho'bravīdvacaḥ|| 10.2||
Sanskrit
बलावलेपदुष्टे त्वं मा दुर्गे गर्वमावह । अन्यासां बलमाश्रित्य युद्ध्यसे चातिमानिनी ॥ १०.३॥
বাংলা
বলাবলেপদুষ্টে ত্বং মা দুর্গে গর্বমাবহ । অন্যাসাং বলমাশ্রিত্য যুদ্ধ্যসে চাতিমানিনী ॥ ১০.৩॥
IAST
balāvalepaduṣṭe tvaṃ mā durge garvamāvaha| anyāsāṃ balamāśritya yuddhyase cātimāninī|| 10.3||
Sanskrit
देव्युवाच ॥ १०.४॥
বাংলা
দেব্যুবাচ ॥ ১০.৪॥
IAST
devyuvāca|| 10.4||
Sanskrit
एकैवाहं जगत्यत्र द्वितीया का ममापरा । पश्यैता दुष्ट मय्येव विशन्त्यो मद्विभूतयः ॥ १०.५॥
বাংলা
একৈবাহং জগত্যত্র দ্বিতীযা কা মমাপরা । পশ্যৈতা দুষ্ট ময্যেব বিশন্ত্যো মদ্বিভূতযঃ ॥ ১০.৫॥
IAST
ekaivāhaṃ jagatyatra dvitīyā kā mamāparā| paśyaitā duṣṭa mayyeva viśantyo madvibhūtayaḥ|| 10.5||
Sanskrit
ततः समस्तास्ता देव्यो ब्रह्माणीप्रमुखा लयम् । तस्या देव्यास्तनौ जग्मुरेकैवासीत्तदाम्बिका ॥ १०.६॥
বাংলা
ততঃ সমস্তাস্তা দেব্যো ব্রহ্মাণীপ্রমুখা লযম্ । তস্যা দেব্যাস্তনৌ জগ্মুরেকৈবাসীত্তদাম্বিকা ॥ ১০.৬॥
IAST
tataḥ samastāstā devyo brahmāṇīpramukhā layam| tasyā devyāstanau jagmurekaivāsīttadāmbikā|| 10.6||
Sanskrit
देव्युवाच ॥ १०.७॥
বাংলা
দেব্যুবাচ ॥ ১০.৭॥
IAST
devyuvāca|| 10.7||
Sanskrit
अहं विभूत्या बहुभिरिह रूपैर्यदास्थिता । तत्संहृतं मयैकैव तिष्ठाम्याजौ स्थिरो भव ॥ १०.८॥
বাংলা
অহং বিভূত্যা বহুভিরিহ রূপৈর্যদাস্থিতা । তত্সংহৃতং মযৈকৈব তিষ্ঠাম্যাজৌ স্থিরো ভব ॥ ১০.৮॥
IAST
ahaṃ vibhūtyā bahubhiriha rūpairyadāsthitā| tatsaṃhṛtaṃ mayaikaiva tiṣṭhāmyājau sthiro bhava|| 10.8||
Sanskrit
ऋषिरुवाच ॥ १०.९॥
বাংলা
ঋষিরুবাচ ॥ ১০.৯॥
IAST
ṛṣiruvāca|| 10.9||
Sanskrit
ततः प्रववृते युद्धं देव्याः शुम्भस्य चोभयोः । पश्यतां सर्वदेवानामसुराणां च दारुणम् ॥ १०.१०॥
বাংলা
ততঃ প্রববৃতে যুদ্ধং দেব্যাঃ শুম্ভস্য চোভযোঃ । পশ্যতাং সর্বদেবানামসুরাণাং চ দারুণম্ ॥ ১০.১০॥
IAST
tataḥ pravavṛte yuddhaṃ devyāḥ śumbhasya cobhayoḥ| paśyatāṃ sarvadevānāmasurāṇāṃ ca dāruṇam|| 10.10||
Sanskrit
शरवर्षैः शितैः शस्त्रैस्तथा चास्त्रैः सुदारुणैः । तयोर्युद्धमभूद्भूयः सर्वलोकभयङ्करम् ॥ १०.११॥
বাংলা
শরবর্ষৈঃ শিতৈঃ শস্ত্রৈস্তথা চাস্ত্রৈঃ সুদারুণৈঃ । তযোর্যুদ্ধমভূদ্ভূযঃ সর্বলোকভযঙ্করম্ ॥ ১০.১১॥
IAST
śaravarṣaiḥ śitaiḥ śastraistathā cāstraiḥ sudāruṇaiḥ| tayoryuddhamabhūdbhūyaḥ sarvalokabhayaṅkaram|| 10.11||
Sanskrit
दिव्यान्यस्त्राणि शतशो मुमुचे यान्यथाम्बिका । बभञ्ज तानि दैत्येन्द्रस्तत्प्रतीघातकर्तृभिः ॥ १०.१२॥
বাংলা
দিব্যান্যস্ত্রাণি শতশো মুমুচে যান্যথাম্বিকা । বভঞ্জ তানি দৈত্যেন্দ্রস্তত্প্রতীঘাতকর্তৃভিঃ ॥ ১০.১২॥
IAST
divyānyastrāṇi śataśo mumuce yānyathāmbikā| babhañja tāni daityendrastatpratīghātakartṛbhiḥ|| 10.12||
Sanskrit
मुक्तानि तेन चास्त्राणि दिव्यानि परमेश्वरी । बभञ्ज लीलयैवोग्रहुङ्कारोच्चारणादिभिः ॥ १०.१३॥
বাংলা
মুক্তানি তেন চাস্ত্রাণি দিব্যানি পরমেশ্বরী । বভঞ্জ লীলযৈবোগ্রহুঙ্কারোচ্চারণাদিভিঃ ॥ ১০.১৩॥
IAST
muktāni tena cāstrāṇi divyāni parameśvarī| babhañja līlayaivograhuṅkāroccāraṇādibhiḥ|| 10.13||
Sanskrit
ततः शरशतैर्देवीमाच्छादयत सोऽसुरः । सापि तत्कुपिता देवी धनुश्चिच्छेद चेषुभिः ॥ १०.१४॥
বাংলা
ততঃ শরশতৈর্দেবীমাচ্ছাদযত সোঽসুরঃ । সাপি তত্কুপিতা দেবী ধনুশ্চিচ্ছেদ চেষুভিঃ ॥ ১০.১৪॥
IAST
tataḥ śaraśatairdevīmācchādayata so'suraḥ| sāpi tatkupitā devī dhanuściccheda ceṣubhiḥ|| 10.14||
Sanskrit
छिन्ने धनुषि दैत्येन्द्रस्तथा शक्तिमथाददे । चिच्छेद देवी चक्रेण तामप्यस्य करे स्थिताम् ॥ १०.१५॥
বাংলা
ছিন্নে ধনুষি দৈত্যেন্দ্রস্তথা শক্তিমথাদদে । চিচ্ছেদ দেবী চক্রেণ তামপ্যস্য করে স্থিতাম্ ॥ ১০.১৫॥
IAST
chinne dhanuṣi daityendrastathā śaktimathādade| ciccheda devī cakreṇa tāmapyasya kare sthitām|| 10.15||
Sanskrit
ततः खड्गमुपादाय शतचन्द्रं च भानुमत् । अभ्यधा वत तां देवीं दैत्यानामधिपेश्वरः ॥ १०.१६॥
বাংলা
ততঃ খড্গমুপাদায শতচন্দ্রং চ ভানুমত্ । অভ্যধা বত তাং দেবীং দৈত্যানামধিপেশ্বরঃ ॥ ১০.১৬॥
IAST
tataḥ khaḍgamupādāya śatacandraṃ ca bhānumat| abhyadhā vata tāṃ devīṃ daityānāmadhipeśvaraḥ|| 10.16||
Sanskrit
तस्यापतत एवाशु खड्गं चिच्छेद चण्डिका । धनुर्मुक्तैः शितैर्बाणैश्चर्म चार्ककरामलम् । अश्वांश्च पातयामास रथं सारथिना सह ॥ १०.१७॥
বাংলা
তস্যাপতত এবাশু খড্গং চিচ্ছেদ চণ্ডিকা । ধনুর্মুক্তৈঃ শিতৈর্বাণৈশ্চর্ম চার্ককরামলম্ । অশ্বাংশ্চ পাতযামাস রথং সারথিনা সহ ॥ ১০.১৭॥
IAST
tasyāpatata evāśu khaḍgaṃ ciccheda caṇḍikā| dhanurmuktaiḥ śitairbāṇaiścarma cārkakarāmalam| aśvāṃśca pātayāmāsa rathaṃ sārathinā saha|| 10.17||
Sanskrit
हताश्वः स तदा दैत्यश्छिन्नधन्वा विसारथिः । जग्राह मुद्गरं घोरमम्बिकानिधनोद्यतः ॥ १०.१८॥
বাংলা
হতাশ্বঃ স তদা দৈত্যশ্ছিন্নধন্বা বিসারথিঃ । জগ্রাহ মুদ্গরং ঘোরমম্বিকানিধনোদ্যতঃ ॥ ১০.১৮॥
IAST
hatāśvaḥ sa tadā daityaśchinnadhanvā visārathiḥ| jagrāha mudgaraṃ ghoramambikānidhanodyataḥ|| 10.18||
Sanskrit
चिच्छेदापततस्तस्य मुद्गरं निशितैः शरैः । तथापि सोऽभ्यधावत्तां मुष्टिमुद्यम्य वेगवान् ॥ १०.१९॥
বাংলা
চিচ্ছেদাপততস্তস্য মুদ্গরং নিশিতৈঃ শরৈঃ । তথাপি সোঽভ্যধাবত্তাং মুষ্টিমুদ্যম্য বেগবান্ ॥ ১০.১৯॥
IAST
cicchedāpatatastasya mudgaraṃ niśitaiḥ śaraiḥ| tathāpi so'bhyadhāvattāṃ muṣṭimudyamya vegavān|| 10.19||
Sanskrit
स मुष्टिं पातयामास हृदये दैत्यपुङ्गवः । देव्यास्तं चापि सा देवी तलेनोरस्यताडयत् ॥ १०.२०॥
বাংলা
স মুষ্টিং পাতযামাস হৃদযে দৈত্যপুঙ্গবঃ । দেব্যাস্তং চাপি সা দেবী তলেনোরস্যতাডযত্ ॥ ১০.২০॥
IAST
sa muṣṭiṃ pātayāmāsa hṛdaye daityapuṅgavaḥ| devyāstaṃ cāpi sā devī talenorasyatāḍayat|| 10.20||
Sanskrit
तलप्रहाराभिहतो निपपात महीतले । स दैत्यराजः सहसा पुनरेव तथोत्थितः ॥ १०.२१॥
বাংলা
তলপ্রহারাভিহতো নিপপাত মহীতলে । স দৈত্যরাজঃ সহসা পুনরেব তথোত্থিতঃ ॥ ১০.২১॥
IAST
talaprahārābhihato nipapāta mahītale| sa daityarājaḥ sahasā punareva tathotthitaḥ|| 10.21||
Sanskrit
उत्पत्य च प्रगृह्योच्चैर्देवीं गगनमास्थितः । तत्रापि सा निराधारा युयुधे तेन चण्डिका ॥ १०.२२॥
বাংলা
উত্পত্য চ প্রগৃহ্যোচ্চৈর্দেবীং গগনমাস্থিতঃ । তত্রাপি সা নিরাধারা যুযুধে তেন চণ্ডিকা ॥ ১০.২২॥
IAST
utpatya ca pragṛhyoccairdevīṃ gaganamāsthitaḥ| tatrāpi sā nirādhārā yuyudhe tena caṇḍikā|| 10.22||
Sanskrit
नियुद्धं खे तदा दैत्यश्चण्डिका च परस्परम् । चक्रतुः प्रथमं सिद्धमुनिविस्मयकारकम् ॥ १०.२३॥
বাংলা
নিযুদ্ধং খে তদা দৈত্যশ্চণ্ডিকা চ পরস্পরম্ । চক্রতুঃ প্রথমং সিদ্ধমুনিবিস্মযকারকম্ ॥ ১০.২৩॥
IAST
niyuddhaṃ khe tadā daityaścaṇḍikā ca parasparam| cakratuḥ prathamaṃ siddhamunivismayakārakam|| 10.23||
Sanskrit
ततो नियुद्धं सुचिरं कृत्वा तेनाम्बिका सह । उत्पाट्य भ्रामयामास चिक्षेप धरणीतले ॥ १०.२४॥
বাংলা
ততো নিযুদ্ধং সুচিরং কৃত্বা তেনাম্বিকা সহ । উত্পাট্য ভ্রামযামাস চিক্ষেপ ধরণীতলে ॥ ১০.২৪॥
IAST
tato niyuddhaṃ suciraṃ kṛtvā tenāmbikā saha| utpāṭya bhrāmayāmāsa cikṣepa dharaṇītale|| 10.24||
Sanskrit
स क्षिप्तो धरणीं प्राप्य मुष्टिमुद्यम्य वेगवान् । अभ्यधावत दुष्टात्मा चण्डिकानिधनेच्छया ॥ १०.२५॥
বাংলা
স ক্ষিপ্তো ধরণীং প্রাপ্য মুষ্টিমুদ্যম্য বেগবান্ । অভ্যধাবত দুষ্টাত্মা চণ্ডিকানিধনেচ্ছযা ॥ ১০.২৫॥
IAST
sa kṣipto dharaṇīṃ prāpya muṣṭimudyamya vegavān| abhyadhāvata duṣṭātmā caṇḍikānidhanecchayā|| 10.25||
Sanskrit
तमायान्तं ततो देवी सर्वदैत्यजनेश्वरम् । जगत्यां पातयामास भित्त्वा शूलेन वक्षसि ॥ १०.२६॥
বাংলা
তমাযান্তং ততো দেবী সর্বদৈত্যজনেশ্বরম্ । জগত্যাং পাতযামাস ভিত্ত্বা শূলেন বক্ষসি ॥ ১০.২৬॥
IAST
tamāyāntaṃ tato devī sarvadaityajaneśvaram| jagatyāṃ pātayāmāsa bhittvā śūlena vakṣasi|| 10.26||
Sanskrit
स गतासुः पपातोर्व्यां देवी शूलाग्रविक्षतः । चालयन् सकलां पृथ्वीं साब्धिद्वीपां सपर्वताम् ॥ १०.२७॥
বাংলা
স গতাসুঃ পপাতোর্ব্যাং দেবী শূলাগ্রবিক্ষতঃ । চালযন্ সকলাং পৃথ্বীং সাব্ধিদ্বীপাং সপর্বতাম্ ॥ ১০.২৭॥
IAST
sa gatāsuḥ papātorvyāṃ devī śūlāgravikṣataḥ| cālayan sakalāṃ pṛthvīṃ sābdhidvīpāṃ saparvatām|| 10.27||
Sanskrit
ततः प्रसन्नमखिलं हते तस्मिन् दुरात्मनि । जगत्स्वास्थ्यमतीवाप निर्मलं चाभवन्नभः ॥ १०.२८॥
বাংলা
ততঃ প্রসন্নমখিলং হতে তস্মিন্ দুরাত্মনি । জগত্স্বাস্থ্যমতীবাপ নির্মলং চাভবন্নভঃ ॥ ১০.২৮॥
IAST
tataḥ prasannamakhilaṃ hate tasmin durātmani| jagatsvāsthyamatīvāpa nirmalaṃ cābhavannabhaḥ|| 10.28||
Sanskrit
उत्पातमेघाः सोल्का ये प्रागासंस्ते शमं ययुः । सरितो मार्गवाहिन्यस्तथासंस्तत्र पातिते ॥ १०.२९॥
বাংলা
উত্পাতমেঘাঃ সোল্কা যে প্রাগাসংস্তে শমং যযুঃ । সরিতো মার্গবাহিন্যস্তথাসংস্তত্র পাতিতে ॥ ১০.২৯॥
IAST
utpātameghāḥ solkā ye prāgāsaṃste śamaṃ yayuḥ| sarito mārgavāhinyastathāsaṃstatra pātite|| 10.29||
Sanskrit
ततो देवगणाः सर्वे हर्षनिर्भरमानसाः । बभूवुर्निहते तस्मिन् गन्धर्वा ललितं जगुः ॥ १०.३०॥
বাংলা
ততো দেবগণাঃ সর্বে হর্ষনির্ভরমানসাঃ । বভূবুর্নিহতে তস্মিন্ গন্ধর্বা ললিতং জগুঃ ॥ ১০.৩০॥
IAST
tato devagaṇāḥ sarve harṣanirbharamānasāḥ| babhūvurnihate tasmin gandharvā lalitaṃ jaguḥ|| 10.30||
Sanskrit
अवादयंस्तथैवान्ये ननृतुश्चाप्सरोगणाः । ववुः पुण्यास्तथा वाताः सुप्रभोऽभूद्दिवाकरः ॥ १०.३१॥
বাংলা
অবাদযংস্তথৈবান্যে ননৃতুশ্চাপ্সরোগণাঃ । ববুঃ পুণ্যাস্তথা বাতাঃ সুপ্রভোঽভূদ্দিবাকরঃ ॥ ১০.৩১॥
IAST
avādayaṃstathaivānye nanṛtuścāpsarogaṇāḥ| vavuḥ puṇyāstathā vātāḥ suprabho'bhūddivākaraḥ|| 10.31||
Sanskrit
जज्वलुश्चाग्नयः शान्ताः शान्ता दिग्जनितस्वनाः ॥ १०.३२॥
বাংলা
জজ্বলুশ্চাগ্নযঃ শান্তাঃ শান্তা দিগ্জনিতস্বনাঃ ॥ ১০.৩২॥
IAST
jajvaluścāgnayaḥ śāntāḥ śāntā digjanitasvanāḥ|| 10.32||
Sanskrit
॥ स्वस्ति श्रीमार्कण्डेयपुराणे सावर्णिके मन्वन्तरे देवीमाहात्म्ये शुम्भवधो नाम दशमोऽध्यायः ॥ १०॥
বাংলা
॥ স্বস্তি শ্রীমার্কণ্ডেযপুরাণে সাবর্ণিকে মন্বন্তরে দেবীমাহাত্ম্যে শুম্ভবধো নাম দশমোঽধ্যাযঃ ॥ ১০॥
IAST
|| svasti śrīmārkaṇḍeyapurāṇe sāvarṇike manvantare devīmāhātmye śumbhavadho nāma daśamo'dhyāyaḥ|| 10||
The 22-step reading sequence
