Reading script
66 text units · Original verse markers remain within the text.
॥ ८. रक्तबीजवधो नामाष्टमोऽध्यायः ॥ । ध्यानम् । ॐ अरुणां करुणातरङ्गिताक्षीं धृतपाशाङ्कुशबाणाचापहस्ताम् । अणिमादिभिरावृतां मयूखै- रहमित्येव विभावये भवानीम् ॥|| 8. raktabījavadho nāmāṣṭamo'dhyāyaḥ||| dhyānam| oṃ aruṇāṃ karuṇātaraṅgitākṣīṃ dhṛtapāśāṅkuśabāṇācāpahastām| aṇimādibhirāvṛtāṃ mayūkhai- rahamityeva vibhāvaye bhavānīm||
Sanskrit
ॐ ऋषिरुवाच ॥ ८.१॥
বাংলা
ॐ ঋষিরুবাচ ॥ ৮.১॥
IAST
oṃ ṛṣiruvāca|| 8.1||
Sanskrit
चण्डे च निहते दैत्ये मुण्डे च विनिपातिते । बहुलेषु च सैन्येषु क्षयितेष्वसुरेश्वरः ॥ ८.२॥
বাংলা
চণ্ডে চ নিহতে দৈত্যে মুণ্ডে চ বিনিপাতিতে । বহুলেষু চ সৈন্যেষু ক্ষযিতেষ্বসুরেশ্বরঃ ॥ ৮.২॥
IAST
caṇḍe ca nihate daitye muṇḍe ca vinipātite| bahuleṣu ca sainyeṣu kṣayiteṣvasureśvaraḥ|| 8.2||
Sanskrit
ततः कोपपराधीनचेताः शुम्भः प्रतापवान् । उद्योगं सर्वसैन्यानां दैत्यानामादिदेश ह ॥ ८.३॥
বাংলা
ততঃ কোপপরাধীনচেতাঃ শুম্ভঃ প্রতাপবান্ । উদ্যোগং সর্বসৈন্যানাং দৈত্যানামাদিদেশ হ ॥ ৮.৩॥
IAST
tataḥ kopaparādhīnacetāḥ śumbhaḥ pratāpavān| udyogaṃ sarvasainyānāṃ daityānāmādideśa ha|| 8.3||
Sanskrit
अद्य सर्वबलैर्दैत्याः षडशीतिरुदायुधाः । कम्बूनां चतुरशीतिर्निर्यान्तु स्वबलैर्वृताः ॥ ८.४॥
বাংলা
অদ্য সর্ববলৈর্দৈত্যাঃ ষডশীতিরুদাযুধাঃ । কম্বূনাং চতুরশীতির্নির্যান্তু স্ববলৈর্বৃতাঃ ॥ ৮.৪॥
IAST
adya sarvabalairdaityāḥ ṣaḍaśītirudāyudhāḥ| kambūnāṃ caturaśītirniryāntu svabalairvṛtāḥ|| 8.4||
Sanskrit
कोटिवीर्याणि पञ्चाशदसुराणां कुलानि वै । शतं कुलानि धौम्राणां निर्गच्छन्तु ममाज्ञया ॥ ८.५॥
বাংলা
কোটিবীর্যাণি পঞ্চাশদসুরাণাং কুলানি বৈ । শতং কুলানি ধৌম্রাণাং নির্গচ্ছন্তু মমাজ্ঞযা ॥ ৮.৫॥
IAST
koṭivīryāṇi pañcāśadasurāṇāṃ kulāni vai| śataṃ kulāni dhaumrāṇāṃ nirgacchantu mamājñayā|| 8.5||
Sanskrit
कालका दौर्हृदा मौर्वाः कालिकेयास्तथासुराः । युद्धाय सज्जा निर्यान्तु आज्ञया त्वरिता मम ॥ ८.६॥
বাংলা
কালকা দৌর্হৃদা মৌর্বাঃ কালিকেযাস্তথাসুরাঃ । যুদ্ধায সজ্জা নির্যান্তু আজ্ঞযা ত্বরিতা মম ॥ ৮.৬॥
IAST
kālakā daurhṛdā maurvāḥ kālikeyāstathāsurāḥ| yuddhāya sajjā niryāntu ājñayā tvaritā mama|| 8.6||
Sanskrit
इत्याज्ञाप्यासुरपतिः शुम्भो भैरवशासनः । निर्जगाम महासैन्यसहस्रैर्बहुभिर्वृतः ॥ ८.७॥
বাংলা
ইত্যাজ্ঞাপ্যাসুরপতিঃ শুম্ভো ভৈরবশাসনঃ । নির্জগাম মহাসৈন্যসহস্রৈর্বহুভির্বৃতঃ ॥ ৮.৭॥
IAST
ityājñāpyāsurapatiḥ śumbho bhairavaśāsanaḥ| nirjagāma mahāsainyasahasrairbahubhirvṛtaḥ|| 8.7||
Sanskrit
आयान्तं चण्डिका दृष्ट्वा तत्सैन्यमतिभीषणम् । ज्यास्वनैः पूरयामास धरणीगगनान्तरम् ॥ ८.८॥
বাংলা
আযান্তং চণ্ডিকা দৃষ্ট্বা তত্সৈন্যমতিভীষণম্ । জ্যাস্বনৈঃ পূরযামাস ধরণীগগনান্তরম্ ॥ ৮.৮॥
IAST
āyāntaṃ caṇḍikā dṛṣṭvā tatsainyamatibhīṣaṇam| jyāsvanaiḥ pūrayāmāsa dharaṇīgaganāntaram|| 8.8||
Sanskrit
ततः सिंहो महानादमतीव कृतवान्नृप । घण्टास्वनेन तान्नादानम्बिका चोपबृंहयत् ॥ ८.९॥
বাংলা
ততঃ সিংহো মহানাদমতীব কৃতবান্নৃপ । ঘণ্টাস্বনেন তান্নাদানম্বিকা চোপবৃংহযত্ ॥ ৮.৯॥
IAST
tataḥ siṃho mahānādamatīva kṛtavānnṛpa| ghaṇṭāsvanena tānnādānambikā copabṛṃhayat|| 8.9||
Sanskrit
धनुर्ज्यासिंहघण्टानां नादापूरितदिङ्मुखा । निनादैर्भीषणैः काली जिग्ये विस्तारितानना ॥ ८.१०॥
বাংলা
ধনুর্জ্যাসিংহঘণ্টানাং নাদাপূরিতদিঙ্মুখা । নিনাদৈর্ভীষণৈঃ কালী জিগ্যে বিস্তারিতাননা ॥ ৮.১০॥
IAST
dhanurjyāsiṃhaghaṇṭānāṃ nādāpūritadiṅmukhā| ninādairbhīṣaṇaiḥ kālī jigye vistāritānanā|| 8.10||
Sanskrit
तं निनादमुपश्रुत्य दैत्यसैन्यैश्चतुर्दिशम् । देवी सिंहस्तथा काली सरोषैः परिवारिताः ॥ ८.११॥
বাংলা
তং নিনাদমুপশ্রুত্য দৈত্যসৈন্যৈশ্চতুর্দিশম্ । দেবী সিংহস্তথা কালী সরোষৈঃ পরিবারিতাঃ ॥ ৮.১১॥
IAST
taṃ ninādamupaśrutya daityasainyaiścaturdiśam| devī siṃhastathā kālī saroṣaiḥ parivāritāḥ|| 8.11||
Sanskrit
एतस्मिन्नन्तरे भूप विनाशाय सुरद्विषाम् । भवायामरसिंहानामतिवीर्यबलान्विताः ॥ ८.१२॥
বাংলা
এতস্মিন্নন্তরে ভূপ বিনাশায সুরদ্বিষাম্ । ভবাযামরসিংহানামতিবীর্যবলান্বিতাঃ ॥ ৮.১২॥
IAST
etasminnantare bhūpa vināśāya suradviṣām| bhavāyāmarasiṃhānāmativīryabalānvitāḥ|| 8.12||
Sanskrit
ब्रह्मेशगुहविष्णूनां तथेन्द्रस्य च शक्तयः । शरीरेभ्यो विनिष्क्रम्य तद्रूपैश्चण्डिकां ययुः ॥ ८.१३॥
বাংলা
ব্রহ্মেশগুহবিষ্ণূনাং তথেন্দ্রস্য চ শক্তযঃ । শরীরেভ্যো বিনিষ্ক্রম্য তদ্রূপৈশ্চণ্ডিকাং যযুঃ ॥ ৮.১৩॥
IAST
brahmeśaguhaviṣṇūnāṃ tathendrasya ca śaktayaḥ| śarīrebhyo viniṣkramya tadrūpaiścaṇḍikāṃ yayuḥ|| 8.13||
Sanskrit
यस्य देवस्य यद्रूपं यथा भूषणवाहनम् । तद्वदेव हि तच्छक्तिरसुरान्योद्धुमाययौ ॥ ८.१४॥
বাংলা
যস্য দেবস্য যদ্রূপং যথা ভূষণবাহনম্ । তদ্বদেব হি তচ্ছক্তিরসুরান্যোদ্ধুমাযযৌ ॥ ৮.১৪॥
IAST
yasya devasya yadrūpaṃ yathā bhūṣaṇavāhanam| tadvadeva hi tacchaktirasurānyoddhumāyayau|| 8.14||
Sanskrit
हंसयुक्तविमानाग्रे साक्षसूत्रकमण्डलुः । आयाता ब्रह्मणः शक्तिर्ब्रह्माणीत्यभिधीयते ॥ ८.१५॥
বাংলা
হংসযুক্তবিমানাগ্রে সাক্ষসূত্রকমণ্ডলুঃ । আযাতা ব্রহ্মণঃ শক্তির্ব্রহ্মাণীত্যভিধীযতে ॥ ৮.১৫॥
IAST
haṃsayuktavimānāgre sākṣasūtrakamaṇḍaluḥ| āyātā brahmaṇaḥ śaktirbrahmāṇītyabhidhīyate|| 8.15||
Sanskrit
माहेश्वरी वृषारूढा त्रिशूलवरधारिणी । महाहिवलया प्राप्ता चन्द्ररेखाविभूषणा ॥ ८.१६॥
বাংলা
মাহেশ্বরী বৃষারূঢা ত্রিশূলবরধারিণী । মহাহিবলযা প্রাপ্তা চন্দ্ররেখাবিভূষণা ॥ ৮.১৬॥
IAST
māheśvarī vṛṣārūḍhā triśūlavaradhāriṇī| mahāhivalayā prāptā candrarekhāvibhūṣaṇā|| 8.16||
Sanskrit
कौमारी शक्तिहस्ता च मयूरवरवाहना । योद्धुमभ्याययौ दैत्यानम्बिका गुहरूपिणी ॥ ८.१७॥
বাংলা
কৌমারী শক্তিহস্তা চ মযূরবরবাহনা । যোদ্ধুমভ্যাযযৌ দৈত্যানম্বিকা গুহরূপিণী ॥ ৮.১৭॥
IAST
kaumārī śaktihastā ca mayūravaravāhanā| yoddhumabhyāyayau daityānambikā guharūpiṇī|| 8.17||
Sanskrit
तथैव वैष्णवी शक्तिर्गरुडोपरि संस्थिता । शङ्खचक्रगदाशार्ङ्गखड्गहस्ताभ्युपाययौ ॥ ८.१८॥
বাংলা
তথৈব বৈষ্ণবী শক্তির্গরুডোপরি সংস্থিতা । শঙ্খচক্রগদাশার্ঙ্গখড্গহস্তাভ্যুপাযযৌ ॥ ৮.১৮॥
IAST
tathaiva vaiṣṇavī śaktirgaruḍopari saṃsthitā| śaṅkhacakragadāśārṅgakhaḍgahastābhyupāyayau|| 8.18||
Sanskrit
यज्ञवाराहमतुलं रूपं या बिभ्रतो हरेः । शक्तिः साप्याययौ तत्र वाराहीं बिभ्रती तनुम् ॥ ८.१९॥
বাংলা
যজ্ঞবারাহমতুলং রূপং যা বিভ্রতো হরেঃ । শক্তিঃ সাপ্যাযযৌ তত্র বারাহীং বিভ্রতী তনুম্ ॥ ৮.১৯॥
IAST
yajñavārāhamatulaṃ rūpaṃ yā bibhrato hareḥ| śaktiḥ sāpyāyayau tatra vārāhīṃ bibhratī tanum|| 8.19||
Sanskrit
नारसिंही नृसिंहस्य बिभ्रती सदृशं वपुः । प्राप्ता तत्र सटाक्षेपक्षिप्तनक्षत्रसंहतिः ॥ ८.२०॥
বাংলা
নারসিংহী নৃসিংহস্য বিভ্রতী সদৃশং বপুঃ । প্রাপ্তা তত্র সটাক্ষেপক্ষিপ্তনক্ষত্রসংহতিঃ ॥ ৮.২০॥
IAST
nārasiṃhī nṛsiṃhasya bibhratī sadṛśaṃ vapuḥ| prāptā tatra saṭākṣepakṣiptanakṣatrasaṃhatiḥ|| 8.20||
Sanskrit
वज्रहस्ता तथैवैन्द्री गजराजोपरि स्थिता । प्राप्ता सहस्रनयना यथा शक्रस्तथैव सा ॥ ८.२१॥
বাংলা
বজ্রহস্তা তথৈবৈন্দ্রী গজরাজোপরি স্থিতা । প্রাপ্তা সহস্রনযনা যথা শক্রস্তথৈব সা ॥ ৮.২১॥
IAST
vajrahastā tathaivaindrī gajarājopari sthitā| prāptā sahasranayanā yathā śakrastathaiva sā|| 8.21||
Sanskrit
ततः परिवृतस्ताभिरीशानो देवशक्तिभिः । हन्यन्तामसुराः शीघ्रं मम प्रीत्याह चण्डिकाम् ॥ ८.२२॥
বাংলা
ততঃ পরিবৃতস্তাভিরীশানো দেবশক্তিভিঃ । হন্যন্তামসুরাঃ শীঘ্রং মম প্রীত্যাহ চণ্ডিকাম্ ॥ ৮.২২॥
IAST
tataḥ parivṛtastābhirīśāno devaśaktibhiḥ| hanyantāmasurāḥ śīghraṃ mama prītyāha caṇḍikām|| 8.22||
Sanskrit
ततो देवीशरीरात्तु विनिष्क्रान्तातिभीषणा । चण्डिका शक्तिरत्युग्रा शिवाशतनिनादिनी ॥ ८.२३॥
বাংলা
ততো দেবীশরীরাত্তু বিনিষ্ক্রান্তাতিভীষণা । চণ্ডিকা শক্তিরত্যুগ্রা শিবাশতনিনাদিনী ॥ ৮.২৩॥
IAST
tato devīśarīrāttu viniṣkrāntātibhīṣaṇā| caṇḍikā śaktiratyugrā śivāśataninādinī|| 8.23||
Sanskrit
सा चाह धूम्रजटिलमीशानमपराजिता । दूत त्वं गच्छ भगवन् पार्श्वं शुम्भनिशुम्भयोः ॥ ८.२४॥
বাংলা
সা চাহ ধূম্রজটিলমীশানমপরাজিতা । দূত ত্বং গচ্ছ ভগবন্ পার্শ্বং শুম্ভনিশুম্ভযোঃ ॥ ৮.২৪॥
IAST
sā cāha dhūmrajaṭilamīśānamaparājitā| dūta tvaṃ gaccha bhagavan pārśvaṃ śumbhaniśumbhayoḥ|| 8.24||
Sanskrit
ब्रूहि शुम्भं निशुम्भं च दानवावतिगर्वितौ । ये चान्ये दानवास्तत्र युद्धाय समुपस्थिताः ॥ ८.२५॥
বাংলা
ব্রূহি শুম্ভং নিশুম্ভং চ দানবাবতিগর্বিতৌ । যে চান্যে দানবাস্তত্র যুদ্ধায সমুপস্থিতাঃ ॥ ৮.২৫॥
IAST
brūhi śumbhaṃ niśumbhaṃ ca dānavāvatigarvitau| ye cānye dānavāstatra yuddhāya samupasthitāḥ|| 8.25||
Sanskrit
त्रैलोक्यमिन्द्रो लभतां देवाः सन्तु हविर्भुजः । यूयं प्रयात पातालं यदि जीवितुमिच्छथ ॥ ८.२६॥
বাংলা
ত্রৈলোক্যমিন্দ্রো লভতাং দেবাঃ সন্তু হবির্ভুজঃ । যূযং প্রযাত পাতালং যদি জীবিতুমিচ্ছথ ॥ ৮.২৬॥
IAST
trailokyamindro labhatāṃ devāḥ santu havirbhujaḥ| yūyaṃ prayāta pātālaṃ yadi jīvitumicchatha|| 8.26||
Sanskrit
बलावलेपादथ चेद्भवन्तो युद्धकाङ्क्षिणः । तदागच्छत तृप्यन्तु मच्छिवाः पिशितेन वः ॥ ८.२७॥
বাংলা
বলাবলেপাদথ চেদ্ভবন্তো যুদ্ধকাঙ্ক্ষিণঃ । তদাগচ্ছত তৃপ্যন্তু মচ্ছিবাঃ পিশিতেন বঃ ॥ ৮.২৭॥
IAST
balāvalepādatha cedbhavanto yuddhakāṅkṣiṇaḥ| tadāgacchata tṛpyantu macchivāḥ piśitena vaḥ|| 8.27||
Sanskrit
यतो नियुक्तो दौत्येन तया देव्या शिवः स्वयम् । शिवदूतीति लोकेऽस्मिंस्ततः सा ख्यातिमागता ॥ ८.२८॥
বাংলা
যতো নিযুক্তো দৌত্যেন তযা দেব্যা শিবঃ স্বযম্ । শিবদূতীতি লোকেঽস্মিংস্ততঃ সা খ্যাতিমাগতা ॥ ৮.২৮॥
IAST
yato niyukto dautyena tayā devyā śivaḥ svayam| śivadūtīti loke'smiṃstataḥ sā khyātimāgatā|| 8.28||
Sanskrit
तेऽपि श्रुत्वा वचो देव्याः शर्वाख्यातं महासुराः । अमर्षापूरिता जग्मुर्यत्र कात्यायनी स्थिता ॥ ८.२९॥
বাংলা
তেঽপি শ্রুত্বা বচো দেব্যাঃ শর্বাখ্যাতং মহাসুরাঃ । অমর্ষাপূরিতা জগ্মুর্যত্র কাত্যাযনী স্থিতা ॥ ৮.২৯॥
IAST
te'pi śrutvā vaco devyāḥ śarvākhyātaṃ mahāsurāḥ| amarṣāpūritā jagmuryatra kātyāyanī sthitā|| 8.29||
Sanskrit
ततः प्रथममेवाग्रे शरशक्त्यृष्टिवृष्टिभिः । ववर्षुरुद्धतामर्षास्तां देवीममरारयः ॥ ८.३०॥
বাংলা
ততঃ প্রথমমেবাগ্রে শরশক্ত্যৃষ্টিবৃষ্টিভিঃ । ববর্ষুরুদ্ধতামর্ষাস্তাং দেবীমমরারযঃ ॥ ৮.৩০॥
IAST
tataḥ prathamamevāgre śaraśaktyṛṣṭivṛṣṭibhiḥ| vavarṣuruddhatāmarṣāstāṃ devīmamarārayaḥ|| 8.30||
Sanskrit
सा च तान् प्रहितान् बाणाञ्छूलशक्तिपरश्वधान् । चिच्छेद लीलयाध्मातधनुर्मुक्तैर्महेषुभिः ॥ ८.३१॥
বাংলা
সা চ তান্ প্রহিতান্ বাণাঞ্ছূলশক্তিপরশ্বধান্ । চিচ্ছেদ লীলযাধ্মাতধনুর্মুক্তৈর্মহেষুভিঃ ॥ ৮.৩১॥
IAST
sā ca tān prahitān bāṇāñchūlaśaktiparaśvadhān| ciccheda līlayādhmātadhanurmuktairmaheṣubhiḥ|| 8.31||
Sanskrit
तस्याग्रतस्तथा काली शूलपातविदारितान् । खट्वाङ्गपोथितांश्चारीन्कुर्वती व्यचरत्तदा ॥ ८.३२॥
বাংলা
তস্যাগ্রতস্তথা কালী শূলপাতবিদারিতান্ । খট্বাঙ্গপোথিতাংশ্চারীন্কুর্বতী ব্যচরত্তদা ॥ ৮.৩২॥
IAST
tasyāgratastathā kālī śūlapātavidāritān| khaṭvāṅgapothitāṃścārīnkurvatī vyacarattadā|| 8.32||
Sanskrit
कमण्डलुजलाक्षेपहतवीर्यान् हतौजसः । ब्रह्माणी चाकरोच्छत्रून्येन येन स्म धावति ॥ ८.३३॥
বাংলা
কমণ্ডলুজলাক্ষেপহতবীর্যান্ হতৌজসঃ । ব্রহ্মাণী চাকরোচ্ছত্রূন্যেন যেন স্ম ধাবতি ॥ ৮.৩৩॥
IAST
kamaṇḍalujalākṣepahatavīryān hataujasaḥ| brahmāṇī cākarocchatrūnyena yena sma dhāvati|| 8.33||
Sanskrit
माहेश्वरी त्रिशूलेन तथा चक्रेण वैष्णवी । दैत्याञ्जघान कौमारी तथा शक्त्यातिकोपना ॥ ८.३४॥
বাংলা
মাহেশ্বরী ত্রিশূলেন তথা চক্রেণ বৈষ্ণবী । দৈত্যাঞ্জঘান কৌমারী তথা শক্ত্যাতিকোপনা ॥ ৮.৩৪॥
IAST
māheśvarī triśūlena tathā cakreṇa vaiṣṇavī| daityāñjaghāna kaumārī tathā śaktyātikopanā|| 8.34||
Sanskrit
ऐन्द्री कुलिशपातेन शतशो दैत्यदानवाः । पेतुर्विदारिताः पृथ्व्यां रुधिरौघप्रवर्षिणः ॥ ८.३५॥
বাংলা
ঐন্দ্রী কুলিশপাতেন শতশো দৈত্যদানবাঃ । পেতুর্বিদারিতাঃ পৃথ্ব্যাং রুধিরৌঘপ্রবর্ষিণঃ ॥ ৮.৩৫॥
IAST
aindrī kuliśapātena śataśo daityadānavāḥ| peturvidāritāḥ pṛthvyāṃ rudhiraughapravarṣiṇaḥ|| 8.35||
Sanskrit
तुण्डप्रहारविध्वस्ता दंष्ट्राग्रक्षतवक्षसः । वाराहमूर्त्या न्यपतंश्चक्रेण च विदारिताः ॥ ८.३६॥
বাংলা
তুণ্ডপ্রহারবিধ্বস্তা দংষ্ট্রাগ্রক্ষতবক্ষসঃ । বারাহমূর্ত্যা ন্যপতংশ্চক্রেণ চ বিদারিতাঃ ॥ ৮.৩৬॥
IAST
tuṇḍaprahāravidhvastā daṃṣṭrāgrakṣatavakṣasaḥ| vārāhamūrtyā nyapataṃścakreṇa ca vidāritāḥ|| 8.36||
Sanskrit
नखैर्विदारितांश्चान्यान् भक्षयन्ती महासुरान् । नारसिंही चचाराजौ नादापूर्णदिगम्बरा ॥ ८.३७॥
বাংলা
নখৈর্বিদারিতাংশ্চান্যান্ ভক্ষযন্তী মহাসুরান্ । নারসিংহী চচারাজৌ নাদাপূর্ণদিগম্বরা ॥ ৮.৩৭॥
IAST
nakhairvidāritāṃścānyān bhakṣayantī mahāsurān| nārasiṃhī cacārājau nādāpūrṇadigambarā|| 8.37||
Sanskrit
चण्डाट्टहासैरसुराः शिवदूत्यभिदूषिताः । पेतुः पृथिव्यां पतितांस्तांश्चखादाथ सा तदा ॥ ८.३८॥
বাংলা
চণ্ডাট্টহাসৈরসুরাঃ শিবদূত্যভিদূষিতাঃ । পেতুঃ পৃথিব্যাং পতিতাংস্তাংশ্চখাদাথ সা তদা ॥ ৮.৩৮॥
IAST
caṇḍāṭṭahāsairasurāḥ śivadūtyabhidūṣitāḥ| petuḥ pṛthivyāṃ patitāṃstāṃścakhādātha sā tadā|| 8.38||
Sanskrit
इति मातृगणं क्रुद्धं मर्दयन्तं महासुरान् । दृष्ट्वाभ्युपायैर्विविधैर्नेशुर्देवारिसैनिकाः ॥ ८.३९॥
বাংলা
ইতি মাতৃগণং ক্রুদ্ধং মর্দযন্তং মহাসুরান্ । দৃষ্ট্বাভ্যুপাযৈর্বিবিধৈর্নেশুর্দেবারিসৈনিকাঃ ॥ ৮.৩৯॥
IAST
iti mātṛgaṇaṃ kruddhaṃ mardayantaṃ mahāsurān| dṛṣṭvābhyupāyairvividhairneśurdevārisainikāḥ|| 8.39||
Sanskrit
पलायनपरान्दृष्ट्वा दैत्यान्मातृगणार्दितान् । योद्धुमभ्याययौ क्रुद्धो रक्तबीजो महासुरः ॥ ८.४०॥
বাংলা
পলাযনপরান্দৃষ্ট্বা দৈত্যান্মাতৃগণার্দিতান্ । যোদ্ধুমভ্যাযযৌ ক্রুদ্ধো রক্তবীজো মহাসুরঃ ॥ ৮.৪০॥
IAST
palāyanaparāndṛṣṭvā daityānmātṛgaṇārditān| yoddhumabhyāyayau kruddho raktabījo mahāsuraḥ|| 8.40||
Sanskrit
रक्तबिन्दुर्यदा भूमौ पतत्यस्य शरीरतः । समुत्पतति मेदिन्यां तत्प्रमाणो महासुरः ॥ ८.४१॥
বাংলা
রক্তবিন্দুর্যদা ভূমৌ পতত্যস্য শরীরতঃ । সমুত্পততি মেদিন্যাং তত্প্রমাণো মহাসুরঃ ॥ ৮.৪১॥
IAST
raktabinduryadā bhūmau patatyasya śarīrataḥ| samutpatati medinyāṃ tatpramāṇo mahāsuraḥ|| 8.41||
Sanskrit
युयुधे स गदापाणिरिन्द्रशक्त्या महासुरः । ततश्चैन्द्री स्ववज्रेण रक्तबीजमताडयत् ॥ ८.४२॥
বাংলা
যুযুধে স গদাপাণিরিন্দ্রশক্ত্যা মহাসুরঃ । ততশ্চৈন্দ্রী স্ববজ্রেণ রক্তবীজমতাডযত্ ॥ ৮.৪২॥
IAST
yuyudhe sa gadāpāṇirindraśaktyā mahāsuraḥ| tataścaindrī svavajreṇa raktabījamatāḍayat|| 8.42||
Sanskrit
कुलिशेनाहतस्याशु बहु सुस्राव शोणितम् । समुत्तस्थुस्ततो योधास्तद्रूपास्तत्पराक्रमाः ॥ ८.४३॥
বাংলা
কুলিশেনাহতস্যাশু বহু সুস্রাব শোণিতম্ । সমুত্তস্থুস্ততো যোধাস্তদ্রূপাস্তত্পরাক্রমাঃ ॥ ৮.৪৩॥
IAST
kuliśenāhatasyāśu bahu susrāva śoṇitam| samuttasthustato yodhāstadrūpāstatparākramāḥ|| 8.43||
Sanskrit
यावन्तः पतितास्तस्य शरीराद्रक्तबिन्दवः । तावन्तः पुरुषा जातास्तद्वीर्यबलविक्रमाः ॥ ८.४४॥
বাংলা
যাবন্তঃ পতিতাস্তস্য শরীরাদ্রক্তবিন্দবঃ । তাবন্তঃ পুরুষা জাতাস্তদ্বীর্যবলবিক্রমাঃ ॥ ৮.৪৪॥
IAST
yāvantaḥ patitāstasya śarīrādraktabindavaḥ| tāvantaḥ puruṣā jātāstadvīryabalavikramāḥ|| 8.44||
Sanskrit
ते चापि युयुधुस्तत्र पुरुषा रक्तसम्भवाः । समं मातृभिरत्युग्रशस्त्रपातातिभीषणम् ॥ ८.४५॥
বাংলা
তে চাপি যুযুধুস্তত্র পুরুষা রক্তসম্ভবাঃ । সমং মাতৃভিরত্যুগ্রশস্ত্রপাতাতিভীষণম্ ॥ ৮.৪৫॥
IAST
te cāpi yuyudhustatra puruṣā raktasambhavāḥ| samaṃ mātṛbhiratyugraśastrapātātibhīṣaṇam|| 8.45||
Sanskrit
पुनश्च वज्रपातेन क्षतमस्य शिरो यदा । ववाह रक्तं पुरुषास्ततो जाताः सहस्रशः ॥ ८.४६॥
বাংলা
পুনশ্চ বজ্রপাতেন ক্ষতমস্য শিরো যদা । ববাহ রক্তং পুরুষাস্ততো জাতাঃ সহস্রশঃ ॥ ৮.৪৬॥
IAST
punaśca vajrapātena kṣatamasya śiro yadā| vavāha raktaṃ puruṣāstato jātāḥ sahasraśaḥ|| 8.46||
Sanskrit
वैष्णवी समरे चैनं चक्रेणाभिजघान ह । गदया ताडयामास ऐन्द्री तमसुरेश्वरम् ॥ ८.४७॥
বাংলা
বৈষ্ণবী সমরে চৈনং চক্রেণাভিজঘান হ । গদযা তাডযামাস ঐন্দ্রী তমসুরেশ্বরম্ ॥ ৮.৪৭॥
IAST
vaiṣṇavī samare cainaṃ cakreṇābhijaghāna ha| gadayā tāḍayāmāsa aindrī tamasureśvaram|| 8.47||
Sanskrit
वैष्णवीचक्रभिन्नस्य रुधिरस्रावसम्भवैः । सहस्रशो जगद्व्याप्तं तत्प्रमाणैर्महासुरैः ॥ ८.४८॥
বাংলা
বৈষ্ণবীচক্রভিন্নস্য রুধিরস্রাবসম্ভবৈঃ । সহস্রশো জগদ্ব্যাপ্তং তত্প্রমাণৈর্মহাসুরৈঃ ॥ ৮.৪৮॥
IAST
vaiṣṇavīcakrabhinnasya rudhirasrāvasambhavaiḥ| sahasraśo jagadvyāptaṃ tatpramāṇairmahāsuraiḥ|| 8.48||
Sanskrit
शक्त्या जघान कौमारी वाराही च तथासिना । माहेश्वरी त्रिशूलेन रक्तबीजं महासुरम् ॥ ८.४९॥
বাংলা
শক্ত্যা জঘান কৌমারী বারাহী চ তথাসিনা । মাহেশ্বরী ত্রিশূলেন রক্তবীজং মহাসুরম্ ॥ ৮.৪৯॥
IAST
śaktyā jaghāna kaumārī vārāhī ca tathāsinā| māheśvarī triśūlena raktabījaṃ mahāsuram|| 8.49||
Sanskrit
स चापि गदया दैत्यः सर्वा एवाहनत् पृथक् । मातॄः कोपसमाविष्टो रक्तबीजो महासुरः ॥ ८.५०॥
বাংলা
স চাপি গদযা দৈত্যঃ সর্বা এবাহনত্ পৃথক্ । মাতৄঃ কোপসমাবিষ্টো রক্তবীজো মহাসুরঃ ॥ ৮.৫০॥
IAST
sa cāpi gadayā daityaḥ sarvā evāhanat pṛthak| mātṝḥ kopasamāviṣṭo raktabījo mahāsuraḥ|| 8.50||
Sanskrit
तस्याहतस्य बहुधा शक्तिशूलादिभिर्भुवि । पपात यो वै रक्तौघस्तेनासञ्छतशोऽसुराः ॥ ८.५१॥
বাংলা
তস্যাহতস্য বহুধা শক্তিশূলাদিভির্ভুবি । পপাত যো বৈ রক্তৌঘস্তেনাসঞ্ছতশোঽসুরাঃ ॥ ৮.৫১॥
IAST
tasyāhatasya bahudhā śaktiśūlādibhirbhuvi| papāta yo vai raktaughastenāsañchataśo'surāḥ|| 8.51||
Sanskrit
तैश्चासुरासृक्सम्भूतैरसुरैः सकलं जगत् । व्याप्तमासीत्ततो देवा भयमाजग्मुरुत्तमम् ॥ ८.५२॥
বাংলা
তৈশ্চাসুরাসৃক্সম্ভূতৈরসুরৈঃ সকলং জগত্ । ব্যাপ্তমাসীত্ততো দেবা ভযমাজগ্মুরুত্তমম্ ॥ ৮.৫২॥
IAST
taiścāsurāsṛksambhūtairasuraiḥ sakalaṃ jagat| vyāptamāsīttato devā bhayamājagmuruttamam|| 8.52||
Sanskrit
तान् विषण्णान् सुरान् दृष्ट्वा चण्डिका प्राहसत्वरम् । उवाच कालीं चामुण्डे विस्तीर्णं वदनं कुरु ॥ ८.५३॥
বাংলা
তান্ বিষণ্ণান্ সুরান্ দৃষ্ট্বা চণ্ডিকা প্রাহসত্বরম্ । উবাচ কালীং চামুণ্ডে বিস্তীর্ণং বদনং কুরু ॥ ৮.৫৩॥
IAST
tān viṣaṇṇān surān dṛṣṭvā caṇḍikā prāhasatvaram| uvāca kālīṃ cāmuṇḍe vistīrṇaṃ vadanaṃ kuru|| 8.53||
Sanskrit
मच्छस्त्रपातसम्भूतान् रक्तबिन्दून् महासुरान् । रक्तबिन्दोः प्रतीच्छ त्वं वक्त्रेणानेन वेगिना ॥ ८.५४॥
বাংলা
মচ্ছস্ত্রপাতসম্ভূতান্ রক্তবিন্দূন্ মহাসুরান্ । রক্তবিন্দোঃ প্রতীচ্ছ ত্বং বক্ত্রেণানেন বেগিনা ॥ ৮.৫৪॥
IAST
macchastrapātasambhūtān raktabindūn mahāsurān| raktabindoḥ pratīccha tvaṃ vaktreṇānena veginā|| 8.54||
Sanskrit
भक्षयन्ती चर रणे तदुत्पन्नान्महासुरान् । एवमेष क्षयं दैत्यः क्षेणरक्तो गमिष्यति ॥ ८.५५॥
বাংলা
ভক্ষযন্তী চর রণে তদুত্পন্নান্মহাসুরান্ । এবমেষ ক্ষযং দৈত্যঃ ক্ষেণরক্তো গমিষ্যতি ॥ ৮.৫৫॥
IAST
bhakṣayantī cara raṇe tadutpannānmahāsurān| evameṣa kṣayaṃ daityaḥ kṣeṇarakto gamiṣyati|| 8.55||
Sanskrit
भक्ष्यमाणास्त्वया चोग्रा न चोत्पत्स्यन्ति चापरे । इत्युक्त्वा तां ततो देवी शूलेनाभिजघान तम् ॥ ८.५६॥
বাংলা
ভক্ষ্যমাণাস্ত্বযা চোগ্রা ন চোত্পত্স্যন্তি চাপরে । ইত্যুক্ত্বা তাং ততো দেবী শূলেনাভিজঘান তম্ ॥ ৮.৫৬॥
IAST
bhakṣyamāṇāstvayā cogrā na cotpatsyanti cāpare| ityuktvā tāṃ tato devī śūlenābhijaghāna tam|| 8.56||
Sanskrit
मुखेन काली जगृहे रक्तबीजस्य शोणितम् । ततोऽसावाजघानाथ गदया तत्र चण्डिकाम् ॥ ८.५७॥
বাংলা
মুখেন কালী জগৃহে রক্তবীজস্য শোণিতম্ । ততোঽসাবাজঘানাথ গদযা তত্র চণ্ডিকাম্ ॥ ৮.৫৭॥
IAST
mukhena kālī jagṛhe raktabījasya śoṇitam| tato'sāvājaghānātha gadayā tatra caṇḍikām|| 8.57||
Sanskrit
न चास्या वेदनां चक्रे गदापातोऽल्पिकामपि । तस्याहतस्य देहात्तु बहु सुस्राव शोणितम् ॥ ८.५८॥
বাংলা
ন চাস্যা বেদনাং চক্রে গদাপাতোঽল্পিকামপি । তস্যাহতস্য দেহাত্তু বহু সুস্রাব শোণিতম্ ॥ ৮.৫৮॥
IAST
na cāsyā vedanāṃ cakre gadāpāto'lpikāmapi| tasyāhatasya dehāttu bahu susrāva śoṇitam|| 8.58||
Sanskrit
यतस्ततस्तद्वक्त्रेण चामुण्डा सम्प्रतीच्छति । मुखे समुद्गता येऽस्या रक्तपातान्महासुराः ॥ ८.५९॥
বাংলা
যতস্ততস্তদ্বক্ত্রেণ চামুণ্ডা সম্প্রতীচ্ছতি । মুখে সমুদ্গতা যেঽস্যা রক্তপাতান্মহাসুরাঃ ॥ ৮.৫৯॥
IAST
yatastatastadvaktreṇa cāmuṇḍā sampratīcchati| mukhe samudgatā ye'syā raktapātānmahāsurāḥ|| 8.59||
Sanskrit
तांश्चखादाथ चामुण्डा पपौ तस्य च शोणितम् । देवी शूलेन वज्रेण बाणैरसिभिरृष्टिभिः ॥ ८.६०॥
বাংলা
তাংশ্চখাদাথ চামুণ্ডা পপৌ তস্য চ শোণিতম্ । দেবী শূলেন বজ্রেণ বাণৈরসিভিরৃষ্টিভিঃ ॥ ৮.৬০॥
IAST
tāṃścakhādātha cāmuṇḍā papau tasya ca śoṇitam| devī śūlena vajreṇa bāṇairasibhirṛṣṭibhiḥ|| 8.60||
Sanskrit
जघान रक्तबीजं तं चामुण्डापीतशोणितम् । स पपात महीपृष्ठे शस्त्रसङ्घसमाहतः ॥ ८.६१॥
বাংলা
জঘান রক্তবীজং তং চামুণ্ডাপীতশোণিতম্ । স পপাত মহীপৃষ্ঠে শস্ত্রসঙ্ঘসমাহতঃ ॥ ৮.৬১॥
IAST
jaghāna raktabījaṃ taṃ cāmuṇḍāpītaśoṇitam| sa papāta mahīpṛṣṭhe śastrasaṅghasamāhataḥ|| 8.61||
Sanskrit
नीरक्तश्च महीपाल रक्तबीजो महासुरः । ततस्ते हर्षमतुलमवापुस्त्रिदशा नृप ॥ ८.६२॥
বাংলা
নীরক্তশ্চ মহীপাল রক্তবীজো মহাসুরঃ । ততস্তে হর্ষমতুলমবাপুস্ত্রিদশা নৃপ ॥ ৮.৬২॥
IAST
nīraktaśca mahīpāla raktabījo mahāsuraḥ| tataste harṣamatulamavāpustridaśā nṛpa|| 8.62||
Sanskrit
तेषां मातृगणो जातो ननर्तासृङ्मदोद्धतः ॥ ८.६३॥
বাংলা
তেষাং মাতৃগণো জাতো ননর্তাসৃঙ্মদোদ্ধতঃ ॥ ৮.৬৩॥
IAST
teṣāṃ mātṛgaṇo jāto nanartāsṛṅmadoddhataḥ|| 8.63||
Sanskrit
॥ स्वस्ति श्रीमार्कण्डेयपुराणे सावर्णिके मन्वन्तरे देवीमाहात्म्ये रक्तबीजवधो नामाष्टमोऽध्यायः ॥ ८॥
বাংলা
॥ স্বস্তি শ্রীমার্কণ্ডেযপুরাণে সাবর্ণিকে মন্বন্তরে দেবীমাহাত্ম্যে রক্তবীজবধো নামাষ্টমোঽধ্যাযঃ ॥ ৮॥
IAST
|| svasti śrīmārkaṇḍeyapurāṇe sāvarṇike manvantare devīmāhātmye raktabījavadho nāmāṣṭamo'dhyāyaḥ|| 8||
Sanskrit
उवाच १, अर्धश्लोकः १, श्लोकाः ६१, एवमादितः ॥ ५०२॥
বাংলা
উবাচ ১, অর্ধশ্লোকঃ ১, শ্লোকাঃ ৬১, এবমাদিতঃ ॥ ৫০২॥
IAST
uvāca 1, ardhaślokaḥ 1, ślokāḥ 61, evamāditaḥ|| 502||
The 22-step reading sequence
