Reading script
44 text units · Original verse markers remain within the text.
॥ १२. भगवती वाक्यं द्वादशोऽध्यायः ॥ । ध्यानम् । ॐ विद्युद्धामसमप्रभां मृगपतिस्कन्धस्थितां भीषणां कन्याभिः करवाळखेटविलसधस्ताभिरासेविताम् । हस्तैश्चक्रगदासिखेटविशिखांश्चापं गुणं तर्जनीं बिभ्राणामनलात्मिकां शशिधरां दुर्गां त्रिनेत्रां भजे ॥|| 12. bhagavatī vākyaṃ dvādaśo'dhyāyaḥ||| dhyānam| oṃ vidyuddhāmasamaprabhāṃ mṛgapatiskandhasthitāṃ bhīṣaṇāṃ kanyābhiḥ karavāḷakheṭavilasadhastābhirāsevitām| hastaiścakragadāsikheṭaviśikhāṃścāpaṃ guṇaṃ tarjanīṃ bibhrāṇāmanalātmikāṃ śaśidharāṃ durgāṃ trinetrāṃ bhaje||
Sanskrit
ॐ देव्युवाच ॥ १२.१॥
বাংলা
ॐ দেব্যুবাচ ॥ ১২.১॥
IAST
oṃ devyuvāca|| 12.1||
Sanskrit
एभिः स्तवैश्च मां नित्यं स्तोष्यते यः समाहितः । तस्याहं सकलां बाधां शमयिष्याम्यसंशयम् ॥ १२.२॥
বাংলা
এভিঃ স্তবৈশ্চ মাং নিত্যং স্তোষ্যতে যঃ সমাহিতঃ । তস্যাহং সকলাং বাধাং শমযিষ্যাম্যসংশযম্ ॥ ১২.২॥
IAST
ebhiḥ stavaiśca māṃ nityaṃ stoṣyate yaḥ samāhitaḥ| tasyāhaṃ sakalāṃ bādhāṃ śamayiṣyāmyasaṃśayam|| 12.2||
Sanskrit
मधुकैटभनाशं च महिषासुरघातनम् । कीर्तयिष्यन्ति ये तद्वद्वधं शुम्भनिशुम्भयोः ॥ १२.३॥
বাংলা
মধুকৈটভনাশং চ মহিষাসুরঘাতনম্ । কীর্তযিষ্যন্তি যে তদ্বদ্বধং শুম্ভনিশুম্ভযোঃ ॥ ১২.৩॥
IAST
madhukaiṭabhanāśaṃ ca mahiṣāsuraghātanam| kīrtayiṣyanti ye tadvadvadhaṃ śumbhaniśumbhayoḥ|| 12.3||
Sanskrit
अष्टम्यां च चतुर्दश्यां नवम्यां चैकचेतसः । श्रोष्यन्ति चैव ये भक्त्या मम माहात्म्यमुत्तमम् ॥ १२.४॥
বাংলা
অষ্টম্যাং চ চতুর্দশ্যাং নবম্যাং চৈকচেতসঃ । শ্রোষ্যন্তি চৈব যে ভক্ত্যা মম মাহাত্ম্যমুত্তমম্ ॥ ১২.৪॥
IAST
aṣṭamyāṃ ca caturdaśyāṃ navamyāṃ caikacetasaḥ| śroṣyanti caiva ye bhaktyā mama māhātmyamuttamam|| 12.4||
Sanskrit
न तेषां दुष्कृतं किञ्चिद्दुष्कृतोत्था न चापदः । भविष्यति न दारिद्र्यं न चैवेष्टवियोजनम् ॥ १२.५॥
বাংলা
ন তেষাং দুষ্কৃতং কিঞ্চিদ্দুষ্কৃতোত্থা ন চাপদঃ । ভবিষ্যতি ন দারিদ্র্যং ন চৈবেষ্টবিযোজনম্ ॥ ১২.৫॥
IAST
na teṣāṃ duṣkṛtaṃ kiñcidduṣkṛtotthā na cāpadaḥ| bhaviṣyati na dāridryaṃ na caiveṣṭaviyojanam|| 12.5||
Sanskrit
शत्रुभ्यो न भयं तस्य दस्युतो वा न राजतः । न शस्त्रानलतोयौघात् कदाचित् सम्भविष्यति ॥ १२.६॥
বাংলা
শত্রুভ্যো ন ভযং তস্য দস্যুতো বা ন রাজতঃ । ন শস্ত্রানলতোযৌঘাত্ কদাচিত্ সম্ভবিষ্যতি ॥ ১২.৬॥
IAST
śatrubhyo na bhayaṃ tasya dasyuto vā na rājataḥ| na śastrānalatoyaughāt kadācit sambhaviṣyati|| 12.6||
Sanskrit
तस्मान्ममैतन्माहात्म्यं पठितव्यं समाहितैः । श्रोतव्यं च सदा भक्त्या परं स्वस्त्ययनं महत् ॥ १२.७॥
বাংলা
তস্মান্মমৈতন্মাহাত্ম্যং পঠিতব্যং সমাহিতৈঃ । শ্রোতব্যং চ সদা ভক্ত্যা পরং স্বস্ত্যযনং মহত্ ॥ ১২.৭॥
IAST
tasmānmamaitanmāhātmyaṃ paṭhitavyaṃ samāhitaiḥ| śrotavyaṃ ca sadā bhaktyā paraṃ svastyayanaṃ mahat|| 12.7||
Sanskrit
उपसर्गानशेषांस्तु महामारीसमुद्भवान् । तथा त्रिविधमुत्पातं माहात्म्यं शमयेन्मम ॥ १२.८॥
বাংলা
উপসর্গানশেষাংস্তু মহামারীসমুদ্ভবান্ । তথা ত্রিবিধমুত্পাতং মাহাত্ম্যং শমযেন্মম ॥ ১২.৮॥
IAST
upasargānaśeṣāṃstu mahāmārīsamudbhavān| tathā trividhamutpātaṃ māhātmyaṃ śamayenmama|| 12.8||
Sanskrit
यत्रैतत्पठ्यते सम्यङ्नित्यमायतने मम । सदा न तद्विमोक्ष्यामि सान्निध्यं तत्र मे स्थितम् ॥ १२.९॥
বাংলা
যত্রৈতত্পঠ্যতে সম্যঙ্নিত্যমাযতনে মম । সদা ন তদ্বিমোক্ষ্যামি সান্নিধ্যং তত্র মে স্থিতম্ ॥ ১২.৯॥
IAST
yatraitatpaṭhyate samyaṅnityamāyatane mama| sadā na tadvimokṣyāmi sānnidhyaṃ tatra me sthitam|| 12.9||
Sanskrit
बलिप्रदाने पूजायामग्निकार्ये महोत्सवे । सर्वं ममैतन्माहात्म्यम् उच्चार्यं श्राव्यमेव च ॥ १२.१०॥
বাংলা
বলিপ্রদানে পূজাযামগ্নিকার্যে মহোত্সবে । সর্বং মমৈতন্মাহাত্ম্যম্ উচ্চার্যং শ্রাব্যমেব চ ॥ ১২.১০॥
IAST
balipradāne pūjāyāmagnikārye mahotsave| sarvaṃ mamaitanmāhātmyam uccāryaṃ śrāvyameva ca|| 12.10||
Sanskrit
जानताजानता वापि बलिपूजां यथा कृताम् । प्रतीक्षिष्याम्यहं प्रीत्या वह्निहोमं तथाकृतम् ॥ १२.११॥
বাংলা
জানতাজানতা বাপি বলিপূজাং যথা কৃতাম্ । প্রতীক্ষিষ্যাম্যহং প্রীত্যা বহ্নিহোমং তথাকৃতম্ ॥ ১২.১১॥
IAST
jānatājānatā vāpi balipūjāṃ yathā kṛtām| pratīkṣiṣyāmyahaṃ prītyā vahnihomaṃ tathākṛtam|| 12.11||
Sanskrit
शरत्काले महापूजा क्रियते या च वार्षिकी । तस्यां ममैतन्माहात्म्यं श्रुत्वा भक्तिसमन्वितः ॥ १२.१२॥
বাংলা
শরত্কালে মহাপূজা ক্রিযতে যা চ বার্ষিকী । তস্যাং মমৈতন্মাহাত্ম্যং শ্রুত্বা ভক্তিসমন্বিতঃ ॥ ১২.১২॥
IAST
śaratkāle mahāpūjā kriyate yā ca vārṣikī| tasyāṃ mamaitanmāhātmyaṃ śrutvā bhaktisamanvitaḥ|| 12.12||
Sanskrit
सर्वाबाधाविनिर्मुक्तो धनधान्यसमन्वितः । मनुष्यो मत्प्रसादेन भविष्यति न संशयः ॥ १२.१३॥
বাংলা
সর্বাবাধাবিনির্মুক্তো ধনধান্যসমন্বিতঃ । মনুষ্যো মত্প্রসাদেন ভবিষ্যতি ন সংশযঃ ॥ ১২.১৩॥
IAST
sarvābādhāvinirmukto dhanadhānyasamanvitaḥ| manuṣyo matprasādena bhaviṣyati na saṃśayaḥ|| 12.13||
Sanskrit
श्रुत्वा ममैतन्माहात्म्यं तथा चोत्पत्तयः शुभाः । पराक्रमं च युद्धेषु जायते निर्भयः पुमान् ॥ १२.१४॥
বাংলা
শ্রুত্বা মমৈতন্মাহাত্ম্যং তথা চোত্পত্তযঃ শুভাঃ । পরাক্রমং চ যুদ্ধেষু জাযতে নির্ভযঃ পুমান্ ॥ ১২.১৪॥
IAST
śrutvā mamaitanmāhātmyaṃ tathā cotpattayaḥ śubhāḥ| parākramaṃ ca yuddheṣu jāyate nirbhayaḥ pumān|| 12.14||
Sanskrit
रिपवः सङ्क्षयं यान्ति कल्याणं चोपपद्यते । नन्दते च कुलं पुंसां माहात्म्यं मम शृण्वताम् ॥ १२.१५॥
বাংলা
রিপবঃ সঙ্ক্ষযং যান্তি কল্যাণং চোপপদ্যতে । নন্দতে চ কুলং পুংসাং মাহাত্ম্যং মম শৃণ্বতাম্ ॥ ১২.১৫॥
IAST
ripavaḥ saṅkṣayaṃ yānti kalyāṇaṃ copapadyate| nandate ca kulaṃ puṃsāṃ māhātmyaṃ mama śṛṇvatām|| 12.15||
Sanskrit
शान्तिकर्मणि सर्वत्र तथा दुःस्वप्नदर्शने । ग्रहपीडासु चोग्रासु माहात्म्यं शृणुयान्मम ॥ १२.१६॥
বাংলা
শান্তিকর্মণি সর্বত্র তথা দুঃস্বপ্নদর্শনে । গ্রহপীডাসু চোগ্রাসু মাহাত্ম্যং শৃণুযান্মম ॥ ১২.১৬॥
IAST
śāntikarmaṇi sarvatra tathā duḥsvapnadarśane| grahapīḍāsu cogrāsu māhātmyaṃ śṛṇuyānmama|| 12.16||
Sanskrit
उपसर्गाः शमं यान्ति ग्रहपीडाश्च दारुणाः । दुःस्वप्नं च नृभिर्दृष्टं सुस्वप्नमुपजायते ॥ १२.१७॥
বাংলা
উপসর্গাঃ শমং যান্তি গ্রহপীডাশ্চ দারুণাঃ । দুঃস্বপ্নং চ নৃভির্দৃষ্টং সুস্বপ্নমুপজাযতে ॥ ১২.১৭॥
IAST
upasargāḥ śamaṃ yānti grahapīḍāśca dāruṇāḥ| duḥsvapnaṃ ca nṛbhirdṛṣṭaṃ susvapnamupajāyate|| 12.17||
Sanskrit
बालग्रहाभिभूतानां बालानां शान्तिकारकम् । सङ्घातभेदे च नृणां मैत्रीकरणमुत्तमम् ॥ १२.१८॥
বাংলা
বালগ্রহাভিভূতানাং বালানাং শান্তিকারকম্ । সঙ্ঘাতভেদে চ নৃণাং মৈত্রীকরণমুত্তমম্ ॥ ১২.১৮॥
IAST
bālagrahābhibhūtānāṃ bālānāṃ śāntikārakam| saṅghātabhede ca nṛṇāṃ maitrīkaraṇamuttamam|| 12.18||
Sanskrit
दुर्वृत्तानामशेषाणां बलहानिकरं परम् । रक्षोभूतपिशाचानां पठनादेव नाशनम् ॥ १२.१९॥
বাংলা
দুর্বৃত্তানামশেষাণাং বলহানিকরং পরম্ । রক্ষোভূতপিশাচানাং পঠনাদেব নাশনম্ ॥ ১২.১৯॥
IAST
durvṛttānāmaśeṣāṇāṃ balahānikaraṃ param| rakṣobhūtapiśācānāṃ paṭhanādeva nāśanam|| 12.19||
Sanskrit
सर्वं ममैतन्माहात्म्यं मम सन्निधिकारकम् । पशुपुष्पार्घ्यधूपैश्च गन्धदीपैस्तथोत्तमैः ॥ १२.२०॥
বাংলা
সর্বং মমৈতন্মাহাত্ম্যং মম সন্নিধিকারকম্ । পশুপুষ্পার্ঘ্যধূপৈশ্চ গন্ধদীপৈস্তথোত্তমৈঃ ॥ ১২.২০॥
IAST
sarvaṃ mamaitanmāhātmyaṃ mama sannidhikārakam| paśupuṣpārghyadhūpaiśca gandhadīpaistathottamaiḥ|| 12.20||
Sanskrit
विप्राणां भोजनैर्होमैः प्रोक्षणीयैरहर्निशम् । अन्यैश्च विविधैर्भोगैः प्रदानैर्वत्सरेण या ॥ १२.२१॥
বাংলা
বিপ্রাণাং ভোজনৈর্হোমৈঃ প্রোক্ষণীযৈরহর্নিশম্ । অন্যৈশ্চ বিবিধৈর্ভোগৈঃ প্রদানৈর্বত্সরেণ যা ॥ ১২.২১॥
IAST
viprāṇāṃ bhojanairhomaiḥ prokṣaṇīyairaharniśam| anyaiśca vividhairbhogaiḥ pradānairvatsareṇa yā|| 12.21||
Sanskrit
प्रीतिर्मे क्रियते सास्मिन् सकृदुच्चरिते श्रुते । श्रुतं हरति पापानि तथारोग्यं प्रयच्छति ॥ १२.२२॥
বাংলা
প্রীতির্মে ক্রিযতে সাস্মিন্ সকৃদুচ্চরিতে শ্রুতে । শ্রুতং হরতি পাপানি তথারোগ্যং প্রযচ্ছতি ॥ ১২.২২॥
IAST
prītirme kriyate sāsmin sakṛduccarite śrute| śrutaṃ harati pāpāni tathārogyaṃ prayacchati|| 12.22||
Sanskrit
रक्षां करोति भूतेभ्यो जन्मनां कीर्तनं मम । युद्धेषु चरितं यन्मे दुष्टदैत्यनिबर्हणम् ॥ १२.२३॥
বাংলা
রক্ষাং করোতি ভূতেভ্যো জন্মনাং কীর্তনং মম । যুদ্ধেষু চরিতং যন্মে দুষ্টদৈত্যনিবর্হণম্ ॥ ১২.২৩॥
IAST
rakṣāṃ karoti bhūtebhyo janmanāṃ kīrtanaṃ mama| yuddheṣu caritaṃ yanme duṣṭadaityanibarhaṇam|| 12.23||
Sanskrit
तस्मिञ्छ्रुते वैरिकृतं भयं पुंसां न जायते । युष्माभिः स्तुतयो याश्च याश्च ब्रह्मर्षिभिः कृताः ॥ १२.२४॥
বাংলা
তস্মিঞ্ছ্রুতে বৈরিকৃতং ভযং পুংসাং ন জাযতে । যুষ্মাভিঃ স্তুতযো যাশ্চ যাশ্চ ব্রহ্মর্ষিভিঃ কৃতাঃ ॥ ১২.২৪॥
IAST
tasmiñchrute vairikṛtaṃ bhayaṃ puṃsāṃ na jāyate| yuṣmābhiḥ stutayo yāśca yāśca brahmarṣibhiḥ kṛtāḥ|| 12.24||
Sanskrit
ब्रह्मणा च कृतास्तास्तु प्रयच्छन्तु शुभां मतिम् । अरण्ये प्रान्तरे वापि दावाग्निपरिवारितः ॥ १२.२५॥
বাংলা
ব্রহ্মণা চ কৃতাস্তাস্তু প্রযচ্ছন্তু শুভাং মতিম্ । অরণ্যে প্রান্তরে বাপি দাবাগ্নিপরিবারিতঃ ॥ ১২.২৫॥
IAST
brahmaṇā ca kṛtāstāstu prayacchantu śubhāṃ matim| araṇye prāntare vāpi dāvāgniparivāritaḥ|| 12.25||
Sanskrit
दस्युभिर्वा वृतः शून्ये गृहीतो वापि शत्रुभिः । सिंहव्याघ्रानुयातो वा वने वा वनहस्तिभिः ॥ १२.२६॥
বাংলা
দস্যুভির্বা বৃতঃ শূন্যে গৃহীতো বাপি শত্রুভিঃ । সিংহব্যাঘ্রানুযাতো বা বনে বা বনহস্তিভিঃ ॥ ১২.২৬॥
IAST
dasyubhirvā vṛtaḥ śūnye gṛhīto vāpi śatrubhiḥ| siṃhavyāghrānuyāto vā vane vā vanahastibhiḥ|| 12.26||
Sanskrit
राज्ञा क्रुद्धेन चाज्ञप्तो वध्यो बन्धगतोऽपि वा । आघूर्णितो वा वातेन स्थितः पोते महार्णवे ॥ १२.२७॥
বাংলা
রাজ্ঞা ক্রুদ্ধেন চাজ্ঞপ্তো বধ্যো বন্ধগতোঽপি বা । আঘূর্ণিতো বা বাতেন স্থিতঃ পোতে মহার্ণবে ॥ ১২.২৭॥
IAST
rājñā kruddhena cājñapto vadhyo bandhagato'pi vā| āghūrṇito vā vātena sthitaḥ pote mahārṇave|| 12.27||
Sanskrit
पतत्सु चापि शस्त्रेषु सङ्ग्रामे भृशदारुणे । सर्वाबाधासु घोरासु वेदनाभ्यर्दितोऽपि वा ॥ १२.२८॥
বাংলা
পতত্সু চাপি শস্ত্রেষু সঙ্গ্রামে ভৃশদারুণে । সর্বাবাধাসু ঘোরাসু বেদনাভ্যর্দিতোঽপি বা ॥ ১২.২৮॥
IAST
patatsu cāpi śastreṣu saṅgrāme bhṛśadāruṇe| sarvābādhāsu ghorāsu vedanābhyardito'pi vā|| 12.28||
Sanskrit
स्मरन् ममैतच्चरितं नरो मुच्येत सङ्कटात् । मम प्रभावात्सिंहाद्या दस्यवो वैरिणस्तथा ॥ १२.२९॥
বাংলা
স্মরন্ মমৈতচ্চরিতং নরো মুচ্যেত সঙ্কটাত্ । মম প্রভাবাত্সিংহাদ্যা দস্যবো বৈরিণস্তথা ॥ ১২.২৯॥
IAST
smaran mamaitaccaritaṃ naro mucyeta saṅkaṭāt| mama prabhāvātsiṃhādyā dasyavo vairiṇastathā|| 12.29||
Sanskrit
दूरादेव पलायन्ते स्मरतश्चरितं मम ॥ १२.३०॥
বাংলা
দূরাদেব পলাযন্তে স্মরতশ্চরিতং মম ॥ ১২.৩০॥
IAST
dūrādeva palāyante smarataścaritaṃ mama|| 12.30||
Sanskrit
ऋषिरुवाच ॥ १२.३१॥
বাংলা
ঋষিরুবাচ ॥ ১২.৩১॥
IAST
ṛṣiruvāca|| 12.31||
Sanskrit
इत्युक्त्वा सा भगवती चण्डिका चण्डविक्रमा ॥ १२.३२॥
বাংলা
ইত্যুক্ত্বা সা ভগবতী চণ্ডিকা চণ্ডবিক্রমা ॥ ১২.৩২॥
IAST
ityuktvā sā bhagavatī caṇḍikā caṇḍavikramā|| 12.32||
Sanskrit
पश्यतां सर्वदेवानां तत्रैवान्तरधीयत । तेऽपि देवा निरातङ्काः स्वाधिकारान्यथा पुरा ॥ १२.३३॥
বাংলা
পশ্যতাং সর্বদেবানাং তত্রৈবান্তরধীযত । তেঽপি দেবা নিরাতঙ্কাঃ স্বাধিকারান্যথা পুরা ॥ ১২.৩৩॥
IAST
paśyatāṃ sarvadevānāṃ tatraivāntaradhīyata| te'pi devā nirātaṅkāḥ svādhikārānyathā purā|| 12.33||
Sanskrit
यज्ञभागभुजः सर्वे चक्रुर्विनिहतारयः । दैत्याश्च देव्या निहते शुम्भे देवरिपौ युधि ॥ १२.३४॥
বাংলা
যজ্ঞভাগভুজঃ সর্বে চক্রুর্বিনিহতারযঃ । দৈত্যাশ্চ দেব্যা নিহতে শুম্ভে দেবরিপৌ যুধি ॥ ১২.৩৪॥
IAST
yajñabhāgabhujaḥ sarve cakrurvinihatārayaḥ| daityāśca devyā nihate śumbhe devaripau yudhi|| 12.34||
Sanskrit
जगद्विध्वंसके तस्मिन् महोग्रेऽतुलविक्रमे । निशुम्भे च महावीर्ये शेषाः पातालमाययुः ॥ १२.३५॥
বাংলা
জগদ্বিধ্বংসকে তস্মিন্ মহোগ্রেঽতুলবিক্রমে । নিশুম্ভে চ মহাবীর্যে শেষাঃ পাতালমাযযুঃ ॥ ১২.৩৫॥
IAST
jagadvidhvaṃsake tasmin mahogre'tulavikrame| niśumbhe ca mahāvīrye śeṣāḥ pātālamāyayuḥ|| 12.35||
Sanskrit
एवं भगवती देवी सा नित्यापि पुनः पुनः । सम्भूय कुरुते भूप जगतः परिपालनम् ॥ १२.३६॥
বাংলা
এবং ভগবতী দেবী সা নিত্যাপি পুনঃ পুনঃ । সম্ভূয কুরুতে ভূপ জগতঃ পরিপালনম্ ॥ ১২.৩৬॥
IAST
evaṃ bhagavatī devī sā nityāpi punaḥ punaḥ| sambhūya kurute bhūpa jagataḥ paripālanam|| 12.36||
Sanskrit
तयैतन्मोह्यते विश्वं सैव विश्वं प्रसूयते । सा याचिता च विज्ञानं तुष्टा ऋद्धिं प्रयच्छति ॥ १२.३७॥
বাংলা
তযৈতন্মোহ্যতে বিশ্বং সৈব বিশ্বং প্রসূযতে । সা যাচিতা চ বিজ্ঞানং তুষ্টা ঋদ্ধিং প্রযচ্ছতি ॥ ১২.৩৭॥
IAST
tayaitanmohyate viśvaṃ saiva viśvaṃ prasūyate| sā yācitā ca vijñānaṃ tuṣṭā ṛddhiṃ prayacchati|| 12.37||
Sanskrit
व्याप्तं तयैतत्सकलं ब्रह्माण्डं मनुजेश्वर । महादेव्या महाकाली महामारीस्वरूपया ॥ १२.३८॥
বাংলা
ব্যাপ্তং তযৈতত্সকলং ব্রহ্মাণ্ডং মনুজেশ্বর । মহাদেব্যা মহাকালী মহামারীস্বরূপযা ॥ ১২.৩৮॥
IAST
vyāptaṃ tayaitatsakalaṃ brahmāṇḍaṃ manujeśvara| mahādevyā mahākālī mahāmārīsvarūpayā|| 12.38||
Sanskrit
सैव काले महामारी सैव सृष्टिर्भवत्यजा । स्थितिं करोति भूतानां सैव काले सनातनी ॥ १२.३९॥
বাংলা
সৈব কালে মহামারী সৈব সৃষ্টির্ভবত্যজা । স্থিতিং করোতি ভূতানাং সৈব কালে সনাতনী ॥ ১২.৩৯॥
IAST
saiva kāle mahāmārī saiva sṛṣṭirbhavatyajā| sthitiṃ karoti bhūtānāṃ saiva kāle sanātanī|| 12.39||
Sanskrit
भवकाले नृणां सैव लक्ष्मीर्वृद्धिप्रदा गृहे । सैवाभावे तथालक्ष्मीर्विनाशायोपजायते ॥ १२.४०॥
বাংলা
ভবকালে নৃণাং সৈব লক্ষ্মীর্বৃদ্ধিপ্রদা গৃহে । সৈবাভাবে তথালক্ষ্মীর্বিনাশাযোপজাযতে ॥ ১২.৪০॥
IAST
bhavakāle nṛṇāṃ saiva lakṣmīrvṛddhipradā gṛhe| saivābhāve tathālakṣmīrvināśāyopajāyate|| 12.40||
Sanskrit
स्तुता सम्पूजिता पुष्पैर्गन्धधूपादिभिस्तथा । ददाति वित्तं पुत्रांश्च मतिं धर्मे गतिं शुभाम् ॥ १२.४१॥
বাংলা
স্তুতা সম্পূজিতা পুষ্পৈর্গন্ধধূপাদিভিস্তথা । দদাতি বিত্তং পুত্রাংশ্চ মতিং ধর্মে গতিং শুভাম্ ॥ ১২.৪১॥
IAST
stutā sampūjitā puṣpairgandhadhūpādibhistathā| dadāti vittaṃ putrāṃśca matiṃ dharme gatiṃ śubhām|| 12.41||
Sanskrit
॥ स्वस्ति श्रीमार्कण्डेयपुराणे सावर्णिके मन्वन्तरे देवीमाहात्म्ये भगवती वाक्यं द्वादशोऽध्यायः ॥ १२॥
বাংলা
॥ স্বস্তি শ্রীমার্কণ্ডেযপুরাণে সাবর্ণিকে মন্বন্তরে দেবীমাহাত্ম্যে ভগবতী বাক্যং দ্বাদশোঽধ্যাযঃ ॥ ১২॥
IAST
|| svasti śrīmārkaṇḍeyapurāṇe sāvarṇike manvantare devīmāhātmye bhagavatī vākyaṃ dvādaśo'dhyāyaḥ|| 12||
Sanskrit
उवाच २, अर्धश्लोकौ २, श्लोकाः ३७, एवमादितः ॥ ६७१॥
বাংলা
উবাচ ২, অর্ধশ্লোকৌ ২, শ্লোকাঃ ৩৭, এবমাদিতঃ ॥ ৬৭১॥
IAST
uvāca 2, ardhaślokau 2, ślokāḥ 37, evamāditaḥ|| 671||
The 22-step reading sequence
