Aparadha Kshamapana Stotra

ॐ अपराधशतं कृत्वा जगदम्बेति चोच्चरेत् । यां गतिं समवाप्नोति न तां ब्रह्मादयः सुराः ॥ १॥

ॐ অপরাধশতং কৃত্বা জগদম্বেতি চোচ্চরেত্ । যাং গতিং সমবাপ্নোতি ন তাং ব্রহ্মাদযঃ সুরাঃ ॥ ১॥

oṃ aparādhaśataṃ kṛtvā jagadambeti coccaret| yāṃ gatiṃ samavāpnoti na tāṃ brahmādayaḥ surāḥ|| 1||

सापराधोऽस्मि शरणं प्राप्तस्त्वां जगदम्बिके । इदानीमनुकम्प्योऽहं यथेच्छसि तथा कुरु ॥ २॥

সাপরাধোঽস্মি শরণং প্রাপ্তস্ত্বাং জগদম্বিকে । ইদানীমনুকম্প্যোঽহং যথেচ্ছসি তথা কুরু ॥ ২॥

sāparādho'smi śaraṇaṃ prāptastvāṃ jagadambike| idānīmanukampyo'haṃ yathecchasi tathā kuru|| 2||

अज्ञानाद्विस्मृतेर्भ्रान्त्या यन्न्यूनमधिकं कृतम् । तत्सर्वं क्षम्यतां देवि प्रसीद परमेश्वरि ॥ ३॥

অজ্ঞানাদ্বিস্মৃতের্ভ্রান্ত্যা যন্ন্যূনমধিকং কৃতম্ । তত্সর্বং ক্ষম্যতাং দেবি প্রসীদ পরমেশ্বরি ॥ ৩॥

ajñānādvismṛterbhrāntyā yannyūnamadhikaṃ kṛtam| tatsarvaṃ kṣamyatāṃ devi prasīda parameśvari|| 3||

कामेश्वरि जगन्मातः सच्चिदानन्दविग्रहे । गृहाणार्चामिमां प्रीत्या प्रसीद परमेश्वरि ॥ ४॥

কামেশ্বরি জগন্মাতঃ সচ্চিদানন্দবিগ্রহে । গৃহাণার্চামিমাং প্রীত্যা প্রসীদ পরমেশ্বরি ॥ ৪॥

kāmeśvari jaganmātaḥ saccidānandavigrahe| gṛhāṇārcāmimāṃ prītyā prasīda parameśvari|| 4||

सर्वरूपमयी देवी सर्वं देवीमयं जगत् । अतोऽहं विश्वरूपां त्वां नमामि परमेश्वरीम् ॥ ५॥

সর্বরূপমযী দেবী সর্বং দেবীমযং জগত্ । অতোঽহং বিশ্বরূপাং ত্বাং নমামি পরমেশ্বরীম্ ॥ ৫॥

sarvarūpamayī devī sarvaṃ devīmayaṃ jagat| ato'haṃ viśvarūpāṃ tvāṃ namāmi parameśvarīm|| 5||

यदक्षरं परिभ्रष्टं मात्राहीनञ्च यद्भवेत् । पूर्णं भवतु तत् सर्वं त्वत्प्रसादान्महेश्वरि ॥ ६॥

যদক্ষরং পরিভ্রষ্টং মাত্রাহীনঞ্চ যদ্ভবেত্ । পূর্ণং ভবতু তত্ সর্বং ত্বত্প্রসাদান্মহেশ্বরি ॥ ৬॥

yadakṣaraṃ paribhraṣṭaṃ mātrāhīnañca yadbhavet| pūrṇaṃ bhavatu tat sarvaṃ tvatprasādānmaheśvari|| 6||

यदत्र पाठे जगदम्बिके मया विसर्गबिन्द्वक्षरहीनमीरितम् । तदस्तु सम्पूर्णतमं प्रसादतः सङ्कल्पसिद्धिश्च सदैव जायताम् ॥ ७॥

যদত্র পাঠে জগদম্বিকে মযা বিসর্গবিন্দ্বক্ষরহীনমীরিতম্ । তদস্তু সম্পূর্ণতমং প্রসাদতঃ সঙ্কল্পসিদ্ধিশ্চ সদৈব জাযতাম্ ॥ ৭॥

yadatra pāṭhe jagadambike mayā visargabindvakṣarahīnamīritam| tadastu sampūrṇatamaṃ prasādataḥ saṅkalpasiddhiśca sadaiva jāyatām|| 7||

यन्मात्राबिन्दुबिन्दुद्वितयपदपदद्वन्द्ववर्णादिहीनं भक्त्याभक्त्यानुपूर्वं प्रसभकृतिवशात् व्यक्तमव्यक्तमम्ब । मोहादज्ञानतो वा पठितमपठितं साम्प्रतं ते स्तवेऽस्मिन् तत् सर्वं साङ्गमास्तां भगवति वरदे त्वत्प्रसादात् प्रसीद ॥ ८॥

যন্মাত্রাবিন্দুবিন্দুদ্বিতযপদপদদ্বন্দ্ববর্ণাদিহীনং ভক্ত্যাভক্ত্যানুপূর্বং প্রসভকৃতিবশাত্ ব্যক্তমব্যক্তমম্ব । মোহাদজ্ঞানতো বা পঠিতমপঠিতং সাম্প্রতং তে স্তবেঽস্মিন্ তত্ সর্বং সাঙ্গমাস্তাং ভগবতি বরদে ত্বত্প্রসাদাত্ প্রসীদ ॥ ৮॥

yanmātrābindubindudvitayapadapadadvandvavarṇādihīnaṃ bhaktyābhaktyānupūrvaṃ prasabhakṛtivaśāt vyaktamavyaktamamba| mohādajñānato vā paṭhitamapaṭhitaṃ sāmprataṃ te stave'smin tat sarvaṃ sāṅgamāstāṃ bhagavati varade tvatprasādāt prasīda|| 8||

प्रसीद भगवत्यम्ब प्रसीद भक्तवत्सले । प्रसादं कुरु मे देवि दुर्गे देवि नमोऽस्तु ते ॥ ९॥

প্রসীদ ভগবত্যম্ব প্রসীদ ভক্তবত্সলে । প্রসাদং কুরু মে দেবি দুর্গে দেবি নমোঽস্তু তে ॥ ৯॥

prasīda bhagavatyamba prasīda bhaktavatsale| prasādaṃ kuru me devi durge devi namo'stu te|| 9||

॥ इति अपराधक्षमापणस्तोत्रं समाप्तम् ॥

॥ ইতি অপরাধক্ষমাপণস্তোত্রং সমাপ্তম্ ॥

|| iti aparādhakṣamāpaṇastotraṃ samāptam||