Reading script
58 text units · Original verse markers remain within the text.
॥ नारायणीस्तुतिर्नामैकादशोऽध्यायः ॥ । ध्यानम् । ॐ बालरविद्युतिमिन्दुकिरीटां तुङ्गकुचां नयनत्रययुक्ताम् । स्मेरमुखीं वरदाङ्कुशपाशाभीतिकरां प्रभजे भुवनेशीम् ॥|| nārāyaṇīstutirnāmaikādaśo'dhyāyaḥ||| dhyānam| oṃ bālaravidyutimindukirīṭāṃ tuṅgakucāṃ nayanatrayayuktām| smeramukhīṃ varadāṅkuśapāśābhītikarāṃ prabhaje bhuvaneśīm||
Sanskrit
ॐ ऋषिरुवाच ॥ ११.१॥
বাংলা
ॐ ঋষিরুবাচ ॥ ১১.১॥
IAST
oṃ ṛṣiruvāca|| 11.1||
Sanskrit
देव्या हते तत्र महासुरेन्द्रे सेन्द्राः सुरा वह्निपुरोगमास्ताम् । कात्यायनीं तुष्टुवुरिष्टलाभाद् विकाशिवक्त्राब्जविकाशिताशाः ॥ ११.२॥
বাংলা
দেব্যা হতে তত্র মহাসুরেন্দ্রে সেন্দ্রাঃ সুরা বহ্নিপুরোগমাস্তাম্ । কাত্যাযনীং তুষ্টুবুরিষ্টলাভাদ্ বিকাশিবক্ত্রাব্জবিকাশিতাশাঃ ॥ ১১.২॥
IAST
devyā hate tatra mahāsurendre sendrāḥ surā vahnipurogamāstām| kātyāyanīṃ tuṣṭuvuriṣṭalābhād vikāśivaktrābjavikāśitāśāḥ|| 11.2||
Sanskrit
देवि प्रपन्नार्तिहरे प्रसीद प्रसीद मातर्जगतोऽखिलस्य । प्रसीद विश्वेश्वरि पाहि विश्वं त्वमीश्वरी देवि चराचरस्य ॥ ११.३॥
বাংলা
দেবি প্রপন্নার্তিহরে প্রসীদ প্রসীদ মাতর্জগতোঽখিলস্য । প্রসীদ বিশ্বেশ্বরি পাহি বিশ্বং ত্বমীশ্বরী দেবি চরাচরস্য ॥ ১১.৩॥
IAST
devi prapannārtihare prasīda prasīda mātarjagato'khilasya| prasīda viśveśvari pāhi viśvaṃ tvamīśvarī devi carācarasya|| 11.3||
Sanskrit
आधारभूता जगतस्त्वमेका महीस्वरूपेण यतः स्थितासि । अपां स्वरूपस्थितया त्वयैत- दाप्यायते कृत्स्नमलङ्घ्यवीर्ये ॥ ११.४॥
বাংলা
আধারভূতা জগতস্ত্বমেকা মহীস্বরূপেণ যতঃ স্থিতাসি । অপাং স্বরূপস্থিতযা ত্বযৈত- দাপ্যাযতে কৃত্স্নমলঙ্ঘ্যবীর্যে ॥ ১১.৪॥
IAST
ādhārabhūtā jagatastvamekā mahīsvarūpeṇa yataḥ sthitāsi| apāṃ svarūpasthitayā tvayaita- dāpyāyate kṛtsnamalaṅghyavīrye|| 11.4||
Sanskrit
त्वं वैष्णवीशक्तिरनन्तवीर्या विश्वस्य बीजं परमासि माया । सम्मोहितं देवि समस्तमेतत् त्वं वै प्रसन्ना भुवि मुक्तिहेतुः ॥ ११.५॥
বাংলা
ত্বং বৈষ্ণবীশক্তিরনন্তবীর্যা বিশ্বস্য বীজং পরমাসি মাযা । সম্মোহিতং দেবি সমস্তমেতত্ ত্বং বৈ প্রসন্না ভুবি মুক্তিহেতুঃ ॥ ১১.৫॥
IAST
tvaṃ vaiṣṇavīśaktiranantavīryā viśvasya bījaṃ paramāsi māyā| sammohitaṃ devi samastametat tvaṃ vai prasannā bhuvi muktihetuḥ|| 11.5||
Sanskrit
विद्याः समस्तास्तव देवि भेदाः स्त्रियः समस्ताः सकला जगत्सु । त्वयैकया पूरितमम्बयैतत् का ते स्तुतिः स्तव्यपरापरोक्तिः ॥ ११.६॥
বাংলা
বিদ্যাঃ সমস্তাস্তব দেবি ভেদাঃ স্ত্রিযঃ সমস্তাঃ সকলা জগত্সু । ত্বযৈকযা পূরিতমম্বযৈতত্ কা তে স্তুতিঃ স্তব্যপরাপরোক্তিঃ ॥ ১১.৬॥
IAST
vidyāḥ samastāstava devi bhedāḥ striyaḥ samastāḥ sakalā jagatsu| tvayaikayā pūritamambayaitat kā te stutiḥ stavyaparāparoktiḥ|| 11.6||
Sanskrit
सर्वभूता यदा देवी भुक्तिमुक्तिप्रदायिनी । त्वं स्तुता स्तुतये का वा भवन्तु परमोक्तयः ॥ ११.७॥
বাংলা
সর্বভূতা যদা দেবী ভুক্তিমুক্তিপ্রদাযিনী । ত্বং স্তুতা স্তুতযে কা বা ভবন্তু পরমোক্তযঃ ॥ ১১.৭॥
IAST
sarvabhūtā yadā devī bhuktimuktipradāyinī| tvaṃ stutā stutaye kā vā bhavantu paramoktayaḥ|| 11.7||
Sanskrit
सर्वस्य बुद्धिरूपेण जनस्य हृदि संस्थिते । स्वर्गापवर्गदे देवि नारायणि नमोऽस्तु ते ॥ ११.८॥
বাংলা
সর্বস্য বুদ্ধিরূপেণ জনস্য হৃদি সংস্থিতে । স্বর্গাপবর্গদে দেবি নারাযণি নমোঽস্তু তে ॥ ১১.৮॥
IAST
sarvasya buddhirūpeṇa janasya hṛdi saṃsthite| svargāpavargade devi nārāyaṇi namo'stu te|| 11.8||
Sanskrit
कलाकाष्ठादिरूपेण परिणामप्रदायिनि । विश्वस्योपरतौ शक्ते नारायणि नमोऽस्तु ते ॥ ११.९॥
বাংলা
কলাকাষ্ঠাদিরূপেণ পরিণামপ্রদাযিনি । বিশ্বস্যোপরতৌ শক্তে নারাযণি নমোঽস্তু তে ॥ ১১.৯॥
IAST
kalākāṣṭhādirūpeṇa pariṇāmapradāyini| viśvasyoparatau śakte nārāyaṇi namo'stu te|| 11.9||
Sanskrit
सर्वमङ्गलमाङ्गल्ये शिवे सर्वार्थसाधिके । शरण्ये त्र्यम्बके गौरि नारायणि नमोऽस्तु ते ॥ ११.१०॥
বাংলা
সর্বমঙ্গলমাঙ্গল্যে শিবে সর্বার্থসাধিকে । শরণ্যে ত্র্যম্বকে গৌরি নারাযণি নমোঽস্তু তে ॥ ১১.১০॥
IAST
sarvamaṅgalamāṅgalye śive sarvārthasādhike| śaraṇye tryambake gauri nārāyaṇi namo'stu te|| 11.10||
Sanskrit
सृष्टिस्थितिविनाशानां शक्तिभूते सनातनि । गुणाश्रये गुणमये नारायणि नमोऽस्तु ते ॥ ११.११॥
বাংলা
সৃষ্টিস্থিতিবিনাশানাং শক্তিভূতে সনাতনি । গুণাশ্রযে গুণমযে নারাযণি নমোঽস্তু তে ॥ ১১.১১॥
IAST
sṛṣṭisthitivināśānāṃ śaktibhūte sanātani| guṇāśraye guṇamaye nārāyaṇi namo'stu te|| 11.11||
Sanskrit
शरणागतदीनार्तपरित्राणपरायणे । सर्वस्यार्तिहरे देवि नारायणि नमोऽस्तु ते ॥ ११.१२॥
বাংলা
শরণাগতদীনার্তপরিত্রাণপরাযণে । সর্বস্যার্তিহরে দেবি নারাযণি নমোঽস্তু তে ॥ ১১.১২॥
IAST
śaraṇāgatadīnārtaparitrāṇaparāyaṇe| sarvasyārtihare devi nārāyaṇi namo'stu te|| 11.12||
Sanskrit
हंसयुक्तविमानस्थे ब्रह्माणीरूपधारिणि । कौशाम्भःक्षरिके देवि नारायणि नमोऽस्तु ते ॥ ११.१३॥
বাংলা
হংসযুক্তবিমানস্থে ব্রহ্মাণীরূপধারিণি । কৌশাম্ভঃক্ষরিকে দেবি নারাযণি নমোঽস্তু তে ॥ ১১.১৩॥
IAST
haṃsayuktavimānasthe brahmāṇīrūpadhāriṇi| kauśāmbhaḥkṣarike devi nārāyaṇi namo'stu te|| 11.13||
Sanskrit
त्रिशूलचन्द्राहिधरे महावृषभवाहिनि । माहेश्वरीस्वरूपेण नारायणि नमोऽस्तुते ॥ ११.१४॥
বাংলা
ত্রিশূলচন্দ্রাহিধরে মহাবৃষভবাহিনি । মাহেশ্বরীস্বরূপেণ নারাযণি নমোঽস্তুতে ॥ ১১.১৪॥
IAST
triśūlacandrāhidhare mahāvṛṣabhavāhini| māheśvarīsvarūpeṇa nārāyaṇi namo'stute|| 11.14||
Sanskrit
मयूरकुक्कुटवृते महाशक्तिधरेऽनघे । कौमारीरूपसंस्थाने नारायणि नमोऽस्तु ते ॥ ११.१५॥
বাংলা
মযূরকুক্কুটবৃতে মহাশক্তিধরেঽনঘে । কৌমারীরূপসংস্থানে নারাযণি নমোঽস্তু তে ॥ ১১.১৫॥
IAST
mayūrakukkuṭavṛte mahāśaktidhare'naghe| kaumārīrūpasaṃsthāne nārāyaṇi namo'stu te|| 11.15||
Sanskrit
शङ्खचक्रगदाशार्ङ्गगृहीतपरमायुधे । प्रसीद वैष्णवीरूपे नारायणि नमोऽस्तु ते ॥ ११.१६॥
বাংলা
শঙ্খচক্রগদাশার্ঙ্গগৃহীতপরমাযুধে । প্রসীদ বৈষ্ণবীরূপে নারাযণি নমোঽস্তু তে ॥ ১১.১৬॥
IAST
śaṅkhacakragadāśārṅgagṛhītaparamāyudhe| prasīda vaiṣṇavīrūpe nārāyaṇi namo'stu te|| 11.16||
Sanskrit
गृहीतोग्रमहाचक्रे दंष्ट्रोद्धृतवसुन्धरे । वराहरूपिणि शिवे नारायणि नमोऽस्तु ते ॥ ११.१७॥
বাংলা
গৃহীতোগ্রমহাচক্রে দংষ্ট্রোদ্ধৃতবসুন্ধরে । বরাহরূপিণি শিবে নারাযণি নমোঽস্তু তে ॥ ১১.১৭॥
IAST
gṛhītogramahācakre daṃṣṭroddhṛtavasundhare| varāharūpiṇi śive nārāyaṇi namo'stu te|| 11.17||
Sanskrit
नृसिंहरूपेणोग्रेण हन्तुं दैत्यान् कृतोद्यमे । त्रैलोक्यत्राणसहिते नारायणि नमोऽस्तु ते ॥ ११.१८॥
বাংলা
নৃসিংহরূপেণোগ্রেণ হন্তুং দৈত্যান্ কৃতোদ্যমে । ত্রৈলোক্যত্রাণসহিতে নারাযণি নমোঽস্তু তে ॥ ১১.১৮॥
IAST
nṛsiṃharūpeṇogreṇa hantuṃ daityān kṛtodyame| trailokyatrāṇasahite nārāyaṇi namo'stu te|| 11.18||
Sanskrit
किरीटिनि महावज्रे सहस्रनयनोज्ज्वले । वृत्रप्राणहरे चैन्द्रि नारायणि नमोऽस्तु ते ॥ ११.१९॥
বাংলা
কিরীটিনি মহাবজ্রে সহস্রনযনোজ্জ্বলে । বৃত্রপ্রাণহরে চৈন্দ্রি নারাযণি নমোঽস্তু তে ॥ ১১.১৯॥
IAST
kirīṭini mahāvajre sahasranayanojjvale| vṛtraprāṇahare caindri nārāyaṇi namo'stu te|| 11.19||
Sanskrit
शिवदूतीस्वरूपेण हतदैत्यमहाबले । घोररूपे महारावे नारायणि नमोऽस्तु ते ॥ ११.२०॥
বাংলা
শিবদূতীস্বরূপেণ হতদৈত্যমহাবলে । ঘোররূপে মহারাবে নারাযণি নমোঽস্তু তে ॥ ১১.২০॥
IAST
śivadūtīsvarūpeṇa hatadaityamahābale| ghorarūpe mahārāve nārāyaṇi namo'stu te|| 11.20||
Sanskrit
दंष्ट्राकरालवदने शिरोमालाविभूषणे । चामुण्डे मुण्डमथने नारायणि नमोऽस्तु ते ॥ ११.२१॥
বাংলা
দংষ্ট্রাকরালবদনে শিরোমালাবিভূষণে । চামুণ্ডে মুণ্ডমথনে নারাযণি নমোঽস্তু তে ॥ ১১.২১॥
IAST
daṃṣṭrākarālavadane śiromālāvibhūṣaṇe| cāmuṇḍe muṇḍamathane nārāyaṇi namo'stu te|| 11.21||
Sanskrit
लक्ष्मि लज्जे महाविद्ये श्रद्धे पुष्टि स्वधे ध्रुवे । महारात्रि महामाये नारायणि नमोऽस्तु ते ॥ ११.२२॥
বাংলা
লক্ষ্মি লজ্জে মহাবিদ্যে শ্রদ্ধে পুষ্টি স্বধে ধ্রুবে । মহারাত্রি মহামাযে নারাযণি নমোঽস্তু তে ॥ ১১.২২॥
IAST
lakṣmi lajje mahāvidye śraddhe puṣṭi svadhe dhruve| mahārātri mahāmāye nārāyaṇi namo'stu te|| 11.22||
Sanskrit
मेधे सरस्वति वरे भूति बाभ्रवि तामसि । नियते त्वं प्रसीदेशे नारायणि नमोऽस्तुते ॥ ११.२३॥
বাংলা
মেধে সরস্বতি বরে ভূতি বাভ্রবি তামসি । নিযতে ত্বং প্রসীদেশে নারাযণি নমোঽস্তুতে ॥ ১১.২৩॥
IAST
medhe sarasvati vare bhūti bābhravi tāmasi| niyate tvaṃ prasīdeśe nārāyaṇi namo'stute|| 11.23||
Sanskrit
सर्वस्वरूपे सर्वेशे सर्वशक्तिसमन्विते । भयेभ्यस्त्राहि नो देवि दुर्गे देवि नमोऽस्तु ते ॥ ११.२४॥
বাংলা
সর্বস্বরূপে সর্বেশে সর্বশক্তিসমন্বিতে । ভযেভ্যস্ত্রাহি নো দেবি দুর্গে দেবি নমোঽস্তু তে ॥ ১১.২৪॥
IAST
sarvasvarūpe sarveśe sarvaśaktisamanvite| bhayebhyastrāhi no devi durge devi namo'stu te|| 11.24||
Sanskrit
एतत्ते वदनं सौम्यं लोचनत्रयभूषितम् । पातु नः सर्वभूतेभ्यः कात्यायनि नमोऽस्तु ते ॥ ११.२५॥
বাংলা
এতত্তে বদনং সৌম্যং লোচনত্রযভূষিতম্ । পাতু নঃ সর্বভূতেভ্যঃ কাত্যাযনি নমোঽস্তু তে ॥ ১১.২৫॥
IAST
etatte vadanaṃ saumyaṃ locanatrayabhūṣitam| pātu naḥ sarvabhūtebhyaḥ kātyāyani namo'stu te|| 11.25||
Sanskrit
ज्वालाकरालमत्युग्रमशेषासुरसूदनम् । त्रिशूलं पातु नो भीतेर्भद्रकालि नमोऽस्तु ते ॥ ११.२६॥
বাংলা
জ্বালাকরালমত্যুগ্রমশেষাসুরসূদনম্ । ত্রিশূলং পাতু নো ভীতের্ভদ্রকালি নমোঽস্তু তে ॥ ১১.২৬॥
IAST
jvālākarālamatyugramaśeṣāsurasūdanam| triśūlaṃ pātu no bhīterbhadrakāli namo'stu te|| 11.26||
Sanskrit
हिनस्ति दैत्यतेजांसि स्वनेनापूर्य या जगत् । सा घण्टा पातु नो देवि पापेभ्यो नः सुतानिव ॥ ११.२७॥
বাংলা
হিনস্তি দৈত্যতেজাংসি স্বনেনাপূর্য যা জগত্ । সা ঘণ্টা পাতু নো দেবি পাপেভ্যো নঃ সুতানিব ॥ ১১.২৭॥
IAST
hinasti daityatejāṃsi svanenāpūrya yā jagat| sā ghaṇṭā pātu no devi pāpebhyo naḥ sutāniva|| 11.27||
Sanskrit
असुरासृग्वसापङ्कचर्चितस्ते करोज्ज्वलः । शुभाय खड्गो भवतु चण्डिके त्वां नता वयम् ॥ ११.२८॥
বাংলা
অসুরাসৃগ্বসাপঙ্কচর্চিতস্তে করোজ্জ্বলঃ । শুভায খড্গো ভবতু চণ্ডিকে ত্বাং নতা বযম্ ॥ ১১.২৮॥
IAST
asurāsṛgvasāpaṅkacarcitaste karojjvalaḥ| śubhāya khaḍgo bhavatu caṇḍike tvāṃ natā vayam|| 11.28||
Sanskrit
रोगानशेषानपहंसि तुष्टा रुष्टा तु कामान् सकलानभीष्टान् । त्वामाश्रितानां न विपन्नराणां त्वामाश्रिता ह्याश्रयतां प्रयान्ति ॥ ११.२९॥
বাংলা
রোগানশেষানপহংসি তুষ্টা রুষ্টা তু কামান্ সকলানভীষ্টান্ । ত্বামাশ্রিতানাং ন বিপন্নরাণাং ত্বামাশ্রিতা হ্যাশ্রযতাং প্রযান্তি ॥ ১১.২৯॥
IAST
rogānaśeṣānapahaṃsi tuṣṭā ruṣṭā tu kāmān sakalānabhīṣṭān| tvāmāśritānāṃ na vipannarāṇāṃ tvāmāśritā hyāśrayatāṃ prayānti|| 11.29||
Sanskrit
एतत्कृतं यत्कदनं त्वयाद्य धर्मद्विषां देवि महासुराणाम् । रूपैरनेकैर्बहुधात्ममूर्तिं कृत्वाम्बिके तत्प्रकरोति कान्या ॥ ११.३०॥
বাংলা
এতত্কৃতং যত্কদনং ত্বযাদ্য ধর্মদ্বিষাং দেবি মহাসুরাণাম্ । রূপৈরনেকৈর্বহুধাত্মমূর্তিং কৃত্বাম্বিকে তত্প্রকরোতি কান্যা ॥ ১১.৩০॥
IAST
etatkṛtaṃ yatkadanaṃ tvayādya dharmadviṣāṃ devi mahāsurāṇām| rūpairanekairbahudhātmamūrtiṃ kṛtvāmbike tatprakaroti kānyā|| 11.30||
Sanskrit
विद्यासु शास्त्रेषु विवेकदीपे- ष्वाद्येषु वाक्येषु च का त्वदन्या । ममत्वगर्तेऽतिमहान्धकारे विभ्रामयत्येतदतीव विश्वम् ॥ ११.३१॥
বাংলা
বিদ্যাসু শাস্ত্রেষু বিবেকদীপে- ষ্বাদ্যেষু বাক্যেষু চ কা ত্বদন্যা । মমত্বগর্তেঽতিমহান্ধকারে বিভ্রামযত্যেতদতীব বিশ্বম্ ॥ ১১.৩১॥
IAST
vidyāsu śāstreṣu vivekadīpe- ṣvādyeṣu vākyeṣu ca kā tvadanyā| mamatvagarte'timahāndhakāre vibhrāmayatyetadatīva viśvam|| 11.31||
Sanskrit
रक्षांसि यत्रोग्रविषाश्च नागा यत्रारयो दस्युबलानि यत्र । दावानलो यत्र तथाब्धिमध्ये तत्र स्थिता त्वं परिपासि विश्वम् ॥ ११.३२॥
বাংলা
রক্ষাংসি যত্রোগ্রবিষাশ্চ নাগা যত্রারযো দস্যুবলানি যত্র । দাবানলো যত্র তথাব্ধিমধ্যে তত্র স্থিতা ত্বং পরিপাসি বিশ্বম্ ॥ ১১.৩২॥
IAST
rakṣāṃsi yatrograviṣāśca nāgā yatrārayo dasyubalāni yatra| dāvānalo yatra tathābdhimadhye tatra sthitā tvaṃ paripāsi viśvam|| 11.32||
Sanskrit
विश्वेश्वरि त्वं परिपासि विश्वं विश्वात्मिका धारयसीह विश्वम् । विश्वेशवन्द्या भवती भवन्ति विश्वाश्रया ये त्वयि भक्तिनम्राः ॥ ११.३३॥
বাংলা
বিশ্বেশ্বরি ত্বং পরিপাসি বিশ্বং বিশ্বাত্মিকা ধারযসীহ বিশ্বম্ । বিশ্বেশবন্দ্যা ভবতী ভবন্তি বিশ্বাশ্রযা যে ত্বযি ভক্তিনম্রাঃ ॥ ১১.৩৩॥
IAST
viśveśvari tvaṃ paripāsi viśvaṃ viśvātmikā dhārayasīha viśvam| viśveśavandyā bhavatī bhavanti viśvāśrayā ye tvayi bhaktinamrāḥ|| 11.33||
Sanskrit
देवि प्रसीद परिपालय नोऽरिभीते- र्नित्यं यथासुरवधादधुनैव सद्यः । पापानि सर्वजगतां प्रशमं नयाशु उत्पातपाकजनितांश्च महोपसर्गान् ॥ ११.३४॥
বাংলা
দেবি প্রসীদ পরিপালয নোঽরিভীতে- র্নিত্যং যথাসুরবধাদধুনৈব সদ্যঃ । পাপানি সর্বজগতাং প্রশমং নযাশু উত্পাতপাকজনিতাংশ্চ মহোপসর্গান্ ॥ ১১.৩৪॥
IAST
devi prasīda paripālaya no'ribhīte- rnityaṃ yathāsuravadhādadhunaiva sadyaḥ| pāpāni sarvajagatāṃ praśamaṃ nayāśu utpātapākajanitāṃśca mahopasargān|| 11.34||
Sanskrit
प्रणतानां प्रसीद त्वं देवि विश्वार्तिहारिणि । त्रैलोक्यवासिनामीड्ये लोकानां वरदा भव ॥ ११.३५॥
বাংলা
প্রণতানাং প্রসীদ ত্বং দেবি বিশ্বার্তিহারিণি । ত্রৈলোক্যবাসিনামীড্যে লোকানাং বরদা ভব ॥ ১১.৩৫॥
IAST
praṇatānāṃ prasīda tvaṃ devi viśvārtihāriṇi| trailokyavāsināmīḍye lokānāṃ varadā bhava|| 11.35||
Sanskrit
देव्युवाच ॥ ११.३६॥
বাংলা
দেব্যুবাচ ॥ ১১.৩৬॥
IAST
devyuvāca|| 11.36||
Sanskrit
वरदाहं सुरगणा वरं यन्मनसेच्छथ । तं वृणुध्वं प्रयच्छामि जगतामुपकारकम् ॥ ११.३७॥
বাংলা
বরদাহং সুরগণা বরং যন্মনসেচ্ছথ । তং বৃণুধ্বং প্রযচ্ছামি জগতামুপকারকম্ ॥ ১১.৩৭॥
IAST
varadāhaṃ suragaṇā varaṃ yanmanasecchatha| taṃ vṛṇudhvaṃ prayacchāmi jagatāmupakārakam|| 11.37||
Sanskrit
देवा ऊचुः ॥ ११.३८॥
বাংলা
দেবা ঊচুঃ ॥ ১১.৩৮॥
IAST
devā ūcuḥ|| 11.38||
Sanskrit
सर्वाबाधाप्रशमनं त्रैलोक्यस्याखिलेश्वरि । एवमेव त्वया कार्यमस्मद्वैरिविनाशनम् ॥ ११.३९॥
বাংলা
সর্বাবাধাপ্রশমনং ত্রৈলোক্যস্যাখিলেশ্বরি । এবমেব ত্বযা কার্যমস্মদ্বৈরিবিনাশনম্ ॥ ১১.৩৯॥
IAST
sarvābādhāpraśamanaṃ trailokyasyākhileśvari| evameva tvayā kāryamasmadvairivināśanam|| 11.39||
Sanskrit
देव्युवाच ॥ ११.४०॥
বাংলা
দেব্যুবাচ ॥ ১১.৪০॥
IAST
devyuvāca|| 11.40||
Sanskrit
वैवस्वतेऽन्तरे प्राप्ते अष्टाविंशतिमे युगे । शुम्भो निशुम्भश्चैवान्यावुत्पत्स्येते महासुरौ ॥ ११.४१॥
বাংলা
বৈবস্বতেঽন্তরে প্রাপ্তে অষ্টাবিংশতিমে যুগে । শুম্ভো নিশুম্ভশ্চৈবান্যাবুত্পত্স্যেতে মহাসুরৌ ॥ ১১.৪১॥
IAST
vaivasvate'ntare prāpte aṣṭāviṃśatime yuge| śumbho niśumbhaścaivānyāvutpatsyete mahāsurau|| 11.41||
Sanskrit
नन्दगोपगृहे जाता यशोदागर्भसम्भवा । ततस्तौ नाशयिष्यामि विन्ध्याचलनिवासिनी ॥ ११.४२॥
বাংলা
নন্দগোপগৃহে জাতা যশোদাগর্ভসম্ভবা । ততস্তৌ নাশযিষ্যামি বিন্ধ্যাচলনিবাসিনী ॥ ১১.৪২॥
IAST
nandagopagṛhe jātā yaśodāgarbhasambhavā| tatastau nāśayiṣyāmi vindhyācalanivāsinī|| 11.42||
Sanskrit
पुनरप्यतिरौद्रेण रूपेण पृथिवीतले । अवतीर्य हनिष्यामि वैप्रचित्तांश्च दानवान् ॥ ११.४३॥
বাংলা
পুনরপ্যতিরৌদ্রেণ রূপেণ পৃথিবীতলে । অবতীর্য হনিষ্যামি বৈপ্রচিত্তাংশ্চ দানবান্ ॥ ১১.৪৩॥
IAST
punarapyatiraudreṇa rūpeṇa pṛthivītale| avatīrya haniṣyāmi vaipracittāṃśca dānavān|| 11.43||
Sanskrit
भक्षयन्त्याश्च तानुग्रान् वैप्रचित्तान् महासुरान् । रक्ता दन्ता भविष्यन्ति दाडिमीकुसुमोपमाः ॥ ११.४४॥
বাংলা
ভক্ষযন্ত্যাশ্চ তানুগ্রান্ বৈপ্রচিত্তান্ মহাসুরান্ । রক্তা দন্তা ভবিষ্যন্তি দাডিমীকুসুমোপমাঃ ॥ ১১.৪৪॥
IAST
bhakṣayantyāśca tānugrān vaipracittān mahāsurān| raktā dantā bhaviṣyanti dāḍimīkusumopamāḥ|| 11.44||
Sanskrit
ततो मां देवताः स्वर्गे मर्त्यलोके च मानवाः । स्तुवन्तो व्याहरिष्यन्ति सततं रक्तदन्तिकाम् ॥ ११.४५॥
বাংলা
ততো মাং দেবতাঃ স্বর্গে মর্ত্যলোকে চ মানবাঃ । স্তুবন্তো ব্যাহরিষ্যন্তি সততং রক্তদন্তিকাম্ ॥ ১১.৪৫॥
IAST
tato māṃ devatāḥ svarge martyaloke ca mānavāḥ| stuvanto vyāhariṣyanti satataṃ raktadantikām|| 11.45||
Sanskrit
भूयश्च शतवार्षिक्यामनावृष्ट्यामनम्भसि । मुनिभिः संस्मृता भूमौ सम्भविष्याम्ययोनिजा ॥ ११.४६॥
বাংলা
ভূযশ্চ শতবার্ষিক্যামনাবৃষ্ট্যামনম্ভসি । মুনিভিঃ সংস্মৃতা ভূমৌ সম্ভবিষ্যাম্যযোনিজা ॥ ১১.৪৬॥
IAST
bhūyaśca śatavārṣikyāmanāvṛṣṭyāmanambhasi| munibhiḥ saṃsmṛtā bhūmau sambhaviṣyāmyayonijā|| 11.46||
Sanskrit
ततः शतेन नेत्राणां निरीक्षिष्याम्यहं मुनीन् । कीर्तयिष्यन्ति मनुजाः शताक्षीमिति मां ततः ॥ ११.४७॥
বাংলা
ততঃ শতেন নেত্রাণাং নিরীক্ষিষ্যাম্যহং মুনীন্ । কীর্তযিষ্যন্তি মনুজাঃ শতাক্ষীমিতি মাং ততঃ ॥ ১১.৪৭॥
IAST
tataḥ śatena netrāṇāṃ nirīkṣiṣyāmyahaṃ munīn| kīrtayiṣyanti manujāḥ śatākṣīmiti māṃ tataḥ|| 11.47||
Sanskrit
ततोऽहमखिलं लोकमात्मदेहसमुद्भवैः । भरिष्यामि सुराः शाकैरावृष्टेः प्राणधारकैः ॥ ११.४८॥
বাংলা
ততোঽহমখিলং লোকমাত্মদেহসমুদ্ভবৈঃ । ভরিষ্যামি সুরাঃ শাকৈরাবৃষ্টেঃ প্রাণধারকৈঃ ॥ ১১.৪৮॥
IAST
tato'hamakhilaṃ lokamātmadehasamudbhavaiḥ| bhariṣyāmi surāḥ śākairāvṛṣṭeḥ prāṇadhārakaiḥ|| 11.48||
Sanskrit
शाकम्भरीति विख्यातिं तदा यास्याम्यहं भुवि । तत्रैव च वधिष्यामि दुर्गमाख्यं महासुरम् ॥ ११.४९॥
বাংলা
শাকম্ভরীতি বিখ্যাতিং তদা যাস্যাম্যহং ভুবি । তত্রৈব চ বধিষ্যামি দুর্গমাখ্যং মহাসুরম্ ॥ ১১.৪৯॥
IAST
śākambharīti vikhyātiṃ tadā yāsyāmyahaṃ bhuvi| tatraiva ca vadhiṣyāmi durgamākhyaṃ mahāsuram|| 11.49||
Sanskrit
दुर्गादेवीति विख्यातं तन्मे नाम भविष्यति । पुनश्चाहं यदा भीमं रूपं कृत्वा हिमाचले ॥ ११.५०॥
বাংলা
দুর্গাদেবীতি বিখ্যাতং তন্মে নাম ভবিষ্যতি । পুনশ্চাহং যদা ভীমং রূপং কৃত্বা হিমাচলে ॥ ১১.৫০॥
IAST
durgādevīti vikhyātaṃ tanme nāma bhaviṣyati| punaścāhaṃ yadā bhīmaṃ rūpaṃ kṛtvā himācale|| 11.50||
Sanskrit
रक्षांसि भक्षयिष्यामि मुनीनां त्राणकारणात् । तदा मां मुनयः सर्वे स्तोष्यन्त्यानम्रमूर्तयः ॥ ११.५१॥
বাংলা
রক্ষাংসি ভক্ষযিষ্যামি মুনীনাং ত্রাণকারণাত্ । তদা মাং মুনযঃ সর্বে স্তোষ্যন্ত্যানম্রমূর্তযঃ ॥ ১১.৫১॥
IAST
rakṣāṃsi bhakṣayiṣyāmi munīnāṃ trāṇakāraṇāt| tadā māṃ munayaḥ sarve stoṣyantyānamramūrtayaḥ|| 11.51||
Sanskrit
भीमादेवीति विख्यातं तन्मे नाम भविष्यति । यदारुणाख्यस्त्रैलोक्ये महाबाधां करिष्यति ॥ ११.५२॥
বাংলা
ভীমাদেবীতি বিখ্যাতং তন্মে নাম ভবিষ্যতি । যদারুণাখ্যস্ত্রৈলোক্যে মহাবাধাং করিষ্যতি ॥ ১১.৫২॥
IAST
bhīmādevīti vikhyātaṃ tanme nāma bhaviṣyati| yadāruṇākhyastrailokye mahābādhāṃ kariṣyati|| 11.52||
Sanskrit
तदाहं भ्रामरं रूपं कृत्वासङ्ख्येयषट्पदम् । त्रैलोक्यस्य हितार्थाय वधिष्यामि महासुरम् ॥ ११.५३॥
বাংলা
তদাহং ভ্রামরং রূপং কৃত্বাসঙ্খ্যেযষট্পদম্ । ত্রৈলোক্যস্য হিতার্থায বধিষ্যামি মহাসুরম্ ॥ ১১.৫৩॥
IAST
tadāhaṃ bhrāmaraṃ rūpaṃ kṛtvāsaṅkhyeyaṣaṭpadam| trailokyasya hitārthāya vadhiṣyāmi mahāsuram|| 11.53||
Sanskrit
भ्रामरीति च मां लोकास्तदा स्तोष्यन्ति सर्वतः । इत्थं यदा यदा बाधा दानवोत्था भविष्यति ॥ ११.५४॥
বাংলা
ভ্রামরীতি চ মাং লোকাস্তদা স্তোষ্যন্তি সর্বতঃ । ইত্থং যদা যদা বাধা দানবোত্থা ভবিষ্যতি ॥ ১১.৫৪॥
IAST
bhrāmarīti ca māṃ lokāstadā stoṣyanti sarvataḥ| itthaṃ yadā yadā bādhā dānavotthā bhaviṣyati|| 11.54||
Sanskrit
तदा तदावतीर्याहं करिष्याम्यरिसङ्क्षयम् ॥ ११.५५॥
বাংলা
তদা তদাবতীর্যাহং করিষ্যাম্যরিসঙ্ক্ষযম্ ॥ ১১.৫৫॥
IAST
tadā tadāvatīryāhaṃ kariṣyāmyarisaṅkṣayam|| 11.55||
Sanskrit
॥ स्वस्ति श्रीमार्कण्डेयपुराणे सावर्णिके मन्वन्तरे देवीमाहात्म्ये नारायणीस्तुतिर्नामैकादशोऽध्यायः ॥ ११॥
বাংলা
॥ স্বস্তি শ্রীমার্কণ্ডেযপুরাণে সাবর্ণিকে মন্বন্তরে দেবীমাহাত্ম্যে নারাযণীস্তুতির্নামৈকাদশোঽধ্যাযঃ ॥ ১১॥
IAST
|| svasti śrīmārkaṇḍeyapurāṇe sāvarṇike manvantare devīmāhātmye nārāyaṇīstutirnāmaikādaśo'dhyāyaḥ|| 11||
Sanskrit
उवाच ४, अर्धश्लोकः १, श्लोकाः ५०, एवमादितः ॥ ६३०॥
বাংলা
উবাচ ৪, অর্ধশ্লোকঃ ১, শ্লোকাঃ ৫০, এবমাদিতঃ ॥ ৬৩০॥
IAST
uvāca 4, ardhaślokaḥ 1, ślokāḥ 50, evamāditaḥ|| 630||
The 22-step reading sequence
